लुका 8:7 - बान्‍तावा राई

⁷ अ़क्‍चित बिउचि त़ङ्‌खोक्‌वालादा म़छुक्‍ता, खोन्‍किना मोएनान अ़क्‍नि त़ङ्‌खोक्‌वा ताङ्‌चि म़पोयालोन्‍ताकि मो बिउचि म़उप्‍तुदिसुचि।

लुका 8:7 ပူးပေါင်းရင်းမြစ်များ

मत्‍ति 13:22

त़ङ्‌खोक्‌वालादा म़छुक्‍ताओ बिउचि ओचिङा ओ: मोसाआ निनाम्‍हाङ्‌ओ अ़चुय़ङ एनु, मेन ओ हेन्‍खामादाओ मिन्‍राक्‌चि, चासुम्‍छेन्‍बि च़क्‍ख़य़आ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

मत्‍ति 13:7

अ़क्‍चित बिउचि त़ङ्‌खोक्‌वालादा म़छुक्‍ता, खोन्‍किना त़ङ्‌खोक्‌वा ताङ्‌चि म़पोयालोन्‍ताकि मो बिउचि म़उप्‍तुदिसुचि।

मर्कुस 4:7

अ़क्‍चित बिउचि त़ङ्‌खोक्‌वालादा म़छुक्‍ता, खोन्‍किना त़ङ्‌खोक्‌वा ताङ्‌चि म़पोयालोन्‍ताकि मो बिउचि म़उप्‍तुदिसुचि, खोन्‌ओसा मोचिआ अ़चुसिवा सिमा मान्‍ऱअ़दा।

लुका 21:34

खानानिन चाप्‍चेत्‍तानिन्‍चिन, माङ्‌नालोना आम्‍नुओ ताकावा च़मा, खाबात्‌आ सेत्‍मा, खोन्‍कि ‘देत्‍नि ह़ङ्‌मा’नि मिन्‍मा योक्‍माआ आम्‍नुओ मिन्‍मा तिमुखात्‍तु, खोन्‍किना वाय़वात्‍निङा अ़क्‍धुवा मो लेन तालाप।

लुका 8:14

त़ङ्‌खोक्‌वालादा म़छुक्‍ताओ बिउचि ओचिङा ओ: साङ्‌आ निनाम्‍हाङ्‌ओ अ़चुय़ङ एनु, मेन मो म़ह़ङ्‌याङ्‌हिदा हेन्‍खामादाओ मिन्‍राक्‌चि, चासुम्‍छेन्‍बि खोन्‍कि अ़चुताकावा युङ्‌माचामाआ उप्‍तुदिसुचि, खोन्‍किना मोचिओ अ़चुसिवा चात्‍मा अ़ऱनिन।

लुका 8:6

अ़क्‍चित बिउचि लुङ्‌छ़ङ्‌दुङ्‌दाओ बाखादा म़छुक्‍ता, खोन्‍कि मोदा खेक्‍मा ना खेक्‍तुचि, मेन बाखा अ़चिवाङ मात्‍द़ङ्‌याङ्‌ओसा म़युलासुवा।

लुका 8:8

मेन अ़क्‍चित बिउचि अ़नुवाक बाखादा म़छुक्‍ता। मोचि म़पोयाकि वेत्‍माय़ङ्‌दाङ्‌का सयेकास़रो च़लोक सिया।” येसुआ ओ दोय़ङ्‌ला खाम़एत्‍तुचिउचिकि अ़धिवा य़ङ्‌आ म़लोचि, “साङ्‌को अ़एन्‍खा नाबाक याक्‌याङ, मोसाआ एनुने!”