लुका 4:36 - बान्‍तावा राई

³⁶ खोन्‍कि झाराकापाङ दोम्‍तुदोचिकि “ओ दियाको य़ङ ए खा? ओसाआ ना सावाएनान्‌ओ पाङ्‌आ लोङुचिहिदा म़पोप्‍ताओ चाकावालावाचिछाङ म़लोन्‍खात्‌याङ!”नि अ़क्‍छा निएदा लोकालो म़मुवा।

लुका 4:36 ပူးပေါင်းရင်းမြစ်များ

मत्‍ति 9:33

चाकावालावा लोइसाखाइसाकिना मो क़वा म़ना चेवा। खोन्‌ओसा “इस्राएल्‌दा ओवाको देम्‍खाछाङ मान्‍लियुक्‍ता!”नि य़ङ्‌सा म़ना मुक्‍लाचि दोम्‍तुदोचि।

मर्कुस 1:27

खोन्‍कि झारा म़नाचि दोम्‍तुदोचि, खोन्‍किना मोचि अ़क्‍छा निएदा सेन्‍कासेन मुमा अ़पुक्‍ता, “ओ दि ओ? ओ ना अ़ऩङ्‌वा चिन्‍माय़ङ ए! ओसाआ ना पाङ्‌एनान अ़अ़त्‍पा पोप्‍ताओ लावाचिछाङ लोन्‍तानिन्‌नि लोचिहिदा मोचि म़काङ्‌याङ!”

मर्कुस 7:37

खोन्‍कि म़नाचि अ़न्‍नुनु दोम्‍तुदोचिकि य़ङ्‌मा अ़पुङ्‌सा, “येसुआ झारा काचिचि म़दोम्‍दालो अ़मुवायुङ्‌सा। खोक्‍कोसाआ खामान्‌एन्‍कादा म़नाचिछाङ खाकाएन खोन्‍कि मान्‍चेप्‍कादा म़नाचि काचेप म़मुचि।”

लुका 2:18

भेरा काखाङ्‌चिआ म़य़ङाओ य़ङ काएन्‌चि झाराकापाङ दोम्‍तुदोचि।

लुका 4:32

खोक्‍कोसोओ अ़चुचिन्‍माय़ङ अ़एनाकि म़नाचि दोम्‍तुदोचि। देकिनालो खोक्‍को पाङ्‌एनान म़चेवाङा।

१ पत्रुस 3:22

खोक्‍को निनाम्‍मादु म़खारायुङ्‌सा खोन्‍कि निनाम्‍हाङ काफाचि, पाङ्‌चि खोन्‍कि सावाकातोक लावाचि म़क़म्‍तुचि खोन्‍कि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़युङ्‌याङ।