लुका 8:14 - बान्‍तावा राई

¹⁴ त़ङ्‌खोक्‌वालादा म़छुक्‍ताओ बिउचि ओचिङा ओ: साङ्‌आ निनाम्‍हाङ्‌ओ अ़चुय़ङ एनु, मेन मो म़ह़ङ्‌याङ्‌हिदा हेन्‍खामादाओ मिन्‍राक्‌चि, चासुम्‍छेन्‍बि खोन्‍कि अ़चुताकावा युङ्‌माचामाआ उप्‍तुदिसुचि, खोन्‍किना मोचिओ अ़चुसिवा चात्‍मा अ़ऱनिन।

लुका 8:14 ပူးပေါင်းရင်းမြစ်များ

मत्‍ति 13:22

त़ङ्‌खोक्‌वालादा म़छुक्‍ताओ बिउचि ओचिङा ओ: मोसाआ निनाम्‍हाङ्‌ओ अ़चुय़ङ एनु, मेन ओ हेन्‍खामादाओ मिन्‍राक्‌चि, चासुम्‍छेन्‍बि च़क्‍ख़य़आ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

मर्कुस 4:19

मेन ओ हेन्‍खामादाओ मिन्‍राक्‌चि, चासुम्‍छेन्‍बि सोम्‍तुक्‍मा खोन्‍कि नि सामाचिओ च़क्‍ख़य़ मुमाआ मो निनाम्‍हाङ य़ङ उप्‍तुदिसु, खोन्‍कि मोसाआ अ़सिवा अ़सिसुन।

लुका 16:13

खाक्‍कोछाङ हारुक्‌आ ह़वाङ अ़हाङ्‌पाचि ब़त्‍मा अ़ऱन्‍चिन। देकिनालो मोसाआ अ़क्‍छा ऩङाछिरु, खोन्‍कि नि सोमातुक्‍तु माङ्‌नालो मोसाआ अ़क्‍छा साया मेत्‍तु, खोन्‍कि नि ऩङाछिरु। खानानिन्‌आ निनाम्‍हाङ खोन्‍कि चासुम्‍छेन्‍बि ह्‍वातात्‍माङ ब़त्‍मा त़ऱन्‍मिन।”

लुका 21:34

खानानिन चाप्‍चेत्‍तानिन्‍चिन, माङ्‌नालोना आम्‍नुओ ताकावा च़मा, खाबात्‌आ सेत्‍मा, खोन्‍कि ‘देत्‍नि ह़ङ्‌मा’नि मिन्‍मा योक्‍माआ आम्‍नुओ मिन्‍मा तिमुखात्‍तु, खोन्‍किना वाय़वात्‍निङा अ़क्‍धुवा मो लेन तालाप।

लुका 8:13

लुङ्‌खावादा म़छुक्‍ताओ बिउचि ओङा ओ: साङ्‌आ निनाम्‍हाङ्‌ओ अ़चुय़ङ एनुकि अ़ऩङानुयाङ्‌सा मो लोउ। मेन मोसोओ अ़भेन अ़मेत्‍तुन्‌ओसा मोसाआ निनाम्‍हाङ थुत्‍मेत्‍लो ओन्‍ङा साकोङ्‌छ़ङ मु, मेन चिन्‍माखाङ्‌माओ ग़रिदा अ़साकोङ्‌छ़ङ्‌दाङ्‌का देङ्‌ला।

लुका 8:15

मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

लुका 8:7

अ़क्‍चित बिउचि त़ङ्‌खोक्‌वालादा म़छुक्‍ता, खोन्‍किना मोएनान अ़क्‍नि त़ङ्‌खोक्‌वा ताङ्‌चि म़पोयालोन्‍ताकि मो बिउचि म़उप्‍तुदिसुचि।

युहन्‍ना 15:6

साङ अ़ङ्‌काएदा अ़याक्‍निन, मो अ़खेत्‌वात्‍नि बुङ्‌खाया वेत्‍खान, खोन्‍कि मो छोप्‍खात। ओवाको अ़खेत्‍चि म़नाचिआ म़कोउचिकि मिदा म़वेइसुदिसुचि, खोन्‍कि मोचि म़ह़त्‍खात।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

२ तिमोथि 4:10

देकिनालो देमास्‌आ, ओ आइमित्‌ओ हेन्‍खामा सोमातुक्‍तुकि अ़ङ्‌का अ़छिराङ्‌दाङ्‌युङ्‌साङ, खोन्‍कि खो थेसलोनिके खारायुङ्‌सा। क्रेसेन्‍स गलातिया खारायुङ्‌सा, खोन्‍कि तितस दलमातियादा।

हिब्रु 6:1

खोन्‌ओसा ख्रिस्‍तओ अ़चुतुक्‌वादाओ ताक्‍पेत्‍निओ चिन्‍माय़ङ्‌चिदा अ़युङिन्‌युङ्‌सिमिन्‍ने, मेन आन्‍कान आन्‍तुप्‍मादा चात्‌याङ्‌सा खारिन्‍ने। आन्‍कान स़मादा कालाखात काचिचिओ अ़तुक्‌वादा खोन्‍कि निनाम्‍हाङ्‌दा साकोङ्‌छ़ङ्‌ओ अ़तुक्‌वादा चिन्‍माय़ङ अ़लासिन्‍पुङ्‌सिमिन्‍ने।