लुका 6:14 - बान्‍तावा राई

¹⁴ ओवात्‍नि छेन्‍माय़ङ्‌चि बारकापाङ ओचिङा ओ: येसुआ पत्रुस अ़ऩङ अ़पाक्‍ताओ सिमोन, सिमोन्‌ओ अ़निछा अन्‍द्रियास, याकुब, युहन्‍ना, फिलिप, बारथोलोमाइ,

लुका 6:14 ပူးပေါင်းရင်းမြစ်များ

मत्‍ति 10:2

बारकापाङ छाम्‍माय़ङ्‌चिओ अ़चुऩङ्‌चि ओचिङा ओ, बुया पत्रुस्‌नि लोवाङाओ सिमोन खोन्‍कि खोसोओ अ़निछा अन्‍द्रियास, जब्‍दियाओ अ़छा याकुब खोन्‍कि खोसोओ अ़निछा युहन्‍ना,

मत्‍ति 10:3

फिलिप खोन्‍कि बारथोलोमाइ, थोमा खोन्‍कि दाम्‍दु कालात मत्‍ति, अल्‍फयस्‌ओ अ़छा याकुब खोन्‍कि थेदियस,

मत्‍ति 4:18

येसु गालिल धियाङ्‌वामाओ अ़केम्‌दा म़कोलाङाहिदा खोक्‍कोसाआ पत्रुस्‌नि लोवाङाओ सिमोन खोन्‍कि खोसोओ अ़निछा अन्‍द्रियास ह़वाङ्‌माङ धियाङ्‌वामादा बोप्‍छ़क वेत्‍ताङाचिओ म़खाचि, देकिनालो खोचि ङा कालाप्‌चि ओ।

मत्‍ति 4:21

खोन्‍कि अ़क्‍चित ह्‍यात्‍नि येसु म़खाराहिदा खोक्‍कोसाआ नि ह़वाङ जब्‍दियाओ अ़छा याकुब खोन्‍कि अ़निछा युहन्‍नाआ अ़चुपाएनान अ़चुनावादा अ़चुबोप्‍छ़क्‌चि अ़थुआङाचुओ म़खाचि, खोन्‍कि खोक्‍कोसाआ मोचि म़बुत्‍तुचि।

मर्कुस 1:19

खोन्‍कि अ़क्‍चित ह्‍यात्‍नि येसु म़खाराहिदा जब्‍दियाओ अ़छा याकुब खोन्‍कि अ़निछा युहन्‍नाआ अ़चुनावादा अ़चुबोप्‍छ़क्‌चि अ़थुआङाचुओ म़खाचि।

मर्कुस 1:29

खोन्‍कि येसु मोन्‍ग़रिङा यावायोक्‍खिम अ़छिरादाकि याकुब खोन्‍कि युहन्‍नाएनान सिमोन खोन्‍कि अन्‍द्रियास्‌ओ अ़चुखिम्‌दा म़खारा।

मर्कुस 14:33

खोक्‍कोसाआ पत्रुस, याकुब खोन्‍कि युहन्‍ना अ़क्‍नि म़खात्‍तुचि, खोन्‍कि खोक्‍कोसोओ अ़चुमिन्‍मा अ़न्‍नुनु योक्‍तुकिना अ़चुराक सुवा।

मर्कुस 3:16

मो बारकापाङ म़छेन्‍तुचिओ छाम्‍माय़ङ्‌चि ओचिङा ओ, सिमोन खोसोओ अ़ऩङ पत्रुस्‌निछाङ अ़पाक्‍ता,

मर्कुस 5:37

खोन्‍किना येसुआ पत्रुस, याकुब खोन्‍कि याकुब्‌ओ अ़निछा युहन्‍नादाङ्‌का नि साङ्‌छाङ खोक्‍कोएनान खात्‍मा मान्‍प़म़दोचि।

मर्कुस 9:2

छकालेन्‌कि येसुआ पत्रुस, याकुब खोन्‍कि युहन्‍ना खोक्‍कोएनान म़खात्‍तुचिकि अ़क्‌तात झोन्‍ताङाओ भ़ऱदु म़लोन्‍ता, मोदु खोचि ओन्‍ङा म़याआङा। खोन्‍कि अ़चुकाखेङ्‌पाचिओ अ़चुबुदा खोक्‍कोसोओ अ़चुकात्‍मा फान्‍ता।

