लुका 5:17 - बान्‍तावा राई

¹⁷ अ़क्‌लेन येसुआ म़नाचि म़चिन्‍तुङुचिहिदा अ़क्‍चित फरिसिचि खोन्‍कि य़ङ्‌हुप काचिन्‍पाचि येसुओ अ़चुच़क्‌दा म़युङाङा। मोचि गालिल खोन्‍कि यहुदिया धिखाहुप्‌दाओ झारा तेन्‍चिदाङ्‌का खोन्‍कि यरुसलेम सहरादाङ्‌का म़तायुङ्‌सा। येसुएदा कातुक्‌चि नुमा निनाम्‍हाङ्‌ओ अ़चुसावा याआङा।

लुका 5:17 ပူးပေါင်းရင်းမြစ်များ

मत्‍ति 11:5

दोप्‍म़क्‌चि खाम़खाङ, खोन्‍कि एक्‍सोक्‌वाचि म़कोन। क़माधामा सारिमाआ लाउचिओचि म़सेङायुङ्‌सा, खोन्‍कि फेङ्‌नाबाक्‌चि खाम़एन। म़सुवादाओचि म़खोन्‍तालोन्‍तायुङ्‌सा, खोन्‍कि मान्‍तोक्‍कादाचिआ निनाम्‍हाङ्‌ओ अ़चुनुय़ङ्‌खान एन्‍मा अ़तोक्‌याङ।

मत्‍ति 15:1

मोन्‍ग़रि फरिसिचि खोन्‍कि य़ङ्‌हुप काचिन्‍पाचि यरुसलेम्‌दाङ्‌का येसुएदा म़ताकि अ़सेना,

मर्कुस 1:45

मेन खो खाराकि मो य़ङ्‌ओ अ़तुक्‌वादा झारा म़नाचि खाएत्‍मा पुक्‍तुचि, खोन्‍कि य़ङ्‌खान फेमा पुङ्‌सु। खोन्‌ओसा येसु मो सहरादा नुलोक वाङ्‌मा मान्‍ऱ, मेन अ़कुय़ङ्‌चिदात्‍नि म़युङा, खोन्‍नुछाङ म़नाचि झारादात्‍निङ्‌का खोक्‍कोएदा म़ता।

मर्कुस 16:18

मोचिआ प़चि म़लाउचि, खोन्‍कि म़सेत्‌ओ छ़क म़दुङ खोन्‍नुछाङ मो छ़क्‌आ मोचि देत्‍छाङ अ़मुन्‍चिन। खोन्‍कि कातुक म़नाचिएदा अ़चुछुक्‌चि म़युङ्‌सुचि, खोन्‍कि मोचि म़नुखात।”

मर्कुस 3:22

खोन्‍कि यरुसलेम्‌दुङ्‌का म़युवाओ य़ङ्‌हुप काचिन्‍पाचि म़य़ङा, “खोक्‍कोएदा चाकावालावाचिओ अ़चुहाङ बालजिबुल याक्‌याङ, खोन्‍कि मोसोओ अ़सावालाम्‍पा खोक्‍कोसाआ चाकावालावाचि लोइसुङुचि।”

मर्कुस 5:30

खोन्‍कि येसुआ अ़चुसावा खोक्‍कोएदाङ्‌का लोन्‍ताखाराओ अ़सिन्‍ताकि च़क्‍नि खोक्‍को म़ना मुक्‍ला ह्‍यात्‍नि म़हुसान्‍चिन्‌कि म़सेनुचि, “साङ्‌आ अ़ङ्‌तित नोप्‍तु?”

मर्कुस 7:1

आदेङ थोरेत्‌कापाङ फरिसिचि खोन्‍कि य़ङ्‌हुप काचिन्‍पाचि यरुसलेम्‌दाङ्‌का म़ता, खोन्‍कि येसुओ अ़चुऱङ्‌कोप्‍नि म़कोवान्‍चिन।

लुका 15:2

मेन फरिसिचि खोन्‍कि य़ङ्‌हुप काचिन्‍पाचि छुऩङ्‌वा म़मुवा, “ओ म़नाआ ना हेवामिचि लोउचि खोन्‍कि मोचिएनान चा दुङ।”

