लुका 4:34 - बान्‍तावा राई

³⁴ “नासरत्‌ओ येसु, खानानिन्‌आ आन्‍कान्‍का दे मुमा त़लाप्‍निङ्‌निओ? दि खानानिन आन्‍कान्‍का लुक्‍सि त़तान्‌ओ? खानानिन साङ ओ, अ़ङ्‌का सिन्‍नाङ्‌नानिन, खानानिन निनाम्‍हाङ्‌आ ऩछुत्‍तिन्‌ओ अ़चुसेङ्‌ताङ्‌पा ओ!”

लुका 4:34 ပူးပေါင်းရင်းမြစ်များ

मत्‍ति 8:29

मोचि ओवात्‍नि पाराचि, “निनाम्‍हाङ्‌ओ अ़चुछा, खानानिन्‌आ आन्‍काच्‍याएदा दि त़लामुम्‌योम? आन्‍चुवाओ ग़रि मान्‍तालामाङ खानानिन्‌आ आन्‍काच्‍या ओदा दुखा प़सि त़तान ओ?”

मर्कुस 1:24

“नासरत्‌ओ येसु, खानानिन्‌आ आन्‍कान्‍का दे मुमा त़लाप्‍निङ्‌निओ? दि खानानिन आन्‍कान्‍का लुक्‍सि त़तान्‌ओ? खानानिन साङ ओ, अ़ङ्‌का सिन्‍नाङ्‌नानिन, खानानिन निनाम्‍हाङ्‌आ ऩछुत्‍तिन्‌ओ अ़चुसेङ्‌ताङ्‌पा ओ।”

मर्कुस 1:34

खोन्‍किना येसुआ ब़द्‍धेकाखालाओ सारिमाचिआ म़लाउचिओचि झारा कातुक्‌चि म़नुसुचि, खोन्‍कि ब़द्‍धे चाकावालावाचि म़लोइसुखाइसुचि। मेन येसु साङ ओ निकिना मो चाकावालावाचिआ अ़सिन्‍ताङाओसा खोक्‍कोसाआ मोचि चेप्‍मा मान्‍प़म़दोचि।

मर्कुस 5:7

खोन्‍कि अ़धिवाङ य़ङ्‌आ पात्‌याङ्‌सा खोक्‍को लो, “झारादाङ्‌का तोक्‍पो निनाम्‍हाङ्‌ओ अ़चुछा येसु, खानानिन्‌आ अ़ङ्‌का दे मुमा त़लाप्‍ङाङाऩङ ओ? निनाम्‍हाङ्‌ओ अ़चुऩङ्‌दा अ़ङ्‌का खानानिन लोनाङ्‌नानिन, अ़ङ्‌का दुखा मान्‍प़दानि!”

लुका 1:35

निनाम्‍हाङ काफाआ लो, “सेङ्‌लावा खानाएदा म़ता। झारादाङ्‌का तोक्‍पो निनाम्‍हाङ्‌ओ अ़चुसावा खानाएदा छुक। खोन्‌ओसा पुक्‍नान्‍चिन्‌ओ नुनु सेङ्‌लो लि, खोन्‍कि खोक्‍को निनाम्‍हाङ्‌ओ अ़चुछानि अ़लो।

लुका 4:33

यावायोक्‍खिम्‌दा अ़क्‍छा पोप्‍ताओ चाकावालावाआ लाउओ म़ना युङाङा। मो म़ना ओवात्‍नि चिलिलिवा पारा,

लुका 4:41

चाकावालावाचिछाङ “खानानिन निनाम्‍हाङ्‌ओ अ़छा त़युङिन्‌येन!”निकिना पात्‌याङ्‌सा ब़द्‍धेकापाङ्‌दाङ्‌का म़लोन्‍ता। मेन येसुआ मो चाकावालावाचि म़रेन्‍तुचिकि चेप्‍मा मान्‍प़म़दोचि। देकिनालो खोक्‍को ख्रिस्‍त म़युङ्‌याङ निकिना मो चाकावालावाचिआ अ़सिन्‍ताङा।

लुका 8:28

मो म़नाआ येसु खाकि चिलिलिवा पारा, खोन्‍कि खोक्‍कोसोओ अ़चुबुदा बोम्‍सान्‍चिन खोन्‍कि अ़धिवाङ य़ङ्‌आ पात्‌याङ्‌सा, “झारादाङ्‌का तोक्‍पो निनाम्‍हाङ्‌ओ अ़चुछा येसु, खानानिन्‌आ अ़ङ्‌का दे मुमा त़लाप्‍ङाङाऩङ ओ? अ़ङ्‌का खानानिन्‌एदा अ़ङ्‌छुक फाङ्‌तुङ्‌योङ, दुखा मान्‍प़दानि।”

