लुका 3:3 - बान्‍तावा राई

³ युहन्‍ना यर्दन याङ्‌वामाओ झारादात्‍नि खाराकि म़नाचि ओवात्‍नि खाएत्‍मा पुङ्‌सुचि, “आम्‍नुओ हेवाचि छिरानुम्‍च़म्‌कि बप्‍तिस्‍मा लोआनिन। खोन्‍कि निनाम्‍हाङ्‌आ आम्‍नुओ हेवाचि ऩलेत्‍तिन्‍प़न!”

लुका 3:3 ပူးပေါင်းရင်းမြစ်များ

मत्‍ति 3:11

अ़ङ्‌का ना खानानिन आम्‍नुओ हेवादाङ्‌का त़लासिन्‌ओ बुन्‌ओ निम्‍पाङ चाक्‌वाआ बप्‍तिस्‍मा प़नानिन, मेन अ़ङ्‌कादाङ्‌का आदेङ काता अ़ङ्‌कादाङ्‌का च़लोक सावापोरिओ म़मुयाङ, खोक्‍कोसोओ अ़चुफेङ्‌ता खुन्‍माछाङ अ़ङ्‌का अ़खान्‍ऩङ। खोक्‍कोसाआ खानानिन सेङ्‌लावाआ खोन्‍कि मिआ बप्‍तिस्‍मा ऩप़न।

लुका 1:16

खोसाआ इस्राएल्‌ओ अ़छाचि ब़द्‍धेकापाङ अ़चुहाङ्‌पा निनाम्‍हाङ्‌ह्‍यात्‍नि म़लासुचि।

लुका 1:77

देत्‍नि हेवा लेत्‍मालाम्‍पा लेन्‍मा तोक्‍तिन्‌निओ य़ङ खाना हाङ्‌पाओ अ़चुम़नाचि त़चिन्‍तुचि।

लुका 4:1

येसु सेङ्‌लावाआ भेप्‍तुकि यर्दन याङ्‌वामादाङ्‌का म़लोन्‍ता खोन्‍कि सेङ्‌लावाआ खो लेक्‍लेक्‍लेक्‌वाओदा अ़खात्‍ता।

युहन्‍ना 1:28

ओ य़ङ यर्दन याङ्‌वामाओ अ़ह्‍याउधेत बेथानियादा लिसाओ, मोदा युहन्‍नाआ बप्‍तिस्‍मा प़ङुचि।

युहन्‍ना 3:26

खोन्‌ओसा युहन्‍नाएदा म़ताकि मोचिआ खो अ़लोवा, “काचिन्‍पो, यर्दन अ़ह्‍याउधेत्‌या मो खानानिन्‌एनान म़युङाङाओ, खोक्‍कोसोओ अ़तुक्‌वादा खानानिन्‌आ सालुम्‍स़ङ त़प़म, खानुम, खोक्‍कोसाआ बप्‍तिस्‍मा म़प़ङुचि खोन्‍कि झारा खोक्‍कोएदा म़खात्‌याङ।”

छाम्‍माय़ङ 13:24

येसु तामा बुया, युहन्‍नाआ झारा इस्राएल्‌दाओ म़नाचि ‘हेवा मुमा छिरानुम्‌कि निनाम्‍हाङ्‌एदा लासानिन, खोन्‍कि बप्‍तिस्‍मा लोआनिन’नि खाएत्‍तुचि।

छाम्‍माय़ङ 19:4

खोन्‍कि पावल्‌आ, “युहन्‍नाआ प़चिओ अ़बप्‍तिस्‍मा हेवादाङ्‌का लामाओ बप्‍तिस्‍मा ओ। खोसाआ ‘अ़ङ्‌काएदाङ्‌का आदेङ साङ म़तायाङ्‌ओ, खो साकोङ्‌छ़ङ मुवानुम, खोक्‍कोङा येसु ओ’नि म़नाचि लोचि।”

छाम्‍माय़ङ 22:16

खोन्‍कि हान दि त़हुङुम? पुवालोन्‍तानिन्‌कि हाङ्‌पा येसुएदा साकोङ्‌छ़ङ मुवानिन्‌कि बप्‍तिस्‍मा लोआनिन। खोन्‍कि आम्‍नुओ हेवाचि सेङ्‌प़लुवानिन।’