लुका 9:42 - बान्‍तावा राई

⁴² मेन मो बानाङाहिदाङा पोप्‍ताओ लावा मो धाम्‍सुकि धुन्‍मेत्‍तु, खोन्‍कि येसुआ मो पोप्‍ताओ लावा अ़रेन्‍ता, मोवात्‍नि मो छा अ़नुसाकि मोसोओ अ़पा अ़लासापुवा।

लुका 9:42 ပူးပေါင်းရင်းမြစ်များ

मर्कुस 9:20

खोन्‍किना मोचिआ मो छा येसुएदा अ़बात्‍ता। चाकावालावाआ येसु खाकिना मोन्‍ग़रिङा मो छा ङाङ्‌सु खोन्‍कि बाखादा तियाकि अ़दोदाङ्‌का अ़छोम्‍पुत्‌वा लोन्‌याङ्‌सा ओह्‍यात्‍नि-मोह्‍यात्‍नि पुलिनाम्‍ताङ मेत्‍ता।

लुका 7:15

सुवादाओ दुवाछा पुवालोन्‍ताकि युङा खोन्‍कि चेप्‍मा पुक्‍तु। येसुआ मो सावाछा मोसोओ अ़मा अ़लासापुवा।

लुका 9:39

अ़क्‌तात चाकावालावाआ मो लाउकि खोक्‍को म़प्‍च़क़क्‌दा चिलिलिवा पात, खोन्‍कि मो छाओ अ़दोदाङ्‌का अ़छोम्‍पुत्‌वा लोन्‍लो धुन्‍मेत्‍तु। मो खेन्‍मान्‌वान्‍माङ्‌तारि लेत्‍माइ अ़लेरुन।

लुका 9:41

येसुआ म़लोचि, “साकोङ्‌छ़ङ मान्‍मुकादा म़नाचि खोन्‍कि ऱक्‌याङ्‌ओ लाम्‌दा काकोन्‌चि ओ! देम्‍खातारि अ़ङ्‌का खानानिन आङ्‌नानिन? आम्‍दुवाछा छा ओदा बात्‍तु।”

लुका 9:43

निनाम्‍हाङ्‌ओ अ़धिवा सावा अ़खाकि झारा म़नाचि दोम्‍तुदोचि। येसुआ अ़मुवाओ अ़क्‌तात काचिदा झाराकापाङ दोम्‍तुदोचिओ ग़रि खोक्‍कोसाआ अ़चुकाखेङ्‌पाचि म़लोचि।

युहन्‍ना 6:19

अ़चुकाखेङ्‌पाचिआ पाच-छ किलोमितरा नावा अ़याप्‍ताखात्‍ताकिना मोचिआ येसु धियाङ्‌वामादा कोन्‌याङ्‌सा नावाओ अ़च़क्‌दा म़बानाङाओ अ़खा, खोन्‍कि मोचि म़क़सा।

छाम्‍माय़ङ 9:41

खोन्‍कि पत्रुस्‌आ मोसोओ अ़छुक्‌दा लाउकि पुउलोइसु। खोन्‍किना खोसाआ साकोङ्‌छ़ङ कामुचि खोन्‍कि मेन्‍मित्‍माचि बुत्‍तुचिकि मो लासाह़ङाओ मोचि खाङ्‌मेत्‍तुचि।

खाङ्‌मुमा 12:12

खोन्‌ओसा निनाम्‍मादु कायुङ्‌चि ओ, ऩङानुसानिन्‍चिन! मेन हेन्‍खामा खोन्‍कि धियाङ्‌वामा देम चाअ़त्‍लो त़लिचि! देकिनालो सैताना खानाचिएदा वेइसाधान्‍तायुङ्‌सा! खोसोओ अ़माइसुङ्‌कारायुङ्‌सा देकिनालो अ़ग़रि थुत्‍मेत्‍लो मुयाङ निकिना खोसाआ सिन्‍तुङु।”