लुका 4:17 - बान्‍तावा राई

¹⁷ खोन्‍किना निनाम्‍हाङ्‌य़ङ खाकालु यसैयाओ अ़छाप्‍लाखा येसु अ़पुवा। येसुआ मो छाप्‍लाखा अ़फेसाकि ओवात्‍नि छाप्‍ताङाओ अ़धाङ अ़लामा लोइसा:

लुका 4:17 ပူးပေါင်းရင်းမြစ်များ

लुका 16:29

मेन अब्राहाम्‌आ लो, ‘मोसा खोन्‍कि निनाम्‍हाङ्‌य़ङ खाकालुचिओ छाप्‍लाखा मोदा युङ्‌याङ। आम्‍निछाचिआ मो छाप्‍लाखादाओ चाप्‍चेत्‍माय़ङ अ़एन्‍ने।’

लुका 20:42

देकिनालो साम्‍ऱङ्‌भुङ्‍ओ छाप्‍लाखादा दाउद्‌आ आप्‍पि छाप्‍तुयुङ्‌सु, निनाम्‍हाङ्‌आ अ़ङ्‌हाङ्‌पा ख्रिस्‍त अ़लोवा, ‘देम्‍खातारि अ़ङ्‌का आम्‍ङेङ्‌चि आम्‍लाङ्‌थेम्‍भेन्‌यु अ़मुऩङ्‌च़ङ मोन्‌तारि खाना अ़ङ्‌चुप्‍ताङ्‌छुक्‌लिप्‍पा युङा।’

लुका 4:16

येसु म़पोयाओ नासरत तेन्‌दा म़तादिसाकि अ़धुन्‌वात्‍निङा यहुदिचिओ सावातोम्‍खा-लेन्‌दा यावायोक्‍खिम्‌दा म़खारा खोन्‍कि साम्‍कालिन खिप्‍सि म़एवा।

लुका 4:18

“हाङ्‌पाओ सेङ्‌लावा अ़ङ्‌काएदा याक्‌याङ। देकिनालो मान्‍तोक्‍कादाचि नुय़ङ्‌खान खाएत्‌सि अ़ङ्‌का ऩछेन्‍ताङ्‌युङ्‌साङ। म़छेक्‌याङ्‍ओचि लेत्‍लोइसि, दोप्‍म़क्‌चि खाकाखाङ मुसि, तिम्‍माछ़न्‍मादा म़छुक्‍ताओचि फोङ्‌लोइसि,

लुका 4:20

खोन्‍कि येसुआ साम्‍कालिन अ़रिप्‍ताकि अ़क्‍छा काफा अ़लासापुवाकि म़युङा। मो यावायोक्‍खिम्‌दा कायुङ्‌चि झारासाआ येसु होन्‍नि अ़चोआदिसा।

छाम्‍माय़ङ 13:15

निनाम्‍हाङ्‌य़ङ खाकालु मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुछाप्‍लाखादाङ्‌का अ़खिप्‍ताकि यावायोक्‍खिम्‌दाओ बुसुवाचिआ पावल खोन्‍कि बारनाबास बुत्‍सि म़छुत्‍तुचिकि य़ङ म़मेत्‍तुचि, “यावाचि ओ, खानाचिएदा म़नाचि राक प़मायु य़ङ्‌खान युङ्‌याङ्‌नालो य़ङाचि।”

छाम्‍माय़ङ 13:27

मेन यरुसलेम्‌दा कायुङ म़नाचि खोन्‍कि खोचिओ अ़चुबुसुवाचिआ येसु कालेन्‍पा निकिना मान्‍सिन्‌अ़दा। मोचिआ झारा सावातोम्‍खा-लेन्‌दा अ़खिप्‍ताङाओ निनाम्‍हाङ्‌य़ङ खाकालुचिओ अ़चुय़ङ मान्‍तुप्‌अ़दाकिना येसु स़माओ दन्‍दा अ़पुवा, खोन्‍कि निनाम्‍हाङ्‌य़ङ खाकालुचि म़चेवाओ य़ङ अ़तासाला।

छाम्‍माय़ङ 7:42

खोन्‌ओसा निनाम्‍हाङ्‌आ मोचि निनाम्‍मादुओ नाम, लादिप्‍मा खोन्‍कि साङ्‌केन्‍माचि अ़चुमाङ्‌चिवा म़ब़क्‍तुचिने निकिना म़छिरुखाइसुचि। निनाम्‍हाङ्‌य़ङ खाकालुचिआ अ़चुछाप्‍लावादा अ़छाप्‍तायुङ्‌सा: ‘इस्राएलि म़नाचि ओ! दि खानानिन्‌आ चालिस्‌कादोङ्‌तारि लेक्‍लेक्‍लेक्‌वाओदा अ़ङ्‌का सायाम्‍पोक्‌ओ हेन्‍खोक्‌वा त़प़नि?