लुका 9:49 - बान्‍तावा राई

⁴⁹ खोन्‍कि युहन्‍नाआ येसु लो, “काचिन्‍पो, अ़क्‍छा म़नाआ आम्‍नुओ ऩङ्‌दा चाकावालावाचि लोइसुङुचिओ आन्‍कान्‍का खाम्‍का, खोन्‍कि मेन आन्‍कान्‍का खो लोन्‍मा मान्‍प़दोम्‍का। देकिनालो खो आन्‍कान्‌एनान्‌ओ अ़क्‍निओ माआङ।”

लुका 9:49 ပူးပေါင်းရင်းမြစ်များ

मत्‍ति 3:14

मेन युहन्‍नाआ ओवात्‍नि य़ङ्‌सा खोक्‍को छेक्‍मा लाप्‍तु, “मेन अ़ङ्‌काए खानानिन्‌एदाङ्‌का बप्‍तिस्‍मा लोक्‍मादोत, देकि खानानिन अ़ङ्‌काएदा त़तान्‌ओ?”

लुका 5:5

खोन्‍कि सिमोन्‌आ येसु लो, “काचिन्‍पो आन्‍कान्‍काआ ना नाम्‍तात्‍लो काचि मुन्‍काकिछाङ दित्‍छाङ मान्‍लाप्‌दान्‍का। मेन खानानिन त़य़ङिन्‌येन्‌ओसा अ़ङ्‌का बोप्‍छ़क वेत्‍तुङ्‌ने।”

लुका 9:33

मोसा खोन्‍कि एलिया येसुएनान म़हासान्‌यान्‍चिन्‌हिदा पत्रुस्‌आ येसु लो, “काचिन्‍पो, आन्‍कान ओदा युङ्‌मा अ़नुवाक लि! आन्‍कान्‍का सुम्‌कातात याक्‍साचि मुम्‍च़म्‍काने। अ़क्‌तात आम्‍नुओ निम्‍पाङ, अ़क्‌तात मोसाओ निम्‍पाङ खोन्‍कि अ़क्‌तात एलियाओ निम्‍पाङ।” खो आप्‍पि दि चेवाङाओ मान्‍सिन्‍दो।

छाम्‍माय़ङ 5:28

“आन्‍कान्‍का खानानिन येसुओ अ़ऩङ्‌दा म़नाचि चिन्‍माइ मान्‍चिन्‍दानुम्‍च़म्‌नि खानानिन लोनिओ। मेन खानुम, खानानिन्‌आ ना झारा यरुसलेम्‌दा त़चिन्‍तुम्‍चिउम्‍च़म, खोन्‍कि ओ म़नाओ अ़ह़वा आन्‍कान्‍का पाक्‍मा त़लाप्‍निङ्‌नि!”

१ थेसलोनिकि 2:16

मोचिआ आन्‍कान्‍का निरावाचि लेन्‍माओ नुय़ङ्‌खान खाएत्‍मा मान्‍प़ऩदान्‍का। मोवात्‍नि अ़धुन मोचिआ अ़चुहेवाचि पोन्‌याङ्‌सा अ़खात्‌याङ। मेन आदेङ मोचिएदा निनाम्‍हाङ्‌ओ अ़चुमाइसुङ छुक्‍तायुङ्‌सा!