लुका 8:29 - बान्‍तावा राई

²⁹ बुयाङा येसुआ मो पोप्‍ताओ लावा, “मो म़नादाङ्‌का लोन्‍ताखारा!”नि अ़लोवाओसा मो म़ना ओवात्‍नि य़ङाओ। ब़द्‍धेकादु चाकावालावाआ मो लाउयुङ्‌सुओसा म़नाचिआ काकाराओ चोक्‍माय़आ मोसोओ अ़लाङ-अ़छुक अ़छ़साकि अ़हुङाङा। खोन्‍नुछाङ मो म़नाआ काकाराओ चोक्‍माय़ फुत्‍तुङु, खोन्‍कि चाकावालावाआ मो लेक्‍लेक्‍लेक्‌वाओदा खात्‍तुङु।

लुका 8:29 ပူးပေါင်းရင်းမြစ်များ

मर्कुस 5:8

देकिनालो येसुआ मो चाकावालावा बुया अ़लोवायुङ्‌सा, “मो म़नाएदाङ्‌का लोन्‍ताखारा!”

लुका 8:28

मो म़नाआ येसु खाकि चिलिलिवा पारा, खोन्‍कि खोक्‍कोसोओ अ़चुबुदा बोम्‍सान्‍चिन खोन्‍कि अ़धिवाङ य़ङ्‌आ पात्‌याङ्‌सा, “झारादाङ्‌का तोक्‍पो निनाम्‍हाङ्‌ओ अ़चुछा येसु, खानानिन्‌आ अ़ङ्‌का दे मुमा त़लाप्‍ङाङाऩङ ओ? अ़ङ्‌का खानानिन्‌एदा अ़ङ्‌छुक फाङ्‌तुङ्‌योङ, दुखा मान्‍प़दानि।”

लुका 8:30

येसुआ मो अ़सेना, “आम्‍ऩङ दि ओ?” खोन्‍कि खोसाआ “रुहुप”नि खोक्‍को लासुलो। देकिनालो मोएदा ब़द्‍धे चाकावालावाचि म़याआङा।

लुका 9:39

अ़क्‌तात चाकावालावाआ मो लाउकि खोक्‍को म़प्‍च़क़क्‌दा चिलिलिवा पात, खोन्‍कि मो छाओ अ़दोदाङ्‌का अ़छोम्‍पुत्‌वा लोन्‍लो धुन्‍मेत्‍तु। मो खेन्‍मान्‌वान्‍माङ्‌तारि लेत्‍माइ अ़लेरुन।

लुका 9:42

मेन मो बानाङाहिदाङा पोप्‍ताओ लावा मो धाम्‍सुकि धुन्‍मेत्‍तु, खोन्‍कि येसुआ मो पोप्‍ताओ लावा अ़रेन्‍ता, मोवात्‍नि मो छा अ़नुसाकि मोसोओ अ़पा अ़लासापुवा।