लुका 7:14 - बान्‍तावा राई

¹⁴ खोन्‍कि येसु बुया म़खाराकि स़पोक अ़खुयाङाओ दोङ्‌लोङ्‌स़ङ अ़नोप्‍ता। खोन्‍कि काखुन्‌चि चोप्‍नि म़एवादिसा। खोन्‍कि येसु म़य़ङा, “सावाछा, अ़ङ्‌का लोनाङ्‌ना, पुवालोन्‍ता!”

लुका 7:14 ပူးပေါင်းရင်းမြစ်များ

मर्कुस 5:41

खोन्‍कि खोक्‍कोसाआ मो मेत्‍छाछा छाओ अ़छुक्‌दा अ़क़क्‍ताकि अ़लोवा, “तालिता कुमि!” ओसोओ अ़तुप्‍माय़ङ, “छाओ, अ़ङ्‌का खाना लोना, पुवालोन्‍ता!”

लुका 7:13

हाङ्‌पाआ मो मेन्‍मित्‍मा अ़खाकि खोक्‍कोसोओ अ़चुसोम्‍तुआ। खोन्‍कि खोक्‍कोसाआ मो अ़लोवा, “खाना मान्‍खाप्दा!”

लुका 7:15

सुवादाओ दुवाछा पुवालोन्‍ताकि युङा खोन्‍कि चेप्‍मा पुक्‍तु। येसुआ मो सावाछा मोसोओ अ़मा अ़लासापुवा।

लुका 7:17

येसुओ अ़चुतुक्‌वादाओ य़ङ्‌खान यहुदिया धिखाहुप भेप्‍लो खोन्‍कि मोसोओ ऱङ्‌कोप्‍नि झारादात्‍नि फेसा।

युहन्‍ना 11:25

येसुआ मो अ़लोवा, “खाकाखोन्‍लोन खोन्‍कि ह़ङ्‌म़ङ काप़ अ़ङ्‌काङा ओ। अ़ङ्‌का साकोङ्‌छ़ङ कामु स़दानुछाङ ह़ङ।

युहन्‍ना 5:21

देकिनालो पापाआ म़सुवादाओचि देत्‍नि म़खोन्‍तुलोइसुचिकि मोचि ह़ङ्‌म़ङ म़प़चि, मोवात्‍निङा अ़चुछाआछाङ साङ प़मा स़, खो अ़लुक्‍निन्‌ओ ह़ङ्‌म़ङ प़।

युहन्‍ना 5:25

अ़नुछ्‍याङा, अ़ङ्‌का खानानिन लोनानिन, ओवाको ग़रि तायाङ, मोन्‍ग़रि म़सुवादाओचिआ निनाम्‍हाङ्‌ओ अ़चुछाओ अ़य़ङ अ़एन, खोन्‍कि काएन्‌चि म़ह़ङ। मो ग़रि ओन्‍ग़रिङा ओ।

रोमि 4:17

साम्‍कालिन्‌दा ओवात्‍नि छाप्‍तायुङ्‌सा, “अ़ङ्‌का खाना ब़द्‍धे रावाचिओ अ़चुसुन्‍तुम मुनायुङ्‌ना।” निनाम्‍हाङ्‌ओ अ़चुखाङ्‌मादा अब्राहाम आन्‍पा ओ, देकिनालो म़सुवादाओचि काखोन्‍लोन खोन्‍कि म़चेप्‌हिदाङा मात्‍द़ङ्‍ओदाङ्‌का सामाचि कामुन्‌एदा अब्राहाम साकोङ्‌छ़ङ मुवा।

एफिसि 5:12

देकिनालो मोचिआ कुम्‌याङ्‌सा अ़मुवाओ य़ङ्‌चिओ अ़तुक्‌वादा य़ङ्‌माछाङ लेजो ओ।