लुका 22:66 - बान्‍तावा राई

⁶⁶ खादाराकि म़नाचिओ अ़चुबुसुवाचि, मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचि म़कोवान्‍चिन्‌कि येसु धियायोक्‍खादा अ़खात्‍ता।

लुका 22:66 ပူးပေါင်းရင်းမြစ်များ

मर्कुस 15:1

अ़वाय़ङ खादात्‍मा मुवाङाहिदा मुलो काब़क्‍पाचि, म़नाचिओ अ़चुअ़धुवाचि, खोन्‍कि मोसाओ अ़य़ङ्‌हुप काचिन्‍पाचिकिना धियायोक्‍खादाओचि झारा याम़योआ। खोन्‍कि येसु अ़छ़साकि मोचिआ रोमि हाङ्‌काचि कामु पिलातस्‌एदा अ़खात्‍ता।

मत्‍ति 27:1

अ़वाय़ङ खादात्‍मा मुवाङाहिदा झारा मुलो काब़क्‍पाचि खोन्‍कि म़नाचिओ अ़चुअ़धुवाचि येसु स़मा दन्‍दा प़मा निम्‍पाङ खोक्‍कोसोओ अ़चुदेङ्‌सालाप्‍पादा याम़योआ।

छाम्‍माय़ङ 22:5

मुलो काब़क्‍पा खोन्‍कि धियायोक्‍खादाओ झारा अ़धुवाचिआछाङ अ़ङ्‌तुक्‌वादा अ़छ़ङ य़ङ खालुमा अ़ऱ। खोचिआङा अ़ङ्‌का दमस्‍कस्‌दाओ आन्‌यहुदि ब़ब़ निछाचि लाप्‍खा छाप्‍लावा ऩपुवाङ, खोन्‌ओसा मोदा येसु साकोङ्‌छ़ङ कामुचि लाप्‍माचिकि काछेक्‌चिवा यरुसलेम्‌दा तात्‍माचि खोन्‍कि दन्‍दा प़मेत्‍मा पाङ तोक्‍तुङ्‌कि दमस्‍कस खाराङ।

मत्‍ति 5:22

मेन अ़ङ्‌का खानानिन लोनानिन, साङ्‌आ अ़बुवा-निछाचि अ़माइसुङ कात्‍तु, मो छ़ङ्‌छेन्‍मादा छुक। खोन्‍कि साङ्‌आ अ़द़क्‍छाचि सुङुचि, मो धियायोक्‍खाआ दन्‍दा प़। खोन्‍कि साङ्‌आ अ़बुवा-निछाचि ‘खाना खामान्‍सिन’नि लो, मो क़माकात्‍तुओ सित्‍म़ङ दुखा तोक्‍खा मिदा छुक।

युहन्‍ना 18:28

खोन्‍किना मोचिआ येसु कैयाफास्‌ओ अ़खिम्‌दाङ्‌का रोमि हाङ्‌मुखा खिम्‌ह्‍यात्‍नि अ़खात्‍ता। मोन्‍ग़रि अ़वाय़ङ्‌साऱङ लिसायुङ्‌सा। पोप्‍तिन्‌कि काक्‍माखात्‍मा चानुचा चामा अ़तोक्‍तिमिन निकिना मोचि रोमि हाङ्‌मुखा खिम्‌दा मान्‌वाङ्‌चि।