लुका 5:24 - बान्‍तावा राई

²⁴ मेन म़नाओ अ़छाएदा हेन्‍खामादाहेवाचि लेत्‍मा पाङ युङ्‌याङ निकिना खानानिन्‌आ सिन्‍मादोत।” खोन्‍किना येसुआ ख़न्‍माखात्‍मा सारिमाआ लाउओ म़ना अ़लोवा, “अ़ङ्‌का खाना लोना, पुवालोन्‍ता खोन्‍कि आम्‍थ़ङ्‌खा ओक्‍तुकि खारा!”

लुका 5:24 ပူးပေါင်းရင်းမြစ်များ

मत्‍ति 16:13

येसु कैसरिया फिलिप्‍पि धिखाहुप्‌दा म़ताला, मोदा खोक्‍कोसाआ अ़चुकाखेङ्‌पाचि म़सेनुचि, “म़नाचिआ म़नाओ अ़छा साङ्‌नि अ़लोयाङ?”

मत्‍ति 25:31

म़नाओ अ़छा झारा निनाम्‍हाङ काफाचिएनान खोन्‍कि खोक्‍कोसोओ अ़चुसाम्‌एनान म़ताहिदा मोन्‍ग़रि खोक्‍को अ़चुसाम्‍स़रिओ अ़चुहाङ्‌युङ्‌खादा म़युङ।

मत्‍ति 26:64

येसुआ मो अ़लासालोवा, “उवा, खानानिन्‌ङा त़य़ङिन्‌येन। मेन अ़ङ्‌का खानानिन झारा लोनानिन, हान्‌दाङ्‌का मोह्‍यात्‍नि खानानिन्‌आ म़नाओ अ़छा सावापोरि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा युङ्‌याङ्‌ओ, खोन्‍कि नाम्‍छ़ऱदुओ य़वारिदा य़याङ्‌ओ त़खाम।”

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

मत्‍ति 4:24

खोक्‍कोसोओ अ़तुक्‌वादाओ य़ङ्‌खान सिरिया धिखाहुप भेप्‍लोतारिछाङ थ़ङा, खोन्‍कि म़तुआङाओचि, माङ्‌लो अ़खाला-अ़खालाओ सारिमाआ दुखा कातोक्‌चि, चाकावालावाआ लाउचिओ, खोन्‍कि स़दावाखेन्‌आ लाउचिओचि खोन्‍कि ख़न्‍माखात्‍मा सारिमाआ लाउचिओचि, झारा म़नाचि खोक्‍कोएदा म़तारुचि खोन्‍कि खोक्‍कोसाआ मोचि म़नुसुचि।

मत्‍ति 9:6

मेन म़नाओ अ़छाएदा हेन्‍खामादा हेवाचि लेत्‍मा पाङ युङ्‌याङ निकिना खानानिन्‌आ सिन्‍मादोत।” खोन्‍किना येसुआ ख़न्‍माखात्‍मा सारिमाआ लाउओ म़ना अ़लोवा, “पुवालोन्‍ता, आम्‍थ़ङ्‌खा ओक्‍तुकि आम्‍खिम खारा!”

लुका 5:13

खोक्‍कोसाआ अ़चुछुक अ़फेसाकि खो अ़नोप्‍ता, खोन्‍कि अ़लोवा, “अ़ङ्‌का मिन्‍ङाङा, खाना नुवालावा!” खोन्‍कि मोन्‍ग़रिङा खोसोओ अ़क़माधामा सारिमादाङ्‌का नुवाखारा।

लुका 5:18

अ़क्‍चित्‌कापाङ म़नाचिआ ख़न्‍माखात्‍मा सारिमाआ लाउओ अ़क्‍छा म़ना अ़इम्‍खाएनान अ़खुयातारा। मोचिआ मो अ़खुयाखात्‍ताकि येसुओ अ़चुबुदा तात्‍मालामा अ़लाप्‍ता।

लुका 5:23

खाक्‍को नुसुम्‍पेन्‍ता मुयाङ, ‘आम्‍हेवाचि लेत्‍नायुङ्‌ना’नि य़ङ्‌मा हे ‘पुवालोन्‍ताकि कोला’नि य़ङ्‌मा?

लुका 7:14

खोन्‍कि येसु बुया म़खाराकि स़पोक अ़खुयाङाओ दोङ्‌लोङ्‌स़ङ अ़नोप्‍ता। खोन्‍कि काखुन्‌चि चोप्‍नि म़एवादिसा। खोन्‍कि येसु म़य़ङा, “सावाछा, अ़ङ्‌का लोनाङ्‌ना, पुवालोन्‍ता!”

लुका 8:54

मेन येसुआ मोसोओ अ़छुक्‌दा अ़क़क्‍ताकि अ़बुत्‍ता, “छाओ, पुवालोन्‍ता!”

युहन्‍ना 11:43

खोन्‍किना ओवात्‍नि म़य़ङाकिना खोक्‍को अ़धिवा य़ङ्‌आ म़पारा, “लाजरस, बुङ्‌खाया लोन्‍ता!”

युहन्‍ना 17:2

देकिनालो खानानिन्‌आ खो त़प़म्‌ओ झारा म़नाचि खोसाआ अ़लुक्‍निन्‌ओ ह़ङ्‌म़ङ प़चिने निकिना खानानिन्‌आ खो झारा म़नाचिएदा पाङ त़प़म्‌युङ्‌सुम।

युहन्‍ना 3:13

निनाम्‍मादुङ्‌का काधा म़नाओ अ़छादाङ्‌का साङ्‌छाङ निनाम्‍मादु मान्‌वाङ्‌युक।

युहन्‍ना 5:27

खोन्‍कि खोक्‍को छ़ङ्‌छेन्‍मा पाङ अ़पुवायुङ्‌सा, देकिनालो खोक्‍को म़नाओ अ़छा ओ।

छाम्‍माय़ङ 14:10

पावल्‌आ अ़धिवा य़ङ्‌आ लो, “आम्‍लाङ्‌दा चोप्‍नि एवा!” खोन्‍किना मो पुवालोन्‍ताकि कोन्‍मा पुक्‍तु।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

छाम्‍माय़ङ 9:34

पत्रुस्‌आ खो लो, “एनियास, येसु ख्रिस्‍तआ खाना त़नु। पुवालोन्‍ताकि आम्‌इम्‍खा ओक्‍तु।” खोन्‍कि एनियास च़क्‍नि पुवालोन्‍ता।

छाम्‍माय़ङ 9:40

मेन पत्रुस्‌आ मोचि झारा बुङ्‌खाह्‍यात्‍नि लोइसुचि, खोन्‍किना अ़तुम्‍प़छ़क तोम्‍तुकि यामारा। खोन्‍कि मो स़पोक्‌ह्‍यात्‍नि हुसान्‍चिन्‌कि य़ङा, “तबिता, पुवालोन्‍ता!” खोन्‍कि मोसाआ अ़म़क होउ, खोन्‍कि पत्रुस खाकिना पुवालोन्‍ताकि युङा।

खाङ्‌मुमा 1:13

खोन्‍कि कुपि युङ्‌खाचिओ अ़चुरादा म़नाओ अ़छावा काराङाओसाआ अ़लाङ्‌युतारि तालालो तित हुम्‍साङा खोन्‍कि अ़कोङ्‌कोम्‌दा हाराक्‌वाओ पेति मोसाआ छ़सुङु।