लुका 9:22 - बान्‍तावा राई

²² खोन्‍कि खोक्‍को म़य़ङा, “अ़ङ्‌का म़नाओ अ़छाआ ब़द्‍धे दुखा आङ्‌मादोत खोन्‍कि अ़धुवाचि, मुलो काब़क्‍पाचि खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत मेन खो सुम्‌कालेन्‌दा स़दाओदाङ्‌का लाखोन्‍लोन।”

लुका 9:22 ပူးပေါင်းရင်းမြစ်များ

मत्‍ति 17:12

मेन अ़ङ्‌का खानानिन लोनानिन, एलिया बुयाङा ताचिआयुङ्‌सा, खोन्‍कि म़नाचिआ खो मान्‍सिन्‌अ़दा, मेन म़नाचिआ देमुमानि म़मिना, खोवात्‍निङा खो अ़मुवायुङ्‌सा। मोवात्‍निङा म़नाओ अ़छाआछाङ मोचिओ अ़चुछुक्‌दाङ्‌का दुखा आङ्‌मादोत।”

मत्‍ति 17:22

खोचि गालिल्‌दा म़लासान्‍कोवान्‍चिन्‌हिदा येसुआ मोचि “म़नाओ अ़छा म़नाचिओ अ़चुछुक्‌दा अ़पाक”नि म़लोचि।

मत्‍ति 27:63

मोचिआ अ़लोवा, “हाङ्‌पो, आन्‍कान्‍का मित्‍तुम्‌योम्‍का, मो काम़प्‌आ ह़ङाङाहिदा ‘सुम्‌कालेन्‌कि अ़ङ्‌का लाङाखोन्‍ङालोन्‍ङा’नि य़ङाओ।

मर्कुस 8:31

खोन्‍किना येसुआ अ़चुकाखेङ्‌पाचि “म़नाओ अ़छाआ ब़द्‍धे दुखा आङ्‌मादोत, अ़धुवाचि, मुलो काब़क्‍पाचि, खोन्‍कि य़ङ्‌हुप काचिन्‍पाचिआ ऩङाअ़छित, खोन्‍कि अ़सेत, मेन सुम्‌कालेन्‌दा लाखोन्‍लोन्‌नि लोयाङ्‌सा खोचि चिन्‍मा म़पुक्‍तुचि।”

मर्कुस 9:31

देकिनालो खोक्‍कोसाआ अ़चुओ काखेङ्‌पाचि म़चिन्‍तुचि खोन्‍कि म़लोचि, “म़नाओ अ़छा अ़लाप्‌कि म़नाचिओ अ़चुछुक्‌दा अ़पाक। मोचिआ खो अ़सेत, मेन सुम्‌कालेन्‌दा खो लाखोन्‍लोन।”

लुका 17:25

मेन बुया अ़ङ्‌का ब़द्‍धे दुखा आङ्‌मादोत खोन्‍कि ओ दुङ्‌दाओ म़नाचिआ ऩङाऩछित्‍ङा।

लुका 24:26

दि निनाम्‍मादु ख्रिस्‍तओ अ़चुऩङ तोक्‍पो लिमा बुया ओ दुखाचि आङ्‌मा मान्‍दोत्‌याङ्‌चि कि?”

लुका 24:44

खोक्‍कोसाआ मोचि म़लोचि, “खानानिन्‌एनान युङाङ्‌याङ्‌हिदा अ़ङ्‌का चेवाङ्‍ओ य़ङ्‌चि ओचिङा ओ: मोसाओ अ़य़ङ्‌हुप, निनाम्‍हाङ्‌य़ङ खाकालुचिओ छाप्‍लाखा खोन्‍कि साम्‍ऱङ्‌भुङ्‍ओ छाप्‍लाखादा छाप्‍ताओ अ़ङ्‌तुक्‌वादाओ झारा य़ङ्‌चि तामालामाङादोत।”

लुका 9:44

“अ़ङ्‌का य़ङ्‌मा मुङाङाओ य़ङ्‌चि नुलोक एनानुम्‍च़म। अ़ङ्‌का म़नाओ अ़छा म़नाचिओ अ़चुछुक्‌दा पाक्‍मा ऩमुङाङा।”

१ कोरिन्‍थि 15:4

खोक्‍को म़खुम्‍ता, खोन्‍कि साम्‍कालिन्‌वा सुम्‌कालेन्‌दा खोक्‍को म़लासाखोन्‍तालोन्‍ता।

१ पत्रुस 1:11

ख्रिस्‍तआ दुखा आङ्‌मादोत खोन्‍कि आदेङ साया अ़तोक निकिना बुयादाङ्‌काङा ख्रिस्‍तओ अ़चुलावाआ मोचि खाङ्‌म़मेत्‍तुङुचिहिदा, देम्‍खा खोन्‍कि देत्‍नि मोवात्‍नि लि निकिना सिन्‍मा खोचि म़लामा।