मत्‍ति 1:20 - बान्‍तावा राई

²⁰ मेन योसेफ ओवात्‍नि मिनाङाहिदा अ़सेन्‍मुयुदा अ़क्‍छा निनाम्‍हाङ काफा योसेफ्‌एदा खाङ्‌मुसान्‍चिन खोन्‍कि खो ओवात्‍नि लो, “योसेफ, दाउद्‌ओ अ़छा, मरियम आम्‍खिम्‍हाङ्‌मा लोक्‍मा मान्‍क़दा। देकिनालो मरियम बुक खुयाओ ना सेङ्‌लावादाङ्‌का ओ।

मत्‍ति 1:20 ပူးပေါင်းရင်းမြစ်များ

मत्‍ति 1:18

येसु ख्रिस्‍तओ अ़चुलिमा ओवात्‍नि लिसा: खोक्‍कोसोओ अ़चुमा मरियम योसेफ्‌एनान सायाकाम्‍मा दुम फुत्‍तायुङ्‌सा। मेन खोचिओ अ़चुसायाकाम्‍मा बुया मो आप्‍पि सेङ्‌लावादाङ्‌का छा वाराओ मरियम्‌आ सिन्‍तु।

मत्‍ति 2:12

खोन्‍किना हेरोद्‌एदा मान्‍लाखात्‌दानिन निकिना अ़चुसेन्‍मुयुदा चाप्‍चेत्‍माय़ङ अ़तोक्‍ताकि नि लाम लियाङ्‌सा मोचि अ़चुहेन्‍कोप म़लासा।

मत्‍ति 2:13

मो सालुत्‍लिचि म़खाराचिआकि निनाम्‍हाङ्‌ओ अ़क्‍छा अ़चुकाफा अ़चुसेन्‍मुयुदा योसेफ्‌एदा खाङ्‌मुसान्‍चिन खोन्‍कि लो, “पुवालोन्‍ता, नुनु खोन्‍कि खोक्‍कोसोओ अ़चुमा खात्‍तुचिकि मिस्र हेन्‍कोप फुङ्‌सा, खोन्‍कि अ़ङ्‌का खाना मान्‍लोयुक्‍नातारि मोयाङा युङा, देकिनालो हेरोद्‌आ नुनु सेत्‍मा निम्‍पाङ खोक्‍को लाम्‍मा मुङु।”

मत्‍ति 2:19

हेरोद सुवादाकिना निनाम्‍हाङ्‌ओ अ़क्‍छा अ़चुकाफा सेन्‍मुयुदा योसेफ्‌एदा मिस्रदा खाङ्‌मुसान्‍चिन खोन्‍कि ओवात्‍नि लो,

मत्‍ति 2:22

मेन यहुदियादा हेरोद हाङ्‌ओ अ़फान्‌दा अ़छा अर्खिलाउस हाङ मुयाङ्‌नि योसेफ्‌आ एनुकि मोह्‍यात्‍नि खात्‍मा योसेफ क़सा, खोन्‍कि अ़सेन्‍मुयुदा चाप्‍चेत्‍माय़ङ तोक्‍तुकि योसेफ गालिल धिखाहुप्‌ह्‍यात्‍नि खारा।

मत्‍ति 27:19

खोन्‍कि पिलातस छ़ङ्‌छेन्‍खादा युङाङाओ ग़रि खोसोओ अ़खिम्‍हाङ्‌माआ ओवाको य़ङ्‌खान छोक्‍तु, “मो साम्‌योक्‍मि म़ना देत्‍छाङ मान्‍मुदानुम, देकिनालो आय़ सेन्‍मुयुदा मोसोओ अ़तुक्‌वाआ अ़ङ्‌का ब़द्‍धे दुखा आङ्‌तुङ्‌युङ्‌सुङ।”

मत्‍ति 28:5

मेन निनाम्‍हाङ काफाआ मो मेत्‍छामाचि लोचि, “खानानिन मान्‍क़दानिन। अ़ङ्‌का सिन्‍तुङ्‌योङ, खानानिन क्रुस्‌दा अ़ख़न्‍तासेराओ येसु त़लामुम्‌योम।

लुका 1:19

निनाम्‍हाङ काफाआ य़ङ लासुप़, “अ़ङ्‌ऩङ गब्रिएल ओ। निनाम्‍हाङ्‌आ अ़ङ्‌का अ़धिवाङ पाङ ऩपुवाङ्‌युङ्‌साङ। खोक्‍कोसाआङा अ़ङ्‌का ओक्‍को ऩङानुमाओ य़ङ्‌खान खाना खाएत्‌सि ऩय़साङ्‌ओ।

लुका 2:4

मोन्‍ग़रि योसेफ अ़ऩङ छाप्‍सि गालिल धिखाहुप्‌दाओ नासरत तेन्‌दाङ्‌का लोन्‍ताकि यहुदिया धिखाहुप्‌दाओ दाउद्‌ओ अ़तेन बेथलेहेम्‌दुत्‍नि खारा। देकिनालो खोक्‍को बुयाओ हाङ दाउद्‌ओ अ़छावारि याआङा।

छाम्‍माय़ङ 5:19

मेन मो अ़खाखुत हाङ्‌पाओ अ़क्‍छा निनाम्‍हाङ काफाआ छेक्‍खाखिम्‌ओ लाप्‍तिखोप्‌चि होत्‍तुप़चि, खोन्‍कि मोचि बुङ्‌खाया लोइसुचि। खोन्‍किना खोसाआ मोचि लोचि,

खाङ्‌मुमा 19:7

आन्‍कान आन्‍ऩङानुसिन्‍चिन्‍ने खोन्‍कि ऩङ्‌नुखालोक्‍ताखा मुन्‍ने, खोक्‍कोसोओ अ़चुऩङ लोङ्‌सुम्‍ने! देकिनालो थुबाछाओ अ़चुसायाकाम्‍मा ग़रि तायुङ्‌सा, खोन्‍कि खोक्‍कोसोओ अ़चुसायाकाकाम्‍मा आप्‍पि मोसोओ निम्‍पाङ म़चुम्‍सान्‌युङ्‌सान्‍चिन।