लुका 4:23 - बान्‍तावा राई

²³ खोन्‍कि येसुआ मोचि म़लोचि, “हान ब़द्‍धे म़नाचिआ अ़एनाओ ओ दोय़ङ्‌ला नुछ्‍याङा खानानिन्‌आ अ़ङ्‌का त़लोङाऩङ, ‘ओक्‍तोकामेत! खाना आप्‍पि नुसान्‍चिन। कफर्नहुम तेन्‌दा खाना त़मुओ सावा काचि आन्‍कान्‍काआ एनुम्‌युङ्‌सुम्‍का, मो काचि ओक्‍को आम्‍तेन्‌दाछाङ मु।’”

लुका 4:23 ပူးပေါင်းရင်းမြစ်များ

मत्‍ति 13:54

खोन्‍किना अ़चुसहरा नासरत्‌दा म़ताकि खोक्‍कोसाआ मोचिओ अ़चुयावायोक्‍खिम्‌दा म़नाचि म़चिन्‍तुचि, खोन्‍कि मोचि दोम्‍दायाङ्‌सा म़य़ङा, “खादाङ्‌का ओक्‍को म़नाआ ओवाको खारु खोन्‍कि म़दोम्‍दाओ काचि मुमा सावा तोक्‍तु?

मत्‍ति 4:13

खोन्‍कि नासरत अ़छिरादाकि कफर्नहुम म़खारा खोन्‍कि मोदा म़युङा। कफर्नहुम सहरा जबुलुन खोन्‍कि नप्‍तालिओ खाहुप्‌दाओ गालिल धियाङ्‌वामाओ अ़केम्‌दा छुक।

मत्‍ति 4:23

खोन्‍किना येसु मोचिओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, खोन्‍कि म़नाचिओ अ़चुरादाओ झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा झारा गालिल्‌दा म़कोला।

मर्कुस 6:1

येसुआ याइरस्‌ओ अ़खिम अ़छिरादाकि खोक्‍को म़पोयाओ सहरा नासरत्‌दा म़लासाखारा, खोन्‍कि अ़चुकाखेङ्‌पाचिआ खोक्‍को अ़त़ङ्‌ता।

लुका 2:39

निनाम्‍हाङ्‌ओ अ़चुय़ङ्‌हुप्‌दा छाप्‍ताङावात्‍नि मुमादोराङाओ झारा काचिचि अ़मुवाचिआचुचिकि योसेफ खोन्‍कि मरियम गालिल्‌दाओ अ़चुतेन नासरत्‌दा लासाचि।

लुका 2:51

खोन्‍किना येसु अ़चुमापाचिएनान नासरत्‌दा म़धाकि खोचिआ अ़लोवाचुओ काङ्‌याङ्‌सा युङा। खोन्‍कि खोक्‍कोसोओ अ़चुमा मरियम्‌आ ओ झारा य़ङ्‌चि अ़मिन्‍मादा नुलोक युङ्‌सुचि।

लुका 4:16

येसु म़पोयाओ नासरत तेन्‌दा म़तादिसाकि अ़धुन्‌वात्‍निङा यहुदिचिओ सावातोम्‍खा-लेन्‌दा यावायोक्‍खिम्‌दा म़खारा खोन्‍कि साम्‍कालिन खिप्‍सि म़एवा।

लुका 4:31

खोन्‍कि येसु गालिल्‌ओ कफर्नहुम सहरादा म़धा। मोदा यहुदिचिओ सावातोम्‍खा-लेन्‌दा खोक्‍कोसाआ मोचि म़चिन्‍तुङुचि।

लुका 4:35

ओ अ़एनाकि येसुआ मो चाकावालावा रेन्‌याङ्‌सा अ़लोवा, “वाइवेत युङा, खोन्‍कि ओ म़नादाङ्‌का लोन्‍ताखारा!” खोन्‍कि चाकावालावाआ मो म़ना झारासोओ अ़चुबुदा धाम्‍सुकि खेन्‌मान्‌वान्‍माङ लोन्‍ताखारा।

लुका 6:42

आम्‍म़क्‌दा स़ङ्‌द़क याक्‌याङ्‌नालो देत्‍नि खाना आम्‍निछा लोमा त़ऱ, ‘अ़ङ्‌का आम्‍म़क्‌दाओ चाच़ङ लोइसुङ्‌ने?’ खानानिन कोङ्‌क़त्‌वाचि ओ! बुया आम्‍नुओ म़क्‌दाओ स़ङ्‌द़क लोइसानुम, खोन्‍कि आम्‍नुओ निछाचिओ अ़चुम़क्‌दाओ चाच़ङ नुलोक त़खाम्‌कि लोन्‍मा त़ऱम।

युहन्‍ना 4:28

खोन्‍कि मो मेत्‍छामाआ अ़चाक्‌वा दावा छिरुदोकि सहरादा लासाखारा खोन्‍कि म़नाचि लोचि,

२ कोरिन्‍थि 5:16

खोन्‌ओसा हान्‌दाङ्‌का आन्‍कान्‍का साङ्‌आछाङ म़नाओ अ़मिन्‍मावा अ़खान्‍मिन्‍का। आन्‍कान्‍का ख्रिस्‍त अ़क्‍दु म़नाओ अ़मिन्‍माआ खाम्‍का ओ, हान्‌दाङ्‌का ओवात्‍नि अ़खान्‍मिन्‍का।