लुका 9:18 - बान्‍तावा राई

¹⁸ अ़क्‍दु येसु अ़चुदाप्‍म़ङ्‌ङा याम़माराङाहिदा अ़चुकाखेङ्‌पाचि खोक्‍कोएनान म़युङाङा, खोन्‍कि खोक्‍कोसाआ मोचि म़सेनुचि, “म़नाचिआ अ़ङ्‌का साङ्‌नि ऩलोङाङा?”

लुका 9:18 ပူးပေါင်းရင်းမြစ်များ

मत्‍ति 14:23

म़ना मुक्‍लाचि म़छुत्‍तुखाइसुचिकि खोक्‍को आप्‍पि यामात्‍सि भ़ऱदु म़लोन्‍ता। अ़नाम्‍प़क लिसाहिदा येसु भ़ऱदु अ़चुदाप्‍म़ङ म़युङाङा।

मत्‍ति 26:36

खोन्‍किना येसु गेतसमनिनिओदा अ़चुकाखेङ्‌पाचिएनान म़खारा, खोन्‍कि मोचि म़लोचि, “खानानिन ओदाङा युङायाक्‍तानिन, अ़ङ्‌का अ़क्‍चित ह्‍यात्‍नि खात्‍ङाकि यामात्‍ङा।”

लुका 11:1

येसु अ़क्‍दु अ़क्‌तेप्‌दा याम़माराङा। मोन्‍ग़रि खोक्‍को याम़माराचिआकि अ़चुकाखेङ्‌पाचिदाङ्‌का अ़क्‍छाआ खोक्‍को अ़लोवा, “हाङ्‌पो, युहन्‍नाआ अ़काखेङ्‌पाचि चिन्‍तुचिवात्‍नि आन्‍कान्‍काछाङ यामात्‍मा चिन्‍नि।”

लुका 3:21

बुया झारा म़नाचि बप्‍तिस्‍मा म़लोआङाहिदा येसुछाङ बप्‍तिस्‍मा म़लोआ। खोन्‍कि खोक्‍को याम़माराङाहिदा निनाम्‍मा होरा।

लुका 6:12

खोन्‍किना अ़क्‌लेन येसु यामात्‍सि भ़ऱदु म़खाराकि नाम्‍तात्‍लो निनाम्‍हाङ्‌एदा याम़मारा।

लुका 9:19

मोचि म़य़ङा, “खा-खाक्‍को य़ङ्‌याङ बप्‍तिस्‍मा काप़ युहन्‍नानि, मेन खा-खाक्‍को एलियानि खोन्‍कि मोदाङ्‌का निचिआ बुयाओ निनाम्‍हाङ्‌य़ङ खाकालुचिएदाओ खाक्‍को अ़क्‍छा खोन्‍तालोन्‍तायुङ्‌सानि म़य़ङ्‌याङ।”

लुका 9:28

ओ य़ङ्‍ओ आफ्‍फात आथ्‌कालेन देङ्‌दा पत्रुस, युहन्‍ना खोन्‍कि याकुब येसुआ म़खात्‍तुचिकि यामात्‍सि भ़ऱदु म़लोन्‍ता।

लुका 9:29

येसु याम़माराङाहिदा खोक्‍कोसोओ अ़चुङाइवाओ अ़चुकात्‍मा फान्‍ता, खोन्‍कि खोक्‍कोसोओ अ़चुतित नाम्‍चिम्‍पेलेक्‌वात्‍नि छोक्‍छोक्‍छोक्‌वा खोन्‍कि ओम्‍पुवाचिचि लेरा।