लुका 5:11 - बान्‍तावा राई

¹¹ खोन्‍कि मोचिआ अ़चुनावाचि बाखादा म़लोत्‍तुचि खोन्‍कि झारा अ़चुसामाचि म़छिरुदोचि खोन्‍कि येसु अ़त़ङ्‌ता।

लुका 5:11 ပူးပေါင်းရင်းမြစ်များ

मत्‍ति 10:37

साङ्‌आ अ़ङ्‌कादाङ्‌का च़लोक अ़पा माङ्‌लो अ़मा सोमातुक्‍तु, मो अ़ङ्‌काखेङ लिमा अ़खान्‍तुन। साङ्‌आ अ़ङ्‌काएदाङ्‌का च़लोक अ़दुवाछा छा माङ्‌लो अ़मेत्‍छाछा छा सोमातुक्‍तु, मो अ़ङ्‌काखेङ लिमा अ़खान्‍तुन।

मत्‍ति 19:27

खोन्‍कि पत्रुस्‌आ खोक्‍को अ़लोवा, “खानुम, आन्‍कान्‍का झारा सामाचि छिरुम्दोम्‍च़म्‍काकि खानानिन त़ङ्‌निङ्‌नि। आन्‍कान्‍का दि तोक्‍तुम्‍का?”

मत्‍ति 19:29

खोन्‍कि साङ-साङ्‌आ अ़ङ्‌ऩङ्‌ओ निम्‍पाङ अ़खिम माङ्‌लो अ़द़क्‍छा-बुवाचि माङ्‌लो अ़ना-निछाचि माङ्‌लो अ़पापा-अ़मामाचि माङ्‌लो अ़छाचि माङ्‌लो अ़व़क्‍स़ङ्‌चि छिरुयुङ्‌सुचि, मोसाआ सयेकास़रो तोक्‍तु, खोन्‍कि अ़लुक्‍निन्‌ओ ह़ङ्‌म़ङ्‌ओ पाङ तोक्‍तु।

मत्‍ति 4:20

मोचिआ मोन्‍ग़रिङा अ़चुबोप्‍छ़क्‌चि अ़छिरादाचुचि खोन्‍कि येसु अ़त़ङ्‌ताचु।

मत्‍ति 4:22

मोचिआ नावा खोन्‍कि अ़चुपा च़क्‍नि अ़छिरादाचु खोन्‍कि येसु अ़त़ङ्‌ताचु।

मर्कुस 10:21

येसुआ खो अ़चोवाकिना सोमाअ़तुक्‍ता, खोन्‍कि खो अ़लोवा, “हान्‍छाङ खाना अ़क्‌तात काचि मुमादोत। खारा, खोन्‍कि खानाएदा म़युङ्‌याङ्‌ओ झारा आम्‍सामाचि इनुचिकि मान्‍तोक्‍कादाचि प़चि, खोन्‍कि खाना निनाम्‍मादु चासुम्‍छेन्‍बि त़तोक्‍तु। खोन्‍किना बानाकि अ़ङ्‌का त़ङ्‌ताङ।”

लुका 5:28

खोन्‍कि लेबिआ झारा अ़सामाचि छिरुदोचिकि पुवालोन्‍ता खोन्‍कि खोक्‍को त़ङ्‌तु।