लुका 8:39 - बान्‍तावा राई

³⁹ “आम्‍खिम लासाखारा खोन्‍कि निनाम्‍हाङ्‌आ आम्‍को निकि देम अ़धिवाङ काचि ऩमेत्‍तापुवाओ दुम खाएत्‍तुचि।” खोन्‍किना मो म़ना खारालावा खोन्‍कि येसुआ खोसोओ निकि अ़मेत्‍तापुवाओ अ़धिवाङ काचिओ अ़तुक्‌वादा सहरा भेप्‍लो खालुसु।

लुका 8:39 ပူးပေါင်းရင်းမြစ်များ

मर्कुस 1:45

मेन खो खाराकि मो य़ङ्‌ओ अ़तुक्‌वादा झारा म़नाचि खाएत्‍मा पुक्‍तुचि, खोन्‍कि य़ङ्‌खान फेमा पुङ्‌सु। खोन्‌ओसा येसु मो सहरादा नुलोक वाङ्‌मा मान्‍ऱ, मेन अ़कुय़ङ्‌चिदात्‍नि म़युङा, खोन्‍नुछाङ म़नाचि झारादात्‍निङ्‌का खोक्‍कोएदा म़ता।

मर्कुस 5:18

खोन्‍कि येसु नावादा म़वाङाङाहिदा मो चाकावालावाआ लाउओ म़नाआ खोक्‍कोएनान अ़क्‍नि खात्‍मा निकिना बुउ।

मर्कुस 5:19

मेन येसुआ खो मान्‍प़अ़दा। खोन्‍कि खोक्‍कोसाआ खो अ़लोवा, “आम्‍खिम खारा, खोन्‍कि आम्‍म़नाचि निनाम्‍हाङ्‌आ आम्‍को निकि दे ऩमुवायुङ्‌सा, खोन्‍कि खाना देम सोमाऩतुक्‍तायुङ्‌सा, मोचि खाएत्‍तुचि।”

लुका 8:38

चाकावालावादाङ्‌का फोङ्‌माय़ङ म़नाआ खोक्‍कोएनान अ़क्‍नि खात्‍मा निकिना बुउ, मेन येसुआ मो ओवात्‍नि अ़लोवाकि अ़छुत्‍ताखाइसा,

लुका 8:40

हान येसु धियाङ्‌वामाओ ह्‍याउधेत्‌याङ्‌का म़लासाताहिदा म़ना मुक्‍लाचिआ खोक्‍को साया अ़मेत्‍ता। देकिनालो मोचि झारासाआ खोक्‍को अ़हुङाङा।

युहन्‍ना 4:29

“बानानिन्‌कि अ़क्‍छा म़ना खानुम, खोक्‍कोसाआ अ़ङ्‌का मुङ्‌च़ङ्‍ओ झारा काचिचि खाऩएत्‍ताङ। मात्‌दे, खोक्‍को ख्रिस्‍त ना माआङ?”

१ तिमोथि 5:8

साङ्‌आ अ़म़नाचिओ खोन्‍कि च़लोक्‌वा अ़खिम्‍लुम्‍पा अ़खान्‍चिन्‌नालो मोसाआ अ़साकोङ्‌छ़ङ ऩङाछिरु, खोन्‍कि साकोङ्‌छ़ङ मान्‍मुकादादाङ्‌का अ़अ़त्‍पा लि।