लुका 8:15 - बान्‍तावा राई

¹⁵ मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

लुका 8:15 ပူးပေါင်းရင်းမြစ်များ

मत्‍ति 24:13

मेन साङ आदेङ्‌तारि साकोङ्‌छ़ङ मुयुङ, मो लेन।

लुका 11:28

येसुआ य़ङ्‌अ़लासा, “मोछाङ ओ, मेन साङ्‌चिआ निनाम्‍हाङ्‌ओ अ़चुय़ङ अ़एन खोन्‍कि मोवात्‍निङा म़च़, मोचि च़लोक आलाङ्‌मि ओ।”

लुका 6:45

अ़नुवाक म़नाआ अ़साकोङ्‌वादा कोउओ अ़नुवाक य़ङ्‌दाङ्‌का अ़नुवाक य़ङ्‌चि लोइसुचि। अ़अ़त्‍पा म़नाआ अ़साकोङ्‌वादा कोउओ अ़अ़त्‍पा य़ङ्‌दाङ्‌का अ़अ़त्‍पा य़ङ्‌चि लोइसुचि। देकिनालो साकोङ्‌वादा म़भेप्‍ताओ य़ङ्‌चि म़नाओ अ़दोदाङ्‌का म़लोन।

लुका 8:14

त़ङ्‌खोक्‌वालादा म़छुक्‍ताओ बिउचि ओचिङा ओ: साङ्‌आ निनाम्‍हाङ्‌ओ अ़चुय़ङ एनु, मेन मो म़ह़ङ्‌याङ्‌हिदा हेन्‍खामादाओ मिन्‍राक्‌चि, चासुम्‍छेन्‍बि खोन्‍कि अ़चुताकावा युङ्‌माचामाआ उप्‍तुदिसुचि, खोन्‍किना मोचिओ अ़चुसिवा चात्‍मा अ़ऱनिन।

लुका 8:16

साङ्‌आछाङ खाउप्‍खा ओङ्‌सुकि ब़आ अ़दिप्‍तुन ना इम्‍खा भेन्‌युङा युङ्‌सु, मेन खिम्‍हुत्‌या कावाङ्‌चिआ साम अ़खाङ्‌ने निकिना खाउप्‍खा युङ्‌खाचोक्‌दु युङ्‌सु।

युहन्‍ना 14:15

खानानिन्‌आ अ़ङ्‌का सोमात़तुक्‍ङाऩङ्‌नालो अ़ङ्‌लोमाय़ङ्‌चि त़मुम्‍च़म।

युहन्‍ना 15:10

अ़ङ्‌लोमाय़ङ्‌चि त़मुम्‍च़म्‌नालो खानानिन अ़ङ्‌सोमातुक्‍मादा त़याइन। मोवात्‍निङा अ़ङ्‌का अ़ङ्‌पापाओ अ़चुलोमाय़ङ्‌चि मुङ्‌युङ्‌सुङ्‌च़ङ खोन्‍कि खोक्‍कोसोओ अ़चुसोमातुक्‍मादा युङ्‌ङा।

रोमि 2:7

हुङ्‌याङ्‌सा अ़नुवाक काचि मुयाङ्‌सा साऩङ्‌वा, साया खोन्‍कि अ़स़निन्‍दानिन्‌ओ ह़ङ्‌म़ङ कालाम्‌चि निनाम्‍हाङ्‌आ अ़लुक्‍निन्‌ओ ह़ङ्‌म़ङ म़प़चि।

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

रोमि 7:18

अ़ङ्‌का सिन्‍तुङ्‌योङ, अ़ङ्‌काएदा याक्‌याङ्‍ओ हेवामि पोक्‌ओ मित्‍माचिआ दित्‍छाङ नुलोक च़मा ऩप़ऩङ। दि अ़नुवाक मुयाङ, मो मुमामिन्‍मा अ़ङ्‌काएदा याक्‌याङ, मेन मो मुमा अ़ङ्‌का अ़ऱऩङ।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

रोमि 8:25

मेन आन्‍कान दि अ़तोक्‍तिमिन, मो आन्‍कान सोम्‍कुवा मुम्‌नालो आन्‍कान मो आङ्‌याङ्‌सा हुङुम।

१ कोरिन्‍थि 7:19

सिप्‍मायाम्‍बुन पाक्‍मा दित्‍छाङ माआङ खोन्‍कि सिप्‍मायाम्‍बुन मान्‍पाक्‍दामाछाङ दित्‍छाङ माआङ। मेन निनाम्‍हाङ्‌ओ अ़चुलोमाय़ङ काङ्‌माङा अ़च़वाङ य़ङ ओ।

एफिसि 2:8

देकिनालो सोमातुक्‍मादाङ्‌का साकोङ्‌छ़ङ्‌लाम्‍पा खानानिन त़लेरिन्‌युङ्‌सिन। खोन्‍कि ओ खानानिन आप्‍पिएदाङ्‌का माआङ, ओ ना निनाम्‍हाङ्‌आ मोहा प़माय़ङ ओ।

फिलिप्‍पि 1:11

निनाम्‍हाङ्‌ओ अ़चुसाऩङ्‌वा खोन्‍कि अ़चुऩङ्‌चोन्‍माओ निम्‍पाङ येसु ख्रिस्‍तलाम्‍पा ताओ अ़नुवाक काचि सिवाआ खानानिन भेप्‌याङ्‌सा त़खारिन्‍ने।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

कलस्‍सि 1:6

निनाम्‍हाङ्‌ओ अ़नुछ्‍याओ अ़चुसोम्‍तुक्‍मा खानानिन्‌आ त़एनुम्‌कि त़तुप्‍तुम्‌ओ लेन्‌दाङ्‌का नुय़ङ्‌खान्‌आ आम्‍नुओ रादा अ़सिवा सिसुङु। मोवात्‍निङा ओ नुय़ङ्‌खान्‌आ झारा हेन्‍खामादा फेयाङ्‌सा काचि मुङु।

हिब्रु 10:36

निनाम्‍हाङ्‌ओ अ़चुमिन्‍मा तामालामा खोन्‍कि हिप्‍माय़ङ्‌ओसो अ़सिवा तोक्‍मा खानानिन दुखा आङ्‌मादोत।

हिब्रु 2:1

खोन्‌ओसा आन्‍कान दि एनुम्‌युङ्‌सुम, मोदा आन्‍कान च़लोक मिन्‍मा पाक्‍मादोत। मोवात्‍निनालो आन्‍कान मोदाङ्‌का अ़थेमिन्‍खारिमिन।

याकुब 1:4

आम्‍नुओ हुङ्‌मा सावा काचि मुमाचिन्‍मा पुवानुम। खोन्‍किना खानानिन काले खोन्‍कि कासिन त़लिसिन्‌किना दिदाछाङ त़हाप्‍तिमिन।

१ युहन्‍ना 2:3

आन्‍कान खोक्‍कोसोओ अ़चुलोमाय़ङ्‌चिवा च़न्‌नालो अ़नुछ्‍याङा आन्‍कान खोक्‍को सिन्‍तुम्‌योम निकिना ओ य़ङ्‌दाङ्‌काङा आन्‍कान सिन्‍मा ऱम।