लुका 7:2 - बान्‍तावा राई

² मोदा अ़क्‍छा रोमि कप्‍तानाआ ब़द्‍धे सोमातुक्‍तुङुओ अ़हारुक तुआकि स़मादामा मुवाङा।

लुका 7:2 ပူးပေါင်းရင်းမြစ်များ

मत्‍ति 27:54

कप्‍ताना खोन्‍कि येसु काहुङ रात्‍खामिचिआ लुत्‍लि खोन्‍कि मोदा झारा म़लिसाङाओचि म़खाचि, खोन्‍किना अ़न्‍नुनु अ़चुक़माकाराकि मोचि ओवात्‍नि म़य़ङा, “अ़नुछ्‍याङा, ओ म़ना ना निनाम्‍हाङ्‌ओ अ़चुछा ओ।”

लुका 23:47

ओवात्‍नि लिसाओ झारा अ़खाकि रात्‍खामिचिओ अ़चुकप्‍तानाआ ओवात्‍नि य़ङ्‌याङ्‌सा निनाम्‍हाङ्‌ओ अ़चुऩङ लोङ्‌सु: “अ़नुछ्‍याङा ओ म़ना ना साम्‌योक्‍मि मुवाङा!”

लुका 7:1

येसुआ म़ना मुक्‍लाचि ओ झारा य़ङ्‌चि खाम़एत्‍तुचिउचिकि कफर्नहुम्‌ह्‍यात्‍नि म़खारा।

लुका 7:3

मो कप्‍तानाआ येसुओ अ़तुक्‌वादा एनुकि अ़क्‍चित्‌कापाङ यहुदिचिओ अ़धुवाचि येसुएदा खाइसुचि, खोन्‍कि “बानानिन खोन्‍कि अ़ङ्‌हारुक नुनिप़नि”नि बुक्‍मेत्‍तुचि।

लुका 8:42

देकिनालो खोसोओ अ़क्‍छा ओन्‍ङा ओ बारकादोङ लेका बात्‍तुङुओ अ़छा मेत्‍छाछा छा स़मादामा मुवाङा। येसु याइरस्‌ओ अ़खिम्‌दा म़खाराङाओ ग़रि म़ना मुक्‍लाचि येसुओ अ़चुऱङ्‌कोप्‍नि रोम्‍पोङ्‌पोङ्‌वा म़लिसा।

छाम्‍माय़ङ 10:1

कैसरिया सहरादा कर्नेलियस अ़ऩङ मुवाङाओ अ़क्‍छा म़ना युङाङा। खो इतालिया रात्‍खामि रुहुप्‌नि अ़लोवाङाओदाओ अ़क्‍छा अ़चुकप्‍ताना याआङा।

छाम्‍माय़ङ 10:7

खोन्‍किना कर्नेलियस्‌एनान काचेप निनाम्‍हाङ काफा खारालावाकिना खोसाआ अ़हारुक्‌चिएदाओ ह़वाङ, खोन्‍कि खोसोओ अ़रात्‍खामिचिएदाओ अ़क्‍छा निनाम्‍हाङ कामित म़ना बुत्‍तु।

छाम्‍माय़ङ 22:26

रात्‍खामिचिओ अ़चुकप्‍तानाआ मो य़ङ एनुकिना मुकुधुम्‌एदा खाराकि लो, “खानानिन दे त़च़न? ओ म़ना ना रोमि ताङ्‌युङ ए!”

छाम्‍माय़ङ 23:17

खोन्‍किना पावल्‌आ कप्‍तानाचिदाओ अ़क्‍छा बुत्‍तुकि लो, “ओ थाङाछा आम्‍मुकुधुम्‌एदा छोङ्‌सुदो, देकिनालो ओसाआ खो दि-दि खाएत्‍मादोत।”

छाम्‍माय़ङ 27:1

खोन्‍किना आन्‍कान्‍का वाप्‍तेलालाम्‍पा इतालिया खात्‍माओ अ़छ़ङ लिसाकिना खोचिआ पावल खोन्‍कि खा-खाक्‍को नि काछेक्‌चि तोक्‍पोहाङ अगस्‍तस्‌ओ अ़रात्‍खामि अ़क्‍छा कप्‍ताना युलियस्‌ओ अ़पाङ्‌दा अ़पाक्‍तापुवा।

छाम्‍माय़ङ 27:3

अ़माङ्‌कोलेन आन्‍कान्‍का सिदोन सहरादा तान्‍लान्‍का। कप्‍ताना युलियस्‌आ पावल सोमातुक्‍तुकि अ़यावाचि तुप्‍सि खात्‍ने खोन्‍कि खो दोत्‌याङ्‌ओ सामाचि अ़प़ने निकिना खो अ़वाखाम प़।

छाम्‍माय़ङ 27:43

मेन रात्‍खामि कप्‍तानाआ पावल लेन्‍मानि मिनाङा, खोन्‌ओसा खोसाआ साङ्‌छाङ सेत्‍मा मान्‍प़दोचि। खोन्‍कि खोसाआ “वाप्‍मा काले बुयाङा वाप्‍तेलादाङ्‌का छुक्‍ताधानिन्‌कि वाप्‍सा अ़केम्‌दा लोन्‍तानिन”नि लोचि।

कलस्‍सि 3:22

हारुक्‌चि ओ, झारा य़ङ्‌चिदा ओ हेन्‍खामादाओ आम्‍नुओ हाङ्‌पाचिआ ऩलोन्‌वा चुवानिन। अ़चुओ म़क्‍साम्‌दा ओन्‍ङा खाङ्‌मुमा काचि मान्‍मुदानिन, मेन अ़नुछ्‍याओ साकोङ्‌वाआ अ़धुन अ़चुओ ऩङानुसानुम्‍च़म। मोवात्‍नि हाङ्‌पा निनाम्‍हाङ्‌ओ अ़चुसाया मेत्‍तानुम।