लुका 9:5 - बान्‍तावा राई

⁵ खादा खानानिन साऩङ्‌वा ऩमेत्‍तिमिन खानानिन मो सहरा त़छिरुम्दाम्‌योम्‌हिदा मोचिओ अ़चुदेङ्‌सालाप्‍पादा सालुम्‍स़ङ्‌ओ निम्‍पाङ आम्‍नुओ लाङ्‌दाओ बाखा थुलि धाम्‍साधान्‍तादानुम।”

लुका 9:5 ပူးပေါင်းရင်းမြစ်များ

मत्‍ति 10:18

खानानिन अ़ङ्‌का कात़ङ्‌चिओसा हाङ्‌कामुचिओ खोन्‍कि हाङ्‌चिओ अ़चुबुदा ऩसारिन्‍खात्‍तिन। मोचिओ खोन्‍कि निरावाचिओ निम्‍पाङ अ़चुसालुम्‍स़ङ त़लिसिन।

मर्कुस 6:11

खोन्‍कि खाक्‍को तेन्‌दा म़नाचिआ खानानिन साऩङ्‌वा ऩमेत्‍तिमिन माङ्‌लो आम्‍नुओ य़ङ ऩएनुन्‌नालो मो सहरा त़छिरुम्दाम्‌योम्‌हिदा मो म़नाचिओ अ़चुदेङ्‌सालाप्‍पादा सालुम्‍स़ङ्‌ओ निम्‍पाङ आम्‍नुओ लाङ्‌दाओ बाखा थुलि धाम्‍साधान्‍तादानुम।”

मर्कुस 9:37

“साङ्‌आ अ़ङ्‌ऩङ्‌दा अ़क्‍छा ओवाको छा लोउ, मोसाआ अ़ङ्‌का अ़लोक्‍ङा। खोन्‍कि साङ्‌आ अ़ङ्‌का अ़लोक्‍ङा, खोसाआ अ़ङ्‌का माआङ, मेन अ़ङ्‌का काछुत्‍पा लोउ।”

लुका 10:16

“साङ्‌आ आम्‍नुओ य़ङ एनु, मोसाआ अ़ङ्‌य़ङ एनु। साङ्‌आ खानानिन ऩङाऩछिरिन, खोसाआ अ़ङ्‌का ऩङाअ़छित्‍ङा, खोन्‍कि साङ्‌आ अ़ङ्‌का ऩङाअ़छित्‍ङा, खोसाआ अ़ङ्‌का काछुत्‍पा ऩङाछिरु।”

लुका 5:14

खोन्‍कि येसुआ मो अ़लोवा, “ओ य़ङ साङ्‌छाङ खामान्‌एत्‍दोचि! मेन खारा, खोन्‍कि आप्‍पि काब़क्‍पाएदा खाङ्‌मुसान्‍चिन, खोन्‍कि निनाम्‍हाङ्‌य़ङ खाकालु मोसाआ लोमाय़ङ्‌ओ हेन्‍खोक्‌वा प़, खोन्‍कि म़नाचिओ निम्‍पाङ सालुम्‍स़ङ लिने।”

लुका 9:4

खाक्‍को खिम्‌दा खानानिन त़वाङिन, त़हासिमिन्‍चिन्‌तारि मोदाङा युङानिन।

लुका 9:48

खोन्‍कि मोचि म़लोचि, “साङ्‌आ अ़ङ्‌ऩङ्‌दा ओवाको छा लोउ, मोसाआ अ़ङ्‌का अ़लोक्‍ङा। खोन्‍कि साङ्‌आ अ़ङ्‌का अ़लोक्‍ङा, मोसाआ अ़ङ्‌का काछुत्‍पा लोउ। खानानिन्‌एदा झारादाङ्‌का अ़चुप्‍पो झारादाङ्‌का अ़धुवा ओ।”

छाम्‍माय़ङ 13:51

निनाम्‍हाङ मोचिओ अ़चुदेङ्‌सालाप्‍पादा अ़चुमाइसुङ काराओ बुन्‌दा पावल खोन्‍कि बारनाबास्‌आ अ़चुलाङ्‌दाओ बाखा थुलि अ़धाम्‍साधान्‍तादाचुकि आइकोनियन्‌दा खाराचि।

छाम्‍माय़ङ 18:6

मेन यहुदिचिआ पावल ऩङाअ़छिरा, खोन्‍कि अ़सुङ्‌ता। खोसाआ अ़तित धाम्‍सुधान्‍तुकि मोचि लोचि, “निनाम्‍हाङ्‌एदाङ्‌का ताओ दन्‍दा खानानिन्‌ङा त़सिन्‍तिन! अ़ङ्‌का दित्‍छाङ अ़सिन्‍ऩङ! हान्‌दाङ्‌का अ़ङ्‌का निरावाचिएदा खात्‍ङा!”