लुका 7:28 - बान्‍तावा राई

²⁸ अ़ङ्‌का खानानिन लोनानिन, मेत्‍छामाएदाङ्‌का कालिचिदा बप्‍तिस्‍मा काप़ युहन्‍नादाङ्‌का तोक्‍पो साङ्‌छाङ मान्‍लियुक। खोन्‍नुछाङ निनाम्‍हाङ्‌ओ अ़चुहाङ्‌होन्‌दा साङ झारादाङ्‌का अ़चुप्‍पो मुयाङ, खो युहन्‍नादाङ्‌का तोक्‍पो ओ।”

लुका 7:28 ပူးပေါင်းရင်းမြစ်များ

मत्‍ति 11:11

अ़नुछ्‍या अ़ङ्‌का खानानिन लोनानिन, मेत्‍छामाएदाङ्‌का कालिचिदा बप्‍तिस्‍मा काप़ युहन्‍नादाङ्‌का तोक्‍पो साङ्‌छाङ मान्‍लियुक। खोन्‍नुछाङ निनाम्‍हाङ्‌होन्‌दा साङ झारादाङ्‌का अ़चुप्‍पो मुयाङ, खो युहन्‍नादाङ्‌का तोक्‍पो ओ।

मत्‍ति 3:1

ब़द्‍धेकादोङ्‌कि बप्‍तिस्‍मा काप़ युहन्‍ना यहुदियादाओ लेक्‍लेक्‍लेक्‌वाओदा खाङ्‌मुसान्‍चिन, खोन्‍कि म़नाचि ओवात्‍नि य़ङ्‌सा खालुमा पुङ्‌सु,

लुका 3:16

खोवात्‍निओसा युहन्‍नाआ झारा लासुलोचि, “अ़ङ्‌का ना खानानिन चाक्‌वाआ बप्‍तिस्‍मा प़नानिन, मेन अ़क्‍छा अ़ङ्‌कादाङ्‌का च़लोक सावापोरिओ म़मुयाङ। अ़ङ्‌का ना खोक्‍कोसोओ अ़चुफेङ्‌ताओ अ़छुम्‍खाचि हुत्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

लुका 7:27

ओ मोङा ओ, ओसोओ अ़तुक्‌वादा साम्‍कालिन्‌दा छाप्‍तायुङ्‌सा, ‘खाखो, अ़ङ्‌का अ़ङ्‌य़ङ काखुन आम्‍बु-आम्‍बु छुत्‍तुङ, मोसाआ आम्‍नुओ बुदा आम्‍नुओ लाम चुम्‍सु।’

लुका 7:29

झारा म़नाचि खोन्‍कि दाम्‍दु कालात्‍चिआ येसुओ ओ अ़चुय़ङ अ़एनाकि निनाम्‍हाङ्‌ओ अ़चुकाचि अ़नुवाक निकिना म़काङ्‌सा। देकिनालो मोचि बुया युहन्‍नाएदाङ्‌का बप्‍तिस्‍मा म़लोआयुङ्‌सा।

लुका 9:48

खोन्‍कि मोचि म़लोचि, “साङ्‌आ अ़ङ्‌ऩङ्‌दा ओवाको छा लोउ, मोसाआ अ़ङ्‌का अ़लोक्‍ङा। खोन्‍कि साङ्‌आ अ़ङ्‌का अ़लोक्‍ङा, मोसाआ अ़ङ्‌का काछुत्‍पा लोउ। खानानिन्‌एदा झारादाङ्‌का अ़चुप्‍पो झारादाङ्‌का अ़धुवा ओ।”