लुका 6:21 - बान्‍तावा राई

²¹ ओन्‍ग़रि साकास़चि, खानानिन आसिखा कातोक्‌चि ओ, देकिनालो आम्‍नुओ बुक खा। ओन्‍ग़रि खानानिन काखाप्‌चि ओ, खानानिन आसिखा कातोक्‌चि ओ, देकिनालो खानानिन त़इन।

लुका 6:21 ပူးပေါင်းရင်းမြစ်များ

मत्‍ति 5:4

सोखा कामुचि आसिखा कातोक्‌चि ओ, देकिनालो निनाम्‍हाङ्‌आ मोचि अ़चुसोम्‍म़सेत्‍तुचि।

मत्‍ति 5:6

साम्‌योक्‍मिओ निम्‍पाङ साकास़चि खोन्‍कि वामित्‍मा कास़चि आसिखा कातोक्‌चि ओ, देकिनालो मोचिओ अ़चुसोम्‍स़।

लुका 1:53

खोक्‍कोसाआ साम़स़याङ्‌ओचि अ़नुवाक चामायुआ अ़चुबुक म़खासुप़युङ्‌सुचि, मेन कातोक म़नाचि दित्‍छाङ मान्‍प़माङ म़लासुखाइसुयुङ्‌सुचि।

लुका 6:20

खोन्‍कि येसुआ अ़चुकाखेङ्‌पाचि म़चोउचिकि म़य़ङा, “मान्‍तोक्‍कादाचि ओ! खानानिन आसिखा कातोक्‌चि ओ। देकिनालो निनाम्‍हाङ्‌ओ अ़चुहाङ्‌होन आम्‍नुओङा ओ।

लुका 6:22

अ़ङ्‌का म़नाओ अ़छा त़त़ङ्‌ङाङाऩङ्‌ओसा म़नाचिआ खानानिन ऩङाऩछिरिन, ऩलोइसिन्‍खाइसिन, ऩसुङ्‌तिन खोन्‍कि खानानिन अ़अ़त्‍पा म़ना निकिना ऩलोक्‍नानिमिन्‌नालो खानानिन आसिखा कातोक्‌चि ओ।

लुका 6:25

अ़चाअ़त्‍मादा त़छुक्‍तिन ओन्‍ग़रि बुक काखाचि ओ! देकिनालो खानानिन मान्‍चामाङ त़युङिन। अ़चाअ़त्‍मादा त़छुक्‍तिन ओन्‍ग़रि काइचि ओ! देकिनालो खानानिन त़खाविन खोन्‍कि त़पारिन।

युहन्‍ना 11:35

येसु म़खावा।

युहन्‍ना 4:10

येसुआ मो लासुलो, “खाना निनाम्‍हाङ्‌ओ अ़चुआसिखा खोन्‍कि खानाएदा चाक्‌वा कादोत म़ना साङ्‍ओ निकिना त़सिन्‍तुओदे खाना खोक्‍को त़दोत्‍तुओ खोन्‍कि खोक्‍कोसाआ खाना ह़ङ्‌म़ङ्‌ओ चाक्‌वा त़पुवाओ।”

युहन्‍ना 6:35

येसुआ मोचि म़लोचि, “ह़ङ्‌म़ङ काप़ पेम्‍पाक अ़ङ्‌काङा ओ। अ़ङ्‌काएदा काता देम्‍खाछाङ साअ़स़निन, खोन्‍कि अ़ङ्‌काएदा साकोङ्‌छ़ङ कामु देम्‍खाछाङ वामित्‍मा अ़स़निन।

१ कोरिन्‍थि 4:11

आइमित्‌छाङ आन्‍कान्‍का सास़न्‍का खोन्‍कि वामित्‍मा स़न्‍का, आन्‍काओ कालाङ्‌द़क मुन्‌येन्‍का, आन्‍कान्‍का धात्‍खावा चान्‌युङ्‌सिन्‍का खोन्‍कि आन्‍काओ खिम मात्‍द़ङ।

२ कोरिन्‍थि 11:27

अ़ङ्‌का ब़द्‍धे काचि मुमादा, दुखादा, ब़द्‍धे मान्‌इम्‍माङ युङ्‌मादा, सास़मादा खोन्‍कि वामित्‍मादा, ब़द्‍धेकादु मान्‍चादा खोन्‍कि चुङादा तित मात्‍द़ङ्‌ओदा छुक्‍मादोरा।

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

खाङ्‌मुमा 21:3

हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ अ़ङ्‌का एनुङ, “हान, निनाम्‍हाङ्‌ओ अ़चुयुङ्‌खा म़नाचिएनान लिसायुङ्‌सा। खोक्‍को मोचिएदा म़युङ, खोन्‍कि मोचि खोक्‍कोसोओ अ़चुम़नाचि म़लि। खोन्‍कि निनाम्‍हाङ आप्‍पि मोचिएनान म़युङ, खोन्‍कि खोक्‍को मोचिओ अ़चुनिनाम्‍हाङ म़लि।

खाङ्‌मुमा 7:16

मोचि देम्‍खाछाङ साऩलानिन्‍स़निन खोन्‍कि वामित्‍माऩस़निन। ना नाम्‌आ ना खाक्‍को कुमाआङा राङ्‌तुचि।