लुका 8:41 - बान्‍तावा राई

⁴¹ खोन्‍कि याइरस अ़ऩङ मुवाङाओ म़ना मोदा ता। खोक्‍को यावायोक्‍खिम्‌दाओ बुसुवा मुवाङा। खो येसुओ अ़चुलाङ्‌दा बोम्‍सान्‍चिन खोन्‍कि अ़खिम्‌दा खोएनान खात्‍मा निकिना बुउ।

लुका 8:41 ပူးပေါင်းရင်းမြစ်များ

लुका 13:14

मेन येसुआ सावातोम्‍खा-लेन्‌दा मो मेत्‍छामा अ़नुसाओसा यावायोक्‍खिम्‌दाओ बुसुवाओ अ़माइसुङ कारा, खोन्‍कि खोसाआ मुक्‍लाचि लोचि, “काचि मुखा छकालेन म़याक्‌याङ। खोन्‌ओसा ओ छकालेन्‌दा तानिन्‌कि नुलुवानिन। सावातोम्‍खा-लेन्‌दा माआङ।”

लुका 17:16

खोन्‍कि मो येसुओ अ़चुलाङ्‌दा बोम्‍सान्‍चिन्‌कि आलाङ प़। मो अ़क्‍छा सामरियायाओ म़ना ओ।

लुका 5:8

ओ खाकि सिमोन पत्रुस्‌आ येसुओ अ़चुलाङ्‌दा बोम्‍सान्‍चिन्‌कि “हाङ्‌पो! अ़ङ्‌काएदाङ्‌का अ़थाया खारानिन। देकिनालो अ़ङ्‌का हेवामि ओ”नि य़ङा।

लुका 8:42

देकिनालो खोसोओ अ़क्‍छा ओन्‍ङा ओ बारकादोङ लेका बात्‍तुङुओ अ़छा मेत्‍छाछा छा स़मादामा मुवाङा। येसु याइरस्‌ओ अ़खिम्‌दा म़खाराङाओ ग़रि म़ना मुक्‍लाचि येसुओ अ़चुऱङ्‌कोप्‍नि रोम्‍पोङ्‌पोङ्‌वा म़लिसा।

लुका 8:49

येसु म़चेवाङाहिदाङा यावायोक्‍खिम्‌दाओ बुसुवा याइरस्‌ओ अ़खिम्‌दाङ्‌का अ़क्‍छा म़ना ताकि खो लो, “आम्‍नुओ मेत्‍छाछा छा ना सुवादाचिआ! हान काचिन्‍पा दुखा मान्‍प़दानुम।”

युहन्‍ना 11:21

खोन्‍कि मार्थाआ येसु लो, “हाङ्‌पो, खानानिन ओदा त़युङिन्‌येन्‌ओ दे, अ़ङ्‌निछा मान्‍स़दाओ।

छाम्‍माय़ङ 13:15

निनाम्‍हाङ्‌य़ङ खाकालु मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का अ़खिप्‍ताकि यावायोक्‍खिम्‌दाओ बुसुवाचिआ पावल खोन्‍कि बारनाबास बुत्‍सि म़छुत्‍तुचिकि य़ङ म़मेत्‍तुचि, “यावाचि ओ, खानाचिएदा म़नाचि राक प़मायु य़ङ्‌खान युङ्‌याङ्‌नालो य़ङाचि।”

छाम्‍माय़ङ 18:17

खोन्‌ओसा झारा यहुदिचिआ यावायोक्‍खिम्‌दाओ बुसुवा सोस्‍थेनेस अ़लावाकि छ़ङ छेन्‍खाओ अ़बुदा अ़ब़ङ्‌सा। मेन गलियोन्‌आ नेत्‍माइमान्‍नेत्‌दोचि।

छाम्‍माय़ङ 18:8

यावायोक्‍खिम्‌दाओ बुसुवा क्रिस्‍पस खोन्‍कि खोसोओ झारा अ़खिम्‌दाओचिआ हाङ्‌पाएदा साकोङ्‌छ़ङ म़मुवा। खोन्‍कि कोरिन्‍थिदाओचिआछाङ ब़द्‍धेसाआ पावल्‌ओ अ़य़ङ अ़एना खोन्‍कि साकोङ्‌छ़ङ म़मुवाकि बप्‍तिस्‍मा म़लोआ।

छाम्‍माय़ङ 9:38

लुद्‍दा योप्‍पाओ अ़च़क्‌दा छुक्‍ताङा, खोन्‌ओसा काखेङ्‌चिआ पत्रुस मोदा युङ्‌याङ्‌नि अ़एनाकिना मोचिआ खोएदा ह़वाङ म़नाचि “आन्‍कान्‍काएदा च़क्‍नि बानानिन” निकिना छुक फाङ्‌सि म़छुत्‍तुचि।

खाङ्‌मुमा 5:8

खाउग़रि मो छाप्‍लाखाओ अ़भोङ अ़लोआ, मोन्‍ग़रि मो चारकातात्‍माङ अ़ह़ङ साक्‍स़ङ्‌चि खोन्‍कि चौबिस्‌कापाङ्‌माङ साम्‌योक ताङ्‌पाचि थुबाछाओ अ़चुबुदा म़बोम्‍सान्‍चिन। मो झारा साम्‌योक ताङ्‌पाचिओ अ़चुछुक्‌दा वाकेन खोन्‍कि नाम्‍नुओ सुङ्‌आ भेप्‍तुओ हाराक्‌वाओ फाङ्‌लान्‌चि म़याआङा। मो निनाम्‍हाङ्‌ओ अ़चुम़नाचिओ अ़चुयामात्‍माचिओ।