लुका 7:47 - बान्‍तावा राई

⁴⁷ खोन्‌ओसा अ़ङ्‌का खाना लोना, ओसोओ ब़द्‍धे अ़हेवाचि लेत्‍तुङ्‌युङ्‌सुङ्‌निओ य़ङ ओसाआ अ़ङ्‌का ब़द्‍धे सोमाअ़तुक्‍ताङ्‌निओ य़ङ्‌आ खाङ्‌मुसु। मेन साङ्‌को उन्‍नि अ़हेवा लेत्‍तुङ, मोसाआ उन्‍नि ओन्‍ङा अ़ङ्‌का सोमाअ़तुक्‍ङा।”

लुका 7:47 ပူးပေါင်းရင်းမြစ်များ

मत्‍ति 10:37

साङ्‌आ अ़ङ्‌कादाङ्‌का च़लोक अ़पा माङ्‌लो अ़मा सोमातुक्‍तु, मो अ़ङ्‌काखेङ लिमा अ़खान्‍तुन। साङ्‌आ अ़ङ्‌काएदाङ्‌का च़लोक अ़दुवाछा छा माङ्‌लो अ़मेत्‍छाछा छा सोमातुक्‍तु, मो अ़ङ्‌काखेङ लिमा अ़खान्‍तुन।

लुका 7:39

ओ खाकि येसु काबुत फरिसि अ़मिन्‍मादा आप्‍पि मिना, “ओ म़ना निनाम्‍हाङ्‌य़ङ खाकालु ओनालो ना खोक्‍को कानोप मेत्‍छामा दियाको हेवामिओ निकिना सिन्‍मादोराङाओ।”

लुका 7:46

खोन्‍कि अ़ङ्‌का खाना अ़ङ्‌ताङ्‌दा आक्‌वा मान्‍थोक्‍त़दाङ। मेन ओसाआ ना अ़ङ्‌लाङ्‌दा नाम्‍नुवाङाओ आक्‌वा अ़थोक्‍ताङ्‌पुवाङ्‌युङ्‌साङ।

लुका 7:48

खोन्‍किना येसुआ मो मेत्‍छामा अ़लोवा, “अ़ङ्‌का आम्‍हेवा लेत्‍नायुङ्‌ना।”

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

रोमि 5:20

झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

२ कोरिन्‍थि 5:14

ख्रिस्‍तओ अ़चुसोम्‍तुक्‍माआ आन्‍कान्‍का अ़क़म्‍तिन्‍का। आन्‍कान्‍का ओ सिन्‍तुम्‌युङ्‌सुम्‍का। झारासोओ निम्‍पाङ अ़क्‍छा म़सुवा, खोन्‌ओसा, झारा म़सुवायुङ्‌सा।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

एफिसि 6:24

आन्‍हाङ्‌पा येसु ख्रिस्‍त अ़धुन अ़लुक्‍निन्‍लो सोमाकातुक्‌चि झाराएदा सोमातुक्‍मा युङ्‌ने।

फिलिप्‍पि 1:9

अ़ङ्‌यामात्‍मा ओङा ओ: अ़नुछ्‍याओ ताया खोन्‍कि तुप्‍मा सावादा आम्‍नुओ सोमातुक्‍मा च़लोक पोन्‌याङ्‌सा खात्‍ने।

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।

१ युहन्‍ना 5:3

निनाम्‍हाङ्‌ओ अ़चुसोम्‍तुक्‍माओ अ़तुप्‌य़ङ ओङा ओ, आन्‍कान खोक्‍कोसोओ अ़चुओ लोमाय़ङ्‌चि काङ्‌सिन। खोन्‍कि खोक्‍कोसोओ अ़चुलोमाय़ङ्‌चिआ म़तिम्‍निन।