लुका 4:43 - बान्‍तावा राई

⁴³ मेन येसुआ मोचि म़लोचि, “अ़ङ्‌का निनाम्‍हाङ्‌ओ अ़चुहाङ्‌होन्‌ओ अ़तुक्‌वादा नुय़ङ्‌खान नितेन्‍चिदाछाङ खालुमादोत। देकिनालो निनाम्‍हाङ्‌आ अ़ङ्‌का ओ काचि मुसि ऩय़साङ्‌ओ।”

लुका 4:43 ပူးပေါင်းရင်းမြစ်များ

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

मर्कुस 1:35

अ़वाय़ङ खामान्‍दात्‌युक्‍ताहिदाङा येसु म़पुवालोन्‍ताकि सुकुलादा म़खारा, खोन्‍कि मोदा खोक्‍को याम़मारा।

युहन्‍ना 20:21

खोन्‍कि येसुआ मोचि म़लासुलोचि, “खानानिन सेवाङ्‌नि लिसानिन! देत्‍नि पापा निनाम्‍हाङ्‌आ अ़ङ्‌का ऩछुत्‍ताङ, मोवात्‍निङा अ़ङ्‌काछाङ खानानिन छुत्‍नानिन।”

युहन्‍ना 9:4

अ़ङ्‌का काछुत्‌ओ अ़चुकाचि अ़खोलेन्‌ङा आन्‍कान मुमादोत। देकिनालो अ़खाखुत तायाङ खोन्‍कि साङ्‌छाङ काचि मुमा अ़ऱनिन।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

२ तिमोथि 4:2

नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।