लुका 5:10

मोवात्‍निङा जब्‍दियाओ अ़छाचि याकुब खोन्‍कि युहन्‍नाछाङ दोम्‍तुदोचि। मोचि सिमोन्‌एनान अ़क्‍नि काचि कामु अ़यावाचि याआङाचि। येसुआ सिमोन अ़लोवा, “मान्‍क़दा, हान्‌दाङ्‌का खाना ङाचि माआङ, मेन म़नाचि अ़ङ्‌काएदा त़तारुचि।”

लुका 5:8

ओ खाकि सिमोन पत्रुस्‌आ येसुओ अ़चुलाङ्‌दा बोम्‍सान्‍चिन्‌कि “हाङ्‌पो! अ़ङ्‌काएदाङ्‌का अ़थाया खारानिन। देकिनालो अ़ङ्‌का हेवामि ओ”नि य़ङा।

लुका 6:13

अ़वाय़ङ लिसाकि खोक्‍कोसाआ अ़चुकाखेङ्‌पाचि म़बुत्‍तुचिकि मोचिएदाओ बारकापाङ म़छेन्‍तुचि खोन्‍कि खोक्‍कोसाआ मोचि छाम्‍माय़ङ्‌नि ऩङ्‌छाङ म़पाक्‍तुचि।

लुका 6:15

मत्‍ति, थोमा, अल्‍फयस्‌ओ अ़छा याकुब, सिमोन कनानि।

युहन्‍ना 1:45

फिलिप्‌आ नथानेल तुउकि लो, “आन्‍कान्‍का अ़क्‍छा म़ना धिरुम्‌युङ्‌सुम्‍का, निनाम्‍हाङ्‌य़ङ खाकालु मोसाआ य़ङ्‌हुप्‌दा खोन्‍कि नि निनाम्‍हाङ्‌य़ङ खाकालुचिआछाङ खोक्‍कोसोओ अ़तुक्‌वादा अ़छाप्‍तायुङ्‌सा। खोक्‍को योसेफ्‌ओ अ़छा नासरत्‌ओ येसु ओ।”

युहन्‍ना 14:8

फिलिप्‌आ खोक्‍को अ़लोवा, “हाङ्‌पो, आन्‍कान्‍का पापा निनाम्‍हाङ खाङ्‌मेत्‍नि, खोन्‍कि आन्‍काओ सोम्‍स़।”

युहन्‍ना 6:5

येसुआ अ़चुऱङ्‌कोप्‍नि अ़चोआहिदा अ़क्‌तात अ़धिवो म़ना मुक्‍लाचि खोक्‍कोएदा म़ताङाओ अ़खाकि फिलिप अ़लोवा, “ओ म़नाचि चान्‍माचिओ निम्‍पाङ आन्‍कान खादाङ्‌का पेम्‍पाक खिरिन्‍तारिन ओ?”

युहन्‍ना 6:8

खोक्‍कोसोओ अ़चुकाखेङ्‌पाचिएदाओ सिमोन पत्रुस्‌ओ अ़निछा आन्‍द्रियास्‌आ खोक्‍को लो,

छाम्‍माय़ङ 1:13

यरुसलेम म़तालाकि मोचि म़युङाङाओ खिम्‌ओ धाउछान्‌दु म़वाङा, मोदा बुया युङ्‌याङ्‌सा म़मुवाङा। मोदा काकोप्‍नान्‍चिन्‌चि पत्रुस, युहन्‍ना, याकुब, अन्‍द्रियास, फिलिप, थोमा, बारथोलोमाइ, मत्‍ति, अल्‍फयस्‌ओ अ़छा याकुब, हेन्‍कोप सोमाकातुक सिमोन खोन्‍कि याकुब्‌ओ अ़छा यहुदा म़याआङा।

छाम्‍माय़ङ 12:2

खोसाआ युहन्‍नाओ अ़बुवा याकुब बान्‍छोन्‌आ सेत्‍मेत्‍तुचि।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।