लुका 8:37

खोन्‍कि मो गेरासेनस धिखाहुप खोन्‍कि ऱङ्‌कोप्‍नि धिखाहुप्‌चिदाओ झारा म़नाचि “आन्‍कान्‍काएदाङ्‌का लोन्‍ताखारानिन”नि खोक्‍को अ़लोवा। देकिनालो मोचिओ अ़न्‍नुनु अ़चुक़माकारा। खोन्‌ओसा येसु नावादा म़वाङाकि म़खारालावा।

छाम्‍माय़ङ 16:39

खोन्‍किना मोचि म़ताकि पावल खोन्‍कि सिलास्‌एदा लेत्‍प़म़लुवा। खोन्‍कि खोचि छेक्‍खाखिम्‌दाङ्‌का बुङ्‌खाया म़लोत्‍तुचिकि “सहरा छित्‍निदानिप़नि”नि म़लोचि।

छाम्‍माय़ङ 2:27

देकिनालो खानानिन्‌आ अ़ङ्‌लावा सित्‍म़ङ्‌चि युङ्‌खादा त़छिरिन्‍दान्‍मिन, खोन्‍कि खानानिन सेङ्‌याङ्‌ओ म़नाओ अ़चुपोक क़माखात्‍मा त़प़न्‍मिन।

छाम्‍माय़ङ 3:14

मेन खानानिन सेङ्‌याङ्‌ओ खोन्‍कि साम्‌योक्‍मि येसु ऩङात़छिरुम्‌कि आम्‍नुओ निकि पिलातस्‌एदा अ़क्‍छा म़नाकासेत लेत्‍प़त़लुन।

छाम्‍माय़ङ 4:27

अ़नुछ्‍याङा खानानिन्‌आ त़छेन्‍तुम्‌ओ म़सेङ्‌याङ्‌ओ आम्‍नुओ हारुक येसुओ अ़चुदेङ्‌सालाप्‍पादा थालि बाङ्‌सि हाङ हेरोद खोन्‍कि पन्‍तियस पिलातस इस्राएलि म़नाचि खोन्‍कि निरावाचिएनान म़तोङाकि ओ सहरादा म़कोवान्‍चिन।

हिब्रु 2:14

मो छाचिएदा सा खोन्‍कि ह़ओ पोक याक्‌याङ्‌ओसा, येसुछाङ सा खोन्‍कि ह़ओ पोक म़लिसा। मोवात्‍नि खोक्‍कोसोओ अ़चुस़मालाम्‍पा स़मा सावाकातोक मो सैताना खोक्‍कोसाआ लुक्‍मा अ़ऱने।

याकुब 2:19

खानानिन अ़क्‌तात निनाम्‍हाङ म़युङ्‌याङ निकिना साकोङ्‌छ़ङ त़मुन। मो अ़नुवाक ओ! चाकावालावाचिछाङ साकोङ्‌छ़ङ म़मु, खोन्‍कि अ़चुक़माआ सिन्‍लुक्‍लुक्‌वा धुन्‍तुचि।

१ युहन्‍ना 3:8

साङ हेवा मु, खो सैतानादाङ्‌का ओ, देकिनालो सैतानाआ ना अ़पुङ्‌चिपुक्‌दाङ्‌काङा हेवा मुवायुङ्‌सा। निनाम्‍हाङ्‌ओ अ़चुछा खाङ्‌मुमान्‍चिन्‌ओ अ़तुक्‌वा ना सैतानाओ अ़काचिचि लुक्‍मा दोराङाओ।

खाङ्‌मुमा 20:2

मोसाआ मो अ़धिवा प़लाउ, मो चोकोरोङ्‌धिप्‍पा माङ्‌लो सैतानानिछाङ लो, खोन्‍कि अ़क हजाराकादोङ्‌ओ निम्‍पाङ मो छ़सु।

खाङ्‌मुमा 3:7

फिलादेल्‍फियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सेङ्‌याङ, साङ अ़छ़ङ मुयाङ, साङ्‍एदा दाउद्‌ओ अ़हाङ्‌होन्‌ओ अ़होत्‍खा युङ्‌याङ, ओ य़ङ्‌चि खोक्‍कोएदाङ्‌का ओ। देम्‍खा खोक्‍कोसाआ लाप्‍तिखोप अ़होत, साङ्‌आछाङ मो छेक्‍मा अ़ऱन। खोन्‍कि खोक्‍कोसाआ अ़छेक्‌ओ साङ्‌आछाङ होत्‍मा अ़ऱन।