लुका 3:22 - बान्‍तावा राई

²² खोन्‍कि सेङ्‌लावा साप्दुकुत्‌वावात्‍नि खोक्‍कोएदा म़धान्‍तान्‍चिन। खोन्‍कि निनाम्‍मादुङ्‌का अ़क्‌तात ओवाको य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

लुका 3:22 ပူးပေါင်းရင်းမြစ်များ

मत्‍ति 12:18

“खानुम, अ़ङ्‌काफा अ़ङ्‌का छेन्‍तुङ्‌युङ्‌सुङ। खो अ़ङ्‌का सोमातुक्‍तुङ्‌ओ, खोन्‍कि खोएदा अ़ङ्‌ऩङानुवायुङ्‌सा। अ़ङ्‌का खोएदा अ़ङ्‌लावा पाक्‍तुङ्‌प़ङ, खोन्‍कि खोसाआ रावा-रावाओ म़नाचि तोङ्‌लो छ़ङ्‌छेन्‍माय़ङ खाम़एत्‍तुचि।

मत्‍ति 17:5

पत्रुस चेवाङाहिदाङा, छोक्‍छोक्‍छोक्‌वाओ य़वारिआ मोचि भुक्‍तुखात्‍तुचि, खोन्‍कि मो य़वारिदाङ्‌का अ़क्‌तात य़ङ ता, “ओक्‍को सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा च़लोक अ़ङ्‌ऩङानुवायुङ्‌सा। खोक्‍कोसाआ ऩलोन्‌ओ एनानुम!”

मत्‍ति 27:43

खोक्‍को निनाम्‍हाङ्‌एदा सोम्‍कुवा मु। खोक्‍को, ‘अ़ङ्‌का निनाम्‍हाङ्‌ओ अ़चुछा ओ!’नि य़ङाङाओ। निनाम्‍हाङ्‌आ ओ लेन्‍मानि म़मिन्‌नालो खोक्‍कोसाआ ओ ओन्‍ग़रिङा लेइसुने।”

मत्‍ति 3:13

खोन्‍किना येसु युहन्‍नालाम्‍पा बप्‍तिस्‍मा लोक्‍सि गालिल्‌दाङ्‌का यर्दन याङ्‌वामादा म़बाना।

मत्‍ति 3:16

खोन्‍कि येसु बप्‍तिस्‍मा म़लोआचिआकिना चाक्‌वादाङ्‌का बुङ्‌खाया म़लोन्‍ताहिदा मोन्‍ग़रिङा निनाम्‍मा होरा, खोन्‍कि खोक्‍कोसाआ निनाम्‍हाङ्‌ओ अ़चुलावा साप्दुकुत्‌वावात्‍नि खोक्‍कोएदा म़धाङाओ अ़खा।

मत्‍ति 3:17

मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

मर्कुस 1:11

खोन्‍कि निनाम्‍मादुङ्‌का अ़क्‌तात य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

मर्कुस 1:9

मो लेन्‍चिदा येसु गालिल्‌ओ नासरत्‌दाङ्‌का म़ता, खोन्‍कि यर्दन याङ्‌वामादा युहन्‍नालाम्‍पा बप्‍तिस्‍मा म़लोआ।

मर्कुस 9:7

खोन्‍किना य़वारिआ मोचि भुक्‍तुखात्‍तुचि, खोन्‍कि य़वारिदाङ्‌का अ़क्‌तात य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोसाआ ऩलोन्‌ओ एनानुम!”

लुका 2:14

“झारादाङ्‌का धानि निनाम्‍मादु निनाम्‍हाङ्‌ओ अ़चुऩङ लोङ्‌ने, खोन्‍कि हेन्‍खामादा खाक्‍को म़नाचिएनान निनाम्‍हाङ्‌ओ अ़चुऩङानुयाङ, मोचिओ अ़चुमिन्‍मा चानुलो लिने।”

लुका 4:21

खोन्‍कि “ओक्‍को साम्‍कालिन्‌दा छाप्‌याङ्‍ओ य़ङ आय़ ओन्‍ग़रि खानानिन्‌आ त़एनुम्‌योम्‌हिदाङा तालायुङ्‌सा” नि खोक्‍कोसाआ मोचि लोमा म़पुङ्‌सुचि।

युहन्‍ना 1:32

युहन्‍ना ओवात्‍नि य़ङ्‌सा सालुम्‍स़ङ प़, “सेङ्‌लावा साप्दुकुत्‌वावात्‍नि निनाम्‍मादुङ्‌का म़धाकि खोक्‍कोएदा म़युङाओ अ़ङ्‌का खाङ।

युहन्‍ना 12:28

आपो, आम्‍नुओ ऩङ लोङ्‌सानुम!” खोन्‍किना निनाम्‍मादुङ्‌का अ़क्‌तात य़ङ ता, “अ़ङ्‌का आप्‍पि लोङ्‌साङ्‌युङ्‌साङ्‌च़ङ, खोन्‍कि हान्‍छाङ लाङालोङ्‌ङान्‍च़ङ।”

युहन्‍ना 5:37

अ़ङ्‌का काछुत अ़ङ्‌पापाआङा अ़ङ्‌तुक्‌वादा आप्‍पि सालुम्‍स़ङ अ़पुवायुङ्‌सा। मेन खोक्‍कोसोओ अ़चुय़ङ खानानिन्‌आ देम्‍खाछाङ मान्‌एन्‍त़युक्‍तुम, खोन्‍किना खोक्‍कोसोओ अ़चुङाइवा देम्‍खाछाङ मान्‍खाङ्‌त़युक्‍तुम।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।

१ पत्रुस 2:4

येसु ख्रिस्‍तएदा तानिन, खोक्‍को अ़ह़ङ लुङ्‌ताक म़युङ्‌याङ। म़नाचिआ ऩङाअ़छिराओ, मेन निनाम्‍हाङ्‌आ खोक्‍को अ़छेन्‍ताओ खोन्‍कि खोक्‍कोसोओ निम्‍पाङ अ़चुलुङ अ़लुङ्‌छ़ओ म़मुयाङ।