लुका 3:11 - बान्‍तावा राई

¹¹ खोसाआ मोचिओ अ़चुय़ङ लासु, “ह्‍वातात तित कातोक्‌आ मान्‍तोक्‍कादा अ़क्‌तात प़ने, खोन्‍कि चामायु कातोक्‌आ मान्‍तोक्‍कादा प़ने।”

लुका 3:11 ပူးပေါင်းရင်းမြစ်များ

मत्‍ति 25:40

खोन्‍किना हाङ्‌आ मोचि म़लोचि, ‘अ़नुछ्‍या, अ़ङ्‌का खानानिन लोनानिन, खानानिन्‌आ ओ अ़ङ्‌निछाचिएदाङ्‌का झारादा अ़चुप्‍पो अ़क्‍छा देत्‍नि त़मुम, मो खानानिन्‌आ अ़ङ्‌काङा त़मुवाङ्‌ऩङ्‌ओ।’

लुका 11:41

आम्‍नुओ कोङ्‌हुत्‌दाओ अ़नुछ्‍या मिन्‍माआ मान्‍तोक्‍कादाचि मोहा पुवानुम्‍च़म, मोवात्‍नि त़च़न्‌नालो आम्‍नुओ नि झारा य़ङ्‌चि म़सेङ।

लुका 18:22

ओ अ़एनाकि येसुआ मो म़ना अ़लोवा, “हान्‍छाङ खाना अ़क्‌तात काचि मुमादोत। खानाएदा म़युङ्‌याङ्‌ओ झारा सामाचि इनुचिकि मान्‍तोक्‍कादाचि हात्‍तुचि, खोन्‍कि खाना निनाम्‍मादु चासुम्‍छेन्‍बि त़तोक्‍तु, खोन्‍किना बानाकि अ़ङ्‌का त़ङ्‌ताङ।”

लुका 19:8

मेन जखायस पुवालोन्‍ताकि हाङ्‌पा लो, “हाङ्‌पो, खानुम! अ़ङ्‌का अ़ङ्‌चासुम, छेन्‍बिओ अ़क्‍धाङ मान्‍तोक्‍कादाचि प़ङ्‌च़ङ खोन्‍कि म़नाचिदाङ्‌का दियाकोनुछाङ सामाचि च़न्‍तुङ्‌युङ्‌सुङ्‌च़ङ्‌नालो अ़ङ्‌का मोसोओ चारकास़रो लासुङ्‌प़ङ्‌च़ङ।”

युहन्‍ना 13:29

खा-खाक्‍कोसाआ ओवात्‍नि अ़मित्‍ता, यहुदादा अ़फेक्‌वाओ बेखा युङ्‌याङ, खोन्‌ओसा येसुआ खो चानुचाओ निम्‍पाङ दोत्‌ओ सामा खित्‍ने माङ्‌लो मोसाआ मान्‍तोक्‍कादाचि दिदि प़चिनेनि अ़लोवाओ।

छाम्‍माय़ङ 10:2

खो खोन्‍कि खोसोओ अ़खिम्‌दाओचि झारासाआ निनाम्‍हाङ अ़मित्‍ताङा, खोन्‍कि अ़कित्‍ताङा। खोसाआ मान्‍तोक्‍कादा यहुदिचि सोमातुक्‍तुचिकि फासुङुचि, खोन्‍कि खो अ़धुन निनाम्‍हाङ्‌एदा यामाराङा।

छाम्‍माय़ङ 10:31

खोसाआ अ़लोवाङ, ‘कर्नेलियस, निनाम्‍हाङ्‌आ आम्‌यामात्‍मा अ़एनायुङ्‌सा, खोन्‍कि खाना मान्‍तोक्‍कादाचि मोहा त़प़चिओ अ़खायुङ्‌सा।

छाम्‍माय़ङ 10:4

खोसोओ अ़क़मा काराकि खोएह्‍यात्‍नि होन्‍नि चोउदिसु, खोन्‍कि “हाङ्‌पो, दे त़य़ङिन्‌येन?”नि लो। खोन्‍कि निनाम्‍हाङ काफाआ खो लासुलो, “निनाम्‍हाङ्‌आ आम्‌यामात्‍मा अ़एनायुङ्‌सा, खोन्‍कि खाना मान्‍तोक्‍कादाचि मोहा त़प़चिओ अ़खायुङ्‌सा!

एफिसि 4:28

काख़पाआ हान्‌दाङ्‌का अ़ख़निन्‍ने, मेन खो काचि मुने। खोसोओ अ़छुक्‌आ काचि मुने, खोन्‌ओसा म़हाप्‌दिओचि प़मा ऱचिने।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

१ तिमोथि 6:18

मोचि अ़नुवाक काचि मुमा, खोन्‍कि अ़नुवाक काचिचिदा कातोक लिमा, फामामिन्‍माओ खोन्‍कि निचिएनान हामाचामा मिन्‍माओ लिसानिन्‌नि लोचि।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

याकुब 2:14

अ़ङ्‍ब़ब़, नाना खोन्‍कि निछाचि ओ, अ़क्‍छा म़ना “अ़ङ्‌का साकोङ्‌छ़ङ मुङा”नि य़ङ, मेन काचि अ़नुनिन्‌नालो मोदाङ्‌का दि तोक्‍तु कि? खोसोओ अ़साकोङ्‌छ़ङ्‌आ खो लेन्‍मा ऱ?

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?

१ युहन्‍ना 4:20

साङ “अ़ङ्‌का निनाम्‍हाङ सोमातुक्‍तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्‍तुक्‍कादाआ मान्‍खाङ्‌युक्‍तुओ निनाम्‍हाङ सोमातुक्‍मा अ़ऱन।