लुका 23:34 - बान्‍तावा राई

³⁴ खोन्‍किना येसु म़य़ङा, “आपो, ओचि लेत्‍तापुवानुम्‍च़म। देकिनालो ओचि दे म़च़याङ, ओचिआ ऩसिन्‍तुन्‌योन।” खोन्‍कि रात्‍खामिचि होरा म़पाआ खोन्‍कि खोक्‍कोसोओ अ़चुतित्‌चि अ़हासा।

लुका 23:34 ပူးပေါင်းရင်းမြစ်များ

मत्‍ति 11:25

मोन्‍ग़रि येसु म़य़ङा, “आपो, निनाम्‍मा खोन्‍कि हेन्‍खामादाओ हाङ्‌पा, अ़ङ्‌का खानानिन आलाङ प़नाङ्‌नानिन, देकिनालो खानानिन्‌आ ओ य़ङ्‌चि खारु कातोक खोन्‍कि तायाहाङ्‌पाचिदाङ्‌का त़कुम्‍सुम, खोन्‍कि छाचि मो खाङ्‌त़मेत्‍तुम्‍च़म।

मत्‍ति 11:26

उवा, आपो, देकिनालो ओवात्‍निङा च़मा खानानिन त़स़न।”

मत्‍ति 5:44

मेन अ़ङ्‌का खानानिन लोनानिन, आम्‍नुओ ङेङ्‌चि सोमातुक्‍तानुम्‍च़म, खोन्‍कि खानानिन काल़क्‌चिओ निम्‍पाङ यामारानिन,

मर्कुस 15:24

खोन्‍किना मोचिआ येसु क्रुस्‌दा अ़क़ङ्‌सा खोन्‍कि साङ्‌आ दि खात्‍मा निकिना अ़चुरादा अ़छ़ङ मुमा होरा म़पाआ, खोन्‍कि खोक्‍कोसोओ अ़चुतित्‌चि अ़हासा।

लुका 22:42

“आपो, आम्‍नुओ मिन्‍मा याक्‌याङ्‌नालो ओ दुखाओ लाङ्‌चोक्‍खुङ अ़ङ्‌काएदाङ्‌का माङ्‌निप़नि। खोन्‍नुछाङ अ़ङ्‌मिन्‍मावा माआङ, मेन आम्‍नुओ मिन्‍मावा लिने।”

युहन्‍ना 17:9

अ़ङ्‌का मोचिओ निम्‍पाङ यामात्‍ङा, हेन्‍खामाओ निम्‍पाङ अ़ङ्‌का याअ़मात्‍ऩङ, मेन साङ-साङ्‌चि खानानिन्‌आ अ़ङ्‌का त़प़नियुङ्‌नि, देकिनालो मोचि आम्‍नुओचिङा ओ।

युहन्‍ना 19:11

येसुआ अ़लासालोवा, “खानानिन्‌आ धानाङ्‌का मान्‍तोक्‍त़दोम्‌ओदे अ़ङ्‌काएदा आम्‍नुओ पाङ दित्‍छाङ मान्‍लिओ। खोन्‌ओसा अ़ङ्‌का आम्‍नुओ छुक्‌दा कापाक प़ तोक्‍पो हेवामि ओ।”

छाम्‍माय़ङ 16:28

मेन पावल्‌आ पात्‌याङ्‌सा, “खानानिन मान्‍सेत्‌दानिन्‍चिन! देकिनालो आन्‍कान्‍का झारा ओदाङा युङिन्‌येन्‍का!”नि लो।

छाम्‍माय़ङ 3:17

हान, ब़ब़, नाना खोन्‍कि निछाचि ओ, अ़ङ्‌का सिन्‍तुङ्‌योङ, खानानिन खोन्‍कि आम्‍नुओ बुसुवाचिआ मान्‍सिन्‍त़दोम्‌ओसा येसु त़सेरुम्‌ओ।

छाम्‍माय़ङ 7:60

खोन्‍किना खोसाआ अ़तुम्‍प़छ़क तोम्‍तुकि अ़धिवाङ य़ङ्‌आ पारा, “हाङ्‌पो, ओ अ़चुहेवाआ ओचि अ़धिरुन्‍चिन्‍ने!” ओन य़ङाचिआकि खोसोओ अ़साक्‍मा खारा।

रोमि 12:14

खानानिन काल़क्‌चि आसिखा पुवानुम्‍च़म, माङ्‌मान्‍हिम्‍दानुम्‍च़म।

१ कोरिन्‍थि 2:8

ओ जुगादाओ हाङ्‌काचि कामुचि साङ्‌आछाङ ओ य़ङ मान्‍तुप्‌अ़दा। अ़तुप्‍ताओदे मोचिआ ऩङ्‌लोङ्‌मा खान्‍तुओ हाङ्‌पा क्रुस्‌दा मान्‍ख़न्‌अ़दाओ।

१ कोरिन्‍थि 4:12

आन्‍कान्‍का आन्‍काओ छुक्‌आङा चात्‍लो काचि मुन्‌युङ्‌सिन्‍का। आन्‍कान्‍का ऩसुङ्‌तिन्‍काहिदा आसिखा प़म्‍च़म्‍का। आन्‍कान्‍का दुखा ऩप़न्‍काहिदा आन्‍कान्‍का आङ्‌तुम्‍का।

१ तिमोथि 1:13

बुया अ़ङ्‌का ख्रिस्‍त रुकाफोक, काल़क खोन्‍कि खोक्‍को कासुङ मुवाङ्‌याङ्‌नुछाङ अ़ङ्‌का ओ मान्‍सिन्‍ङाङा खोन्‍कि साकोङ्‌छ़ङ मान्‍मुयुक्‍तुङ्‌हिदा मुङ्‌ओसा अ़ङ्‌का निनाम्‍हाङ्‌आ सोमाऩतुक्‍ताङ।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।