लुका 2:46

यरुसलेम्‌दाङ्‌का म़लोन्‍ताओ सुम्‌कालेन्‌दा खोचिआ अ़चुछा निनाम्‍हाङ ब़क्‍खाखिम्‌ओ अ़बुक्‍लुङ्‌दा अ़धिराचु। खोक्‍को साम्‌योक काचिन्‍पाचिएनान म़युङाङा। खोक्‍को मोचिओ अ़चुय़ङ एन्‌याङ्‌सा खोन्‍कि सेन्‌याङ्‌सा म़युङाङा।

लुका 5:21

मोसाओ अ़य़ङ्‌हुप काचिन्‍पाचि खोन्‍कि फरिसिचिआ अ़चुमिन्‍मादा मित्‍मा अ़पुङ्‌सा, “ओक्‍को म़ना साङ ओ? ओसाआ ना निनाम्‍हाङ्‌ओ अ़चुसाया पेप्‍तुङु! निनाम्‍हाङ्‌दाङ्‌का नि साङ्‌आछाङ हेवाचि लेत्‍मा म़ऱनिन!”

लुका 5:30

फरिसिचि खोन्‍कि फरिसि भुङ्‌ओ य़ङ्‌हुप काचिन्‍पाचिआ छुऩङ्‌वा मुयाङ्‌सा येसुओ अ़चुकाखेङ्‌पाचि म़सेनुचि, “देकि खानानिन दाम्‍दु कालात्‌चि खोन्‍कि हेवामिचिएनान अ़क्‍नि त़चान्‌येन खोन्‍कि त़दुङिन्‌येन?”

लुका 6:19

झारा म़नाचिआ खोक्‍को नोप्‍मा अ़लाप्‍ता। देकिनालो खोक्‍कोएदाङ्‌का सावा लोन्‍ताकि झाराकापाङ म़नुवाङा।

लुका 7:30

मेन फरिसिचिकि मोसाओ अ़य़ङ्‌हुप काचिन्‍पाचिओन निनाम्‍हाङ्‌आ मोचिओ निकि अ़मुवाओ अ़मित्‍चिऩङ अ़छिराकि युहन्‍नाएदाङ्‌का बप्‍तिस्‍मा मान्‍लोक्‌चि।

लुका 8:46

मेन येसुआ म़लोचि, “साङ्‌आ अ़ङ्‌का अ़नोप्‍ताङ्‌ओङा ओ। देकिनालो अ़ङ्‌काएदाङ्‌का अ़ङ्‌सावा लोन्‍ताखाराओ अ़ङ्‌का सिन्‍तुङ।”

युहन्‍ना 3:10

येसुआ मो अ़लासालोवा, “खाना इस्राएल्‌दाओ काचिन्‍पा ओ, खोन्‍नुछाङ ओ य़ङ्‌चि त़तुप्‍तुन्‍चिन?

युहन्‍ना 3:21

मेन साङ तोङ्‌लो च़, मो म़ना साम्‌दा ता, खोन्‍किना मोसाआ मुओ काचिचि निनाम्‍हाङ्‌लाम्‍पा मुवाओ निकिना झारासाआ नुलोक अ़खाङ।”

छाम्‍माय़ङ 19:11

निनाम्‍हाङ्‌आ पावल नि पाराओ म़दोम्‍दाओ काचिचि मुमा सावा अ़पुवा।

छाम्‍माय़ङ 4:30

खोन्‍कि सेङ्‌याङ्‌ओ हारुक येसुओ अ़चुऩङ्‌लाम्‍पा कातुक म़नाचि नुखा खोन्‍कि बुन्‌चि खोन्‍कि म़दोम्‍दाओ काचिचि मुमादा आम्‍नुओ सावा आन्‍कान्‍का प़नि।”

छाम्‍माय़ङ 5:34

मेन झारा म़नाचिआ ब़द्‍धे साया अ़मेत्‍ताओ य़ङ्‌हुप काचिन्‍पा गमलिएल अ़ऩङ मुवाङाओ अ़क्‍छा फरिसि धियायोक्‍खादा पुवालोन्‍ताकि छाम्‍माय़ङ्‌चि धियायोक्‍खादाङ्‌का अ़क्‌दुओ निकि बुङ्‌खाह्‍यात्‍नि रात्‍खामिचि खात्‍मेत्‍तुचि।