लुका 8:25 - बान्‍तावा राई

²⁵ येसुआ अ़चुकाखेङ्‌पाचि म़लोचि, “खाउ, आम्‍नुओ साकोङ्‌छ़ङ?” मोचि म़क़साकिना दोम्‍तुदोचि खोन्‍कि अ़क्‍छा निएदा सेन्‍कासेन म़मुवा, “ओक्‍को साङ ओ? मोवात्‍नि ह़क खोन्‍कि धियाङ्‌वामाआछाङ खोक्‍कोसोओ अ़चुलोमाय़ङ य़ङ्‌चि म़काङ्‌याङ!”

लुका 8:25 ပူးပေါင်းရင်းမြစ်များ

मत्‍ति 14:31

खोन्‍कि येसुआ च़क्‍नि अ़चुछुक अ़फेसाकि खो अ़लावा, खोन्‍कि खो अ़लोवा, “उन्‍नि ओन्‍ङा साकोङ्‌छ़ङ कामु, देकि खाना मान्‍केङ त़मुवा?”

मत्‍ति 17:20

खोक्‍कोसाआ मोचि म़लासुलोचि, “आम्‍नुओ साकोङ्‌छ़ङ अ़चिलोक याक्‌याङ्‌ओसा ओ। अ़नुछ्‍या, अ़ङ्‌का खानानिन लोनानिन, खानानिन्‌एदा अ़क बोप प़सैओ अ़ल़वा ओन्‍को ओन्‍ङा आम्‍नुओ साकोङ्‌छ़ङ याक्‌याङ्‌नालो ओ भ़ऱ ‘ओदाङ्‌का खारालावा!’नि त़लोम्‌नालो मो खात्‍लाप़। खोन्‍कि खानानिन्‌आ मुमा त़ऱन्‍मिन्‌ओ दित्‍छाङ मात्‍द़ङ।

मत्‍ति 6:30

आय़ युङ्‌याङ्‌ओ खोन्‍कि अ़माङ्‌कोलेन मिदा वेन्‍दिओ वक्‌दाओ बुङ्‌वाचि निनाम्‍हाङ्‌आ ओवात्‍नि अ़चोङ्‌नालो खोक्‍कोसाआ खानानिन हान देम च़लोक ऩचोङ्‌सिन? देत्‍नि आम्‍नुओ साकोङ्‌छ़ङ उन्‍नि ओन्‍ङा?

मत्‍ति 8:10

खोसोओ अ़य़ङ अ़एनाकि येसु दोम्‍तुदो, खोन्‍कि खोक्‍को कात़ङ्‌चिएह्‍यात्‍नि म़हुसान्‍चिन्‌कि म़लोचि, “अ़नुछ्‍या, अ़ङ्‌का खानानिन लोनानिन, इस्राएल्‌दाओ साङ्‌एदाछाङ ओन तोक्‍पो साकोङ्‌छ़ङ अ़ङ्‌का मान्‍धित्‌युक्‍तुङ।

मत्‍ति 8:26

येसुआ मोचि म़लोचि, “देम्‌छाङ साकोङ्‌छ़ङ मान्‍मुकादाचि ओ, खानानिन देकि त़क़सिन्‌येन?” खोन्‍किना येसु म़पुवालोन्‍ताकि खोक्‍कोसाआ कुह़क्‍मा खोन्‍कि धियाङ्‌वामा म़रेन्‍तुचि खोन्‍कि मोन्‍ग़रिङा सेम्‍ताखारा।

मर्कुस 4:35

मो लेन अ़नाम्‍प़क्‍साऱङ लिसाहिदा येसुआ अ़चुकाखेङ्‌पाचि “आन्‍कान धियाङ्‌वामाओ अ़ह्‍याउधेत खारिन्‍ने”नि म़लोचि।

लुका 12:28

मेन आय़ युङ्‌याङ्‌ओ खोन्‍कि अ़माङ्‌कोलेन मिदा वेन्‍दिओ वक्‌दाओ बुङ्‌वाचि निनाम्‍हाङ्‌आ ओवात्‍नि अ़चोङनालो खोक्‍कोसाआ खानानिन हान देम च़लोक ऩचोङ्‌सिन? देत्‍नि आम्‍नुओ साकोङ्‌छ़ङ उन्‍नि ओन्‍ङा?

लुका 8:24

खोन्‍किना अ़चुकाखेङ्‌पाचि येसुएह्‍यात्‍नि म़खाराकि ओवात्‍नि य़ङ्‌सा खोक्‍को अ़थिन्‍ता, “काचिन्‍पो, काचिन्‍पो, आन्‍कान वालुम्‍माखात्‍मा मुन्‌येन!” खोन्‍कि येसु म़थिन्‍तालोन्‍ताकि ह़क खोन्‍कि म़धुङ्‌साङाओ अ़लोङ्‌वात्‌चि म़रेन्‍तुचि, खोन्‍कि मोन्‍ग़रिङा सिप्‍ताकि सेम्‍ताखारा।

लुका 8:26

येसु खोन्‍कि अ़चुकाखेङ्‌पाचिआ धियाङ्‌वामा अ़धेराकि गेरासेनस धिखाहुप्‌दा म़ताला, मो गालिल धिखाहुप्‌दाङ्‌का ह्‍याउधेत्‌या छुक।

युहन्‍ना 11:40

येसुआ मो अ़लोवा, “दि ‘खाना साकोङ्‌छ़ङ त़मुनालो निनाम्‍हाङ्‌ओ अ़चुसावा त़खा’नि अ़ङ्‌का खाना लोनाओ माआङ?”