लुका 23:7 - बान्‍तावा राई

⁷ येसु हेरोद हाङ मुवाङाओ धिखाहुप्‌दाओ म़नानि सिन्‍तुकि पिलातस्‌आ खोक्‍को हेरोद्‌एया खात्‍मेत्‍तुचि। मोन्‌हिदा हेरोद्‌छाङ यरुसलेम्‌दाङा युङाङा।

लुका 23:7 ပူးပေါင်းရင်းမြစ်များ

मत्‍ति 14:1

मोन्‍ग़रि गालिल हेन्‍कोप्‌दाओ धिखाहुप्‌दा हाङ्‌कामु हेरोद हाङ एन्‍तिपास्‌आ येसुओ अ़चुकाचिचिओ अ़तुक्‌वादा एनु।

मत्‍ति 14:3

बुया हेरोद हाङ्‌आ अ़निछा फिलिप्‌ओ अ़खिम्‍हाङ्‌मा हेरोदियास्‌ओ अ़तुक्‌वादा युहन्‍ना लाप्‍मेत्‍तुचिकि छेक्‍खाखिम्‌दा छेक्‍मेत्‍तुयुङ्‌सुचि।

मत्‍ति 14:6

मेन हेरोद्‌ओ अ़लिमा लेन ताहिदा हेरोदियास्‌ओ अ़मेत्‍छाछा छा तावाङ्‌चिओ अ़चुबुदा थोमाकि हेरोद्‌ओ अ़ऩङानुसु।

मर्कुस 6:14

खोन्‍कि हेरोद हाङ एन्‍तिपास्‌आ येसुओ अ़चुकाचिचिओ अ़तुक्‌वादा एनु, देकिनालो खोक्‍कोसोओ अ़चुऩङ झारादात्‍नि ऱङाखारायुङ्‌सा। खा-खाक्‍कोचि म़य़ङाङा, “बप्‍तिस्‍मा काप़ युहन्‍ना सुवादाओदाङ्‌का खोन्‍तालोन्‍तायुङ्‌सा, खोन्‌ओसा ओवाको म़दोम्‍दाओ काचिचि खोसाआ मुङुचि!”

लुका 13:31

मोन्‍ग़रिङा देम्‌कापाङ फरिसिचि येसुएदा म़ताकि खोक्‍को अ़लोवा, “ओदाङ्‌का लोन्‍तानिन्‌कि खारालावानिन। देकिनालो हेरोद हाङ्‌आ खानानिन सेत्‍मा ऩलाप्‍तिन्‌येन।”

लुका 23:6

पिलातस्‌आ ओ य़ङ एनुकि सेनुचि, “दि ओ गालिल्‌दाओ म़ना ओ?”

लुका 3:1

रोम्‌दाओ तोक्‍पोहाङ कैसर तिबेरिअस्‌आ हाङ मुवाङाओ पन्‍ध्रकादोङ्‌दा पन्‍तियस पिलातस यहुदिया धिखाहुप्‌दा धिखाहुप हाङ मुवाङा। मोन्‍ग़रि हेरोद गालिल धिखाहुप्‌दाओ हाङ्‌काचि मुवाङा, खोन्‍कि मोसोओ अ़निछा फिलिप्‌आ इतुरिया खोन्‍कि त्राखोनितिस धिखाहुप्‌दाओ हाङ्‌काचि मुवाङा। मो योक्‌दा अबिलेने धिखाहुप्‌दा लुसानियास हाङ्‌काचि मुवाङा।

लुका 9:7

मोन्‍ग़रि गालिल हेन्‍कोप्‌दाओ धिखाहुप्‌दा हाङ्‌कामु हेरोद हाङ एन्‍तिपास्‌आ झारा म़मुङुचिओ येसुओ अ़चुकाचिचिओ अ़तुक्‌वादा एनुकिना हेरोद हाक्‍हाक्‍किरा लिसा। देकिनालो “युहन्‍ना सुवादाओदाङ्‌का खोन्‍तालोन्‍तायुङ्‌सा”नि खा-खाक्‍कोचि म़य़ङाङा।

छाम्‍माय़ङ 4:27

अ़नुछ्‍याङा खानानिन्‌आ त़छेन्‍तुम्‌ओ म़सेङ्‌याङ्‌ओ आम्‍नुओ हारुक येसुओ अ़चुदेङ्‌सालाप्‍पादा थालि बाङ्‌सि हाङ हेरोद खोन्‍कि पन्‍तियस पिलातस इस्राएलि म़नाचि खोन्‍कि निरावाचिएनान म़तोङाकि ओ सहरादा म़कोवान्‍चिन।