लुका 23:2 - बान्‍तावा राई

² मोचिआ खोक्‍को ओवात्‍नि ह़त्‍मा अ़पुक्‍ता: “ओ म़नाआ ना आन्‍काओ रावाचि थेम्‍माखान्‍मा मुङुचिओ आन्‍कान्‍का धिरुम्‍का। तोक्‍पोहाङ कैसर छोत्‍मादोत्‌ओ दाम्‍दुछाङ मान्‍छोन्‌दानुम्‌नि ओसाआ अ़लोन्‌येन्‍का, खो ‘ख्रिस्‍तनिओ हाङ’नि लोनानान्‍चिन।”

लुका 23:2 ပူးပေါင်းရင်းမြစ်များ

मत्‍ति 17:27

मेन मोचि आन्‍कान्‌एदाङ्‌का अ़चुमाइसुङ अ़कात्‍निन्‍ने निम्‍पाङ धियाङ्‌वामादा खाराकि ख़ङ्‌य़ धोन्‍ता, खोन्‍कि बुया त़लाउओ ङा बात्‍तु। मोसोओ अ़दो त़होङ्‌सुहिदा खाना अ़क्‌तात रुपाओ फेक्‌वा त़धिरु। मो खात्‍तुकि आम्‍को खोन्‍कि अ़ङ्‌को निम्‍पाङ मोचि प़चि।”

मत्‍ति 22:21

मोचिआ खोक्‍को अ़लासालोवा, “कैसरओ।” खोन्‍किना खोक्‍कोसाआ मोचि म़लोचि, “खोन्‍नालो दि कैसरओ ओ, मो कैसरङा पुवानुम, खोन्‍कि दि निनाम्‍हाङ्‌ओ ओ, मो निनाम्‍हाङ पुवानुम।”

मत्‍ति 27:11

येसु धिखाहुप काखाङ्‌ओ अ़बुदा म़एवा, खोन्‍कि मोसाआ येसु सेनु, “दि खाना यहुदिचिओ अ़चुहाङ ओ?” येसुआ अ़लोवा, “खानानिन्‌ङा खोवात्‍नि त़य़ङिन्‌युङ्‌सिन म़ल़क।”

मर्कुस 12:17

खोन्‍किना येसुआ मोचि म़लोचि, “कैसरओ अ़सामाचि कैसरङा पुवानुम, खोन्‍कि निनाम्‍हाङ्‌ओ अ़चुसामाचि निनाम्‍हाङ्‌ङा पुवानुम।” येसुआ म़लासुलोचिओ य़ङ्‌आ मोचि दोम्‍तुदोचि।

मर्कुस 15:2

खोन्‍कि पिलातस्‌आ येसु सेनु, “दि खाना यहुदिचिओ अ़चुहाङ ओ?” येसुआ अ़लासालोवा, “खानानिन्‌ङा खोवात्‍नि त़य़ङिन्‌युङ्‌सिन म़ल़क।”

लुका 23:14

“ओसाआ रोम हेन्‍कोप्‌ओ अ़देङ्‌सालाप्‍पादा म़नाचि थेन्‍तुङुचि निकिना खानानिन्‌आ ओ म़ना अ़ङ्‌काएदा त़तारुम। मेन एनानुम, ओ आम्‍नुओ बुदाङा सेनुङ्‌चिउङ, मेन खानानिन्‌आ त़पाक्‍तुम्‌ओ खाक्‍कोछाङ ह़त्‍मायु य़ङ अ़ङ्‌का ओएदा मान्‍धित्‌ङा।

लुका 23:5

मेन मोचि क़न्‍नान्‍चिन्‍सा म़य़ङा, “ओसाआ झारा यहुदियादा चिन्‌याङ्‌सा म़नाचि अ़चुचोङ्‌माङ काइसुखात्‍तुङुचि। खोक्‍कोसाआ गालिल्‌दाङ्‌का पुङ्‌सुकि ओदातारि तालायुङ्‌सा।”

युहन्‍ना 18:29

खोन्‌ओसा पिलातस मोचिएदा बुङ्‌खादा लोन्‍ताकि सेनुचि, “ओक्‍को म़नाओ अ़चुदेङ्‌सालाप्‍पादा खानानिन्‌आ दि लाहि त़पाक्‍तुम?”

युहन्‍ना 18:30

मोचिआ खो अ़लासालोवा, “ओ मान्‍फिकादाओदे आन्‍कान्‍का ओक्‍को खानानिन्‌एदा मान्‍तात्‌दोम्‍काओ।”

युहन्‍ना 19:12

खोन्‍किना पिलातस्‌आ येसु लेत्‍माखान्‍मा च़लोक लामा। मेन यहुदि बुसुवाचि ओवात्‍नि य़ङ्‌सा म़पारा, “खानानिन्‌आ ओ म़ना त़लेरुम्‌नालो खानानिन कैसरओ अ़चुयावा माआङ। आप्‍पि हाङ्‌नि कालोनान्‍चिन झारा कैसरओ अ़देङ्‌सालाप्‍पादा म़मु।”

छाम्‍माय़ङ 24:13

ओचिआ अ़ङ्‌देङ्‌सालाप्‍पादा ओन्‍ग़रि ऩह़त्‍ताङ्‍ओ खानानिन सालुम्‍स़ङ प़माङा ऩऱनानिमिन।

छाम्‍माय़ङ 24:5

ओ म़ना चाअ़त्‍लो अ़त्‍सालो काच़पा खोन्‍कि झारा हेन्‍खामादाओ यहुदिचिओ अ़चुरादा काचोङ्‌किना काचेङ्‌वा कामु आन्‍कान्‍का धिरुम्‌युङ्‌सुम्‍का। खोन्‍कि खो अ़क्‍छा नासरिनि लोयाङ्‌ओ फेआओ साम्‌योक्‌ओ बुसुवा ओ।

रोमि 13:7

छोन्‍मादोत्‌ओ झारा छोरानुम्‍च़म। दाम्‍दु छोन्‍मादोत्‌ओदा दाम्‍दु, नि अ़लुङ्‌चि छोन्‍मादोत्‌ओदा नि अ़लुङ्‌चि छोरानुम्‍च़म, सायामेत्‍मा दोत्‌ओचि साया मेत्‍तानुम्‍च़म खोन्‍कि साऩङ्‌वा मेत्‍मा दोत्‌ओचि साऩङ्‌वा मेत्‍तानुम्‍च़म।