मत्‍ति 1:21 - बान्‍तावा राई

²¹ मोसाआ अ़क्‍छा दुवाछा तोक्‍तु, खोन्‍कि खाना खोक्‍कोसोओ अ़चुऩङ येसु त़पाक्‍तु, देकिनालो खोक्‍कोसाआ अ़चुम़नाचिओ अ़चुहेवाचिदाङ्‌का म़लेइसुचि।”

मत्‍ति 1:21 ပူးပေါင်းရင်းမြစ်များ

मत्‍ति 1:25

मरियम छा मान्‍तोक्‌युक्‍तातारि योसेफ मरियम्‌एनान अ़क्‍नि मान्‌इम। खोन्‍कि योसेफ्‌आ खोक्‍कोसोओ अ़चुऩङ येसु पाक्‍तु।

लुका 1:13

मेन निनाम्‍हाङ काफाआ लो “जकरिया, मान्‍क़दा। देकिनालो निनाम्‍हाङ्‌आ आम्‌यामात्‍माय़ङ अ़एनायुङ्‌सा। हान आम्‍खिम्‍हाङ्‌मा एलिसिबा छा वात्‌कि अ़क्‍छा दुवाछा तोक्‍तु, खोन्‍कि खोसोओ अ़ऩङ युहन्‍ना वात्‍तु।

लुका 1:31

हान एनु, खाना छा त़वात्‌कि अ़क्‍छा दुवाछा त़तोक्‍तु। मोक्‍को छाओ अ़ऩङ येसु वात्‍तु।

लुका 2:11

आय़ दाउद्‌ओ अ़तेन्‌दा कालेन्‍पा आम्‍नुओ निकि म़पुक्‍तान्‌युङ्‌सान्‍चिन। खो ख्रिस्‍त हाङ्‌पा म़युङ्‌याङ।

लुका 2:21

आथ्‌कालेन्‌दा नुनु सिप्‍मायाम्‍बुन मुवाहिदा खोक्‍कोसोओ अ़चुऩङ येसु अ़वात्‍ताचु। मो ऩङ मरियम्‌आ छा वात्‍मा बुयाङा निनाम्‍हाङ काफाआ खाएत्‍तुयुङ्‌सुओ।

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

युहन्‍ना 4:42

मोचिआ मो मेत्‍छामा अ़लोवा, “ओन्‍ग़रि खाना त़य़ङाओ य़ङ्‌आ ओन्‍ङा आन्‍कान्‍का साकोङ्‌छ़ङ मुन्‍काओ माआङ, मेन आन्‍कान्‍का आप्‍पि एनुम्‍काओसाआ अ़नुछ्‍या खोक्‍को हेन्‍खामादाओ कालेन्‍पा ओ निकिना आन्‍कान्‍काआ सिन्‍तुम्‍का।”

छाम्‍माय़ङ 13:23

खोन्‍कि ओ दाउद हाङ्‌ओ अ़छावारिचिलाम्‍पा निनाम्‍हाङ्‌आ म़हिप्‍तुचिवा इस्राएलिचिओ निम्‍पाङ अ़क्‍छा कालेन्‍पा येसु अ़तासा।

छाम्‍माय़ङ 3:26

खोन्‍कि खानानिन झारा इस्राएलिचि आम्‍नुओ अ़त्‍लो काचिचिदाङ्‌का लामाकि आसिखा प़मा निकिना निनाम्‍हाङ्‌आ अ़छेन्‍ताओ अ़चुछा येसु बुया खानानिन्‌एदा अ़य़सा।”

छाम्‍माय़ङ 4:12

खोन्‍कि येसुएदाङ्‌का नि साङ्‌आछाङ लेन्‍मा म़ऱनिन, देकिनालो ओ झारा हेन्‍खामादा आन्‍कान हेवादाङ्‌का लेन्‍मा निम्‍पाङ निनाम्‍हाङ्‌आ येसुओ अ़ऩङ ओन्‍ङा म़पुवायुङ्‌सा।”

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 3:5

आन्‍हेवा लेत्‍सि ख्रिस्‍त म़ताओ य़ङ खानानिन त़सिन्‍तुम्‌योम, खोन्‍कि खोक्‍कोएदा हेवा मात्‍द़ङ।

खाङ्‌मुमा 7:14

खोन्‍कि अ़ङ्‌का मो लासुङ्‌लोङ, “उवा, खानानिन्‌ङा त़सिन्‍तिन।” खोन्‍कि खोसाआ अ़ङ्‌का अ़लोवाङ, “ओचि तोक्‍पो ल़क्‍माचिदा निनाम्‍हाङ्‌एदा सोम्‍कुवा कामु म़लिसाओ म़नाचि ओ। मोचिआ अ़चुतित्‌चि थुबाछाओ अ़चुह़दा वाअ़सुवाकि ओम्‍पुवाचिचिओ अ़मुवायुङ्‌सा।