लुका 8:40 - बान्‍तावा राई

⁴⁰ हान येसु धियाङ्‌वामाओ ह्‍याउधेत्‌याङ्‌का म़लासाताहिदा म़ना मुक्‍लाचिआ खोक्‍को साया अ़मेत्‍ता। देकिनालो मोचि झारासाआ खोक्‍को अ़हुङाङा।

लुका 8:40 ပူးပေါင်းရင်းမြစ်များ

मत्‍ति 9:1

खोन्‍किना येसु नावादा म़वाङाकि अ़ह्‍याउधेत्‌या म़खारा, खोन्‍कि खोक्‍कोसोओ आप्‍पिओ अ़चुसहरादा म़लासाता।

मर्कुस 12:37

दाउद्‌आङा खोक्‍को ‘हाङ्‌पो’नि लोनालो देत्‍नि ख्रिस्‍त दाउद्‌ओ अ़छा लिमा ऱ?” खोन्‍कि ब़द्‍धे म़ना मुक्‍लाचिआ खोक्‍कोसोओ अ़चुय़ङ ऩङानुयाङ्‌सा अ़एनाङा।

मर्कुस 5:21

येसु नावालाम्‍पा धियाङ्‌वामाओ अ़ह्‍याउधेत्‌या म़लासाखारा। खोन्‍कि खोक्‍को धियाङ्‌वामाओ अ़केम्‌दा म़युङाङाहिदा ब़द्‍धे म़ना मुक्‍लाचि येसुओ अ़चुऱङ्‌कोप्‍नि म़कोवान्‍चिन

मर्कुस 6:20

देकिनालो युहन्‍ना साम्‌योक्‍मि खोन्‍कि सेङ्‌ताङ्‌पा म़नानि हेरोद्‌आ सिन्‍तुकिना युहन्‍ना सायामेत्‍तुङु, खोन्‍कि खोसाआ खो रात्‍तुयुङ्‌सुङु। हेरोद्‌आ युहन्‍नाओ अ़य़ङ एनुङुहिदा हेरोद्‌ओ अ़मिन्‍मा चाअ़त्‍साङा, खोन्‍नुछाङ खोसोओ अ़य़ङ अ़ऩङानुयाङ्‌सा एनुङु।

लुका 19:48

खोन्‍नुछाङ मोचिआ येसु सेत्‍माओ अ़लाम दित्‍छाङ मान्‍धित्‌अ़दा। देकिनालो झारा म़नाचि खोक्‍कोसोओ अ़चुय़ङ एन्‌याङ्‌सा खोक्‍कोएनान अ़क्‍नि म़युङायाक्‍ताङा।

लुका 19:6

खोन्‍किना जखायस च़क्‍नि धान्‍तान्‍चिन्‌कि अ़ऩङानुयाङ्‌सा अ़खिम्‌या येसु साऩङ्‌वा मेत्‍तु।

लुका 5:1

अ़क्‌लेन येसु गनेसरेत्‌निओ धियाङ्‌वामाओ अ़च़क्‌दा म़एवाङाहिदा ब़द्‍धे म़नाचि निनाम्‍हाङ्‌ओ अ़चुय़ङ एन्‍सि छ़न्‍काछुछुरुप लियाङ्‌सा म़ता।

लुका 8:39

“आम्‍खिम लासाखारा खोन्‍कि निनाम्‍हाङ्‌आ आम्‍को निकि देम अ़धिवाङ काचि ऩमेत्‍तापुवाओ दुम खाएत्‍तुचि।” खोन्‍किना मो म़ना खारालावा खोन्‍कि येसुआ खोसोओ निकि अ़मेत्‍तापुवाओ अ़धिवाङ काचिओ अ़तुक्‌वादा सहरा भेप्‍लो खालुसु।

छाम्‍माय़ङ 10:33

खोन्‍किना च़क्‍नि अ़ङ्‌का खानानिन बुत्‍सि म़नाचि छुत्‍तुङ्‌च़ङ, खोन्‍कि खानानिन ओदा त़बानिन्‌ओ नुलोक लिसा। हान हाङ्‌पाआ खानानिन आन्‍काओ निम्‍पाङ ऩलोन्‌ओ य़ङ्‌चि एन्‍सि झारा आन्‍कान्‍का निनाम्‍हाङ्‌ओ अ़चुबुदा युङिन्‌येन्‍का।”