लुका 9:44 - बान्‍तावा राई

⁴⁴ “अ़ङ्‌का य़ङ्‌मा मुङाङाओ य़ङ्‌चि नुलोक एनानुम्‍च़म। अ़ङ्‌का म़नाओ अ़छा म़नाचिओ अ़चुछुक्‌दा पाक्‍मा ऩमुङाङा।”

लुका 9:44 ပူးပေါင်းရင်းမြစ်များ

मत्‍ति 16:21

खोक्‍को देत्‍नि यरुसलेम खात्‍मादोत, खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिदाङ्‌का ब़द्‍धे दुखा आङ्‌मादोत खोन्‍कि अ़सेत, मेन खो सुम्‌कालेन्‌दा स़दाओदाङ्‌का लाखोन्‍लोन निकिना येसुआ मोन्‍ग़रिदाङ्‌का अ़चुकाखेङ्‌पाचि खाएत्‍मा म़पुक्‍तुचि।

मत्‍ति 26:2

“खानानिन त़सिन्‍तुम्‌योम, हान ह्‍वालेन्‌कि काक्‍माखात्‍मा चानुचा तायाङ, खोन्‍किना म़नाओ अ़छा क्रुस्‌दा क़ङ्‌मासेत्‍मा निम्‍पाङ म़नाचिओ अ़चुछुक्‌दा म़प़चि।”

मर्कुस 8:31

खोन्‍किना येसुआ अ़चुकाखेङ्‌पाचि “म़नाओ अ़छाआ ब़द्‍धे दुखा आङ्‌मादोत, अ़धुवाचि, मुलो काब़क्‍पाचि, खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत, मेन सुम्‌कालेन्‌दा लाखोन्‍लोन्‌नि लोयाङ्‌सा खोचि चिन्‍मा म़पुक्‍तुचि।”

मर्कुस 9:31

देकिनालो खोक्‍कोसाआ अ़चुओ काखेङ्‌पाचि म़चिन्‍तुचि खोन्‍कि म़लोचि, “म़नाओ अ़छा अ़लाप्‌कि म़नाचिओ अ़चुछुक्‌दा अ़पाक। मोचिआ खो अ़सेत, मेन सुम्‌कालेन्‌दा खो लाखोन्‍लोन।”

लुका 1:66

ओ य़ङ काएन झाराकापाङ्‌आ अ़चुमिन्‍मादा मित्‌याङ्‌सा म़य़ङा, “ओ नुनु माय़ङ दियाको लि हे?” देकिनालो हाङ्‌पा निनाम्‍हाङ्‌ओ अ़चुसावा खोएदा छुक्‍तायुङ्‌सा।

लुका 18:31

खोन्‍किना येसुआ बारकापाङ अ़चुकाखेङ्‌पाचि अ़क्‍चित ह्‍यात्‍नि म़खात्‍तुचिकि म़लोचि, “खानुम, आन्‍कान यरुसलेम्‌ह्‍यात्‍नि खारिन्‌येन, खोन्‍कि म़नाओ अ़छाओ अ़तुक्‌वादा निनाम्‍हाङ्‌य़ङ खाकालुचिआ अ़छाप्‍ताओ य़ङ्‌चि झारा म़ताला।

लुका 2:19

मेन मरियम्‌आओन ओ झारा य़ङ्‌चि अ़मिन्‍मादा नुलोक युङ्‌सुकि मित्‍तुचि।

लुका 2:51

खोन्‍किना येसु अ़चुमापाचिएनान नासरत्‌दा म़धाकि खोचिआ अ़लोवाचुओ काङ्‌याङ्‌सा युङा। खोन्‍कि खोक्‍कोसोओ अ़चुमा मरियम्‌आ ओ झारा य़ङ्‌चि अ़मिन्‍मादा नुलोक युङ्‌सुचि।

लुका 24:44

खोक्‍कोसाआ मोचि म़लोचि, “खानानिन्‌एनान युङाङ्‌याङ्‌हिदा अ़ङ्‌का चेवाङ्‍ओ य़ङ्‌चि ओचिङा ओ: मोसाओ अ़य़ङ्‌हुप, निनाम्‍हाङ्‌य़ङ खाकालुचिओ छाप्‍लाखा खोन्‍कि साम्‍ऱङ्‌भुङ्‍ओ छाप्‍लाखादा छाप्‍ताओ अ़ङ्‌तुक्‌वादाओ झारा य़ङ्‌चि तामालामाङादोत।”

लुका 9:22

खोन्‍कि खोक्‍को म़य़ङा, “अ़ङ्‌का म़नाओ अ़छाआ ब़द्‍धे दुखा आङ्‌मादोत खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत मेन खो सुम्‌कालेन्‌दा स़दाओदाङ्‌का लाखोन्‍लोन।”

युहन्‍ना 16:31

येसुआ मोचि म़लासुलोचि, “दि खानानिन हान साकोङ्‌छ़ङ त़मुन?

युहन्‍ना 16:4

ओ य़ङ्‌चि अ़ङ्‌का खानानिन खाएत्‍नायुङ्‌नानिन, देकिनालो माय़ङ मोवाको काचि लिहिदा अ़ङ्‌का खानानिन दे लोनानिन्‌ओ मो खानानिन्‌आ त़मित्‍तुम्‍तोक्‍तुम्‍ने। बुयादाङ्‌का अ़ङ्‌का खानानिन ओ मान्‍लोदानानिन, देकिनालो अ़ङ्‌का खानानिन्‌एनान युङाङ्‌याङ।

युहन्‍ना 19:11

येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

हिब्रु 2:1

खोन्‌ओसा आन्‍कान दि एनुम्‌युङ्‌सुम, मोदा आन्‍कान च़लोक मिन्‍मा पाक्‍मादोत। मोवात्‍निनालो आन्‍कान मोदाङ्‌का अ़थेमिन्‍खारिमिन।