28 ओ य़ङ्ओ आफ्फात आथ्कालेन देङ्दा पत्रुस, युहन्ना खोन्कि याकुब येसुआ म़खात्तुचिकि यामात्सि भ़ऱदु म़लोन्ता।
म़ना मुक्लाचि म़छुत्तुखाइसुचिकि खोक्को आप्पि यामात्सि भ़ऱदु म़लोन्ता। अ़नाम्प़क लिसाहिदा येसु भ़ऱदु अ़चुदाप्म़ङ म़युङाङा।
म़ना मुक्लाचि म़खाचिकिना खोक्को भ़ऱदु म़लोन्ता खोन्कि म़युङा। खोक्कोसोओ अ़चुकाखेङ्पाचि खोक्कोएदा म़ता।
अ़वाय़ङ खामान्दात्युक्ताहिदाङा येसु म़पुवालोन्ताकि सुकुलादा म़खारा, खोन्कि मोदा खोक्को याम़मारा।
खोन्कि मोचिएनान म़हासान्चिआन्चिन्किना खोक्को यामात्सि भ़ऱदु म़लोन्ता।
बुया झारा म़नाचि बप्तिस्मा म़लोआङाहिदा येसुछाङ बप्तिस्मा म़लोआ। खोन्कि खोक्को याम़माराङाहिदा निनाम्मा होरा।
मेन येसु लेक्लेक्लेक्वाओदा यामात्सि खात्याङ्सा म़मुवाङा।
खोन्किना अ़क्लेन येसु यामात्सि भ़ऱदु म़खाराकि नाम्तात्लो निनाम्हाङ्एदा याम़मारा।
याइरस्ओ अ़खिम्दा येसु म़तालाकि येसुआ पत्रुस, युहन्ना, याकुब खोन्कि मो छाओ अ़पाअ़माचिदाङ्का निचि साङ्छाङ खोक्कोएनान खिम्हुत्दा वाङ्मा मान्प़म़दोचि।
अ़क्दु येसु अ़चुदाप्म़ङ्ङा याम़माराङाहिदा अ़चुकाखेङ्पाचि खोक्कोएनान म़युङाङा, खोन्कि खोक्कोसाआ मोचि म़सेनुचि, “म़नाचिआ अ़ङ्का साङ्नि ऩलोङाङा?”
खोन्किना येसु भ़ऱदु म़खाराकि अ़चुकाखेङ्पाचिएनान म़युङा।
ओ सुम्कादुओदु अ़ङ्का खानानिन्एदा बान्ङाङाओ। साम्कालिन य़ङ्याङ, “झारा लाहि ह़वाङ माङ्लो सुम्पाङ सालुम्स़ङ्चिओ अ़चुसालुम्स़ङ्लाम्पा झारा य़ङ अ़छ़ङ कान्मादोत।”
येसु अ़चुपोक्दा म़युङाङाहिदा खोक्को स़मादाङ्का साङ्आ लेन्मा अ़ऱ, खोक्कोएदा अ़न्नुनु पात्याङ्सा खोन्कि अ़चुम़क्वाएनान याम़मारा। खोन्किना खोक्कोसाआ सिम्नान्चिन्सा निनाम्हाङ साया अ़मेत्ताओसाआ अ़चुयामात्मा अ़एना।
देकिनालो आन्कान्का खानानिन आन्हाङ्पा येसु ख्रिस्तओ अ़चुसावा खोन्कि म़लातायाङ्ओ नुय़ङ्खान खाएत्निङ्निहिदा चाप्चाएनान मुमाय़ङ वाहिराङ्मित्चि आन्कान्का मान्त़ङ्दोम्च़म्का, मेन खोक्कोसोओ तोक्पो अ़चुसावा काखाङ आन्कान्का सालुम्स़ङ युङिन्येन्का।