लुका 8:3 - बान्‍तावा राई

³ खोन्‍कि हेरोद हाङ्‌ओ अ़खिम काचि काखाङ खुजास्‌ओ अ़खिम्‍हाङ्‌मा योअन्‍ना खोन्‍कि सुसन्‍ना खोन्‍किना नि ब़द्‍धेचिआ आप्‍पिओ अ़चुछेन्‍बि म़प़चिकि येसु खोन्‍कि अ़चुकाखेङ्‌पाचि म़फासुङुचि।

लुका 8:3 ပူးပေါင်းရင်းမြစ်များ

मत्‍ति 14:1

मोन्‍ग़रि गालिल हेन्‍कोप्‌दाओ धिखाहुप्‌दा हाङ्‌कामु हेरोद हाङ एन्‍तिपास्‌आ येसुओ अ़चुकाचिचिओ अ़तुक्‌वादा एनु।

मत्‍ति 14:3

बुया हेरोद हाङ्‌आ अ़निछा फिलिप्‌ओ अ़खिम्‍हाङ्‌मा हेरोदियास्‌ओ अ़तुक्‌वादा युहन्‍ना लाप्‍मेत्‍तुचिकि छेक्‍खाखिम्‌दा छेक्‍मेत्‍तुयुङ्‌सुचि।

मत्‍ति 14:6

मेन हेरोद्‌ओ अ़लिमा लेन ताहिदा हेरोदियास्‌ओ अ़मेत्‍छाछा छा तावाङ्‌चिओ अ़चुबुदा थोमाकि हेरोद्‌ओ अ़ऩङानुसु।

मत्‍ति 2:11

खोन्‍किना खिम्‍हुत्‌दा म़वाङाकि खोचिआ नुनु अ़चुमा मरियम्‌एनान अ़खा, खोन्‍कि म़बोम्‍सान्‍चिन्‌कि खोक्‍को अ़ब़क्‍ता। खोन्‍किना मोचिआ अ़चुबेखाचि अ़होराकि खोक्‍को हाराक्‌वा, धुपा खोन्‍कि नाम्‍नुओ सुङ छुक्‍तुप्‍मा अ़पुवा।

मत्‍ति 20:8

अ़नाम्‍प़क लिसाकिना अङ्‌गुराखाओ अ़हाङ्‌पाआ अ़काचि काखाङ लो, ‘काचि कामुचि बुत्‍तुचिकि आदेङ काताचिदाङ्‌का बुया काताचितारि अ़चुकाचिलुङ्‌चि प़चि।’

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

मत्‍ति 26:11

देकिनालो मान्‍तोक्‍कादाचि ना खानानिन्‌एनान अ़धुन म़युङ्‌युङ, मेन अ़ङ्‌का ना खानानिन्‌एनान अ़धुन अ़युङ्‌ऩङ!

मत्‍ति 27:55

मोदा गालिल्‌दाङ्‌का म़बानाओ ब़द्‍धे मेत्‍छामाचिछाङ म़याआङा, मोचिआ अ़थायाङ्‌का ओ झारा अ़खाङा। मोचिआ खोक्‍को ब़त्‌याङ्‌सा गालिल्‌याङ्‌का येसु अ़त़ङ्‌ताओ।

लुका 24:10

मो मेत्‍छामाचि मग्‍दलिनिदाओ मरियम, योअन्‍ना खोन्‍कि याकुब्‌ओ अ़मा मरियम म़याआङा। खोन्‍कि मोचिएनान म़याआङाओ नि मेत्‍छामाचिआछाङ ओ य़ङ्‌चि छाम्‍माय़ङ्‌चि खाम़एत्‍तुचि।

युहन्‍ना 12:6

मेन मोसाआ मान्‍तोक्‍कादाचि मित्‍तुचिकि ओवात्‍नि य़ङाओ माआङ। देकिनालो मो काख़पा ओ, खोन्‍कि फेक्‌वाओ बेखा मोसाआङा युङ्‌सुङु, खोन्‍कि मोदा याआङाओ आप्‍पिओ निम्‍पाङ याङुङु।

छाम्‍माय़ङ 13:1

एन्‍तिओखिया सहरादाओ साम्‍भुङ्‌दा निनाम्‍हाङ्‌य़ङ खाकालुचि खोन्‍कि काचिन्‍पाचि म़याआङा। मोचि बारनाबास, माक़च़क्‍पानि लोवाङाओ सिमियोन, कुरेनिदाओ लुकियस, हेरोद हाङ एन्‍तिपास्‌ओ अ़छायुङ्‌काओ अ़यावा मनेन खोन्‍कि सावल म़याआङा।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

फिलिप्‍पि 4:22

झारा निनाम्‍हाङ्‌ओ अ़चुम़नाचिआ खोन्‍कि च़लोक्‌वा कैसर हाङ्‌ओ अ़हाङ्‌मुखादाओचिआ खानानिन सेवा अ़बान्‌याङ।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।