लुका 22:53 - बान्‍तावा राई

⁵³ अ़ङ्‌का अ़लेन्‍खिन्‍तुम निनाम्‍हाङ ब़क्‍खाखिम्‌दा खानानिन्‌एनान्‌ङा युङाङ्‌याङ्‌हिदा खानानिन्‌आ अ़ङ्‌का मान्‍लाप्‍त़दाङ्‌ऩङ! मेन हान ना आम्‍नुओ काचि मुमा ग़रि, खोन्‍कि कुन्‌यामाओ अ़सावाआ हाङ मुमा ग़रि ता।”

लुका 22:53 ပူးပေါင်းရင်းမြစ်များ

मत्‍ति 21:23

खोक्‍को निनाम्‍हाङ ब़क्‍खाखिमदा म़वाङा, खोन्‍किना खोक्‍कोसाआ म़चिन्‍तुङुचिहिदा मुलो काब़क्‍पाचि, म़नाचिओ अ़चुअ़धुवाचि खोक्‍कोएदा म़ता खोन्‍कि खोक्‍को अ़सेना, “साङ्‌कोओ अ़पाङ्‌आ खानानिन ओ काचिचि त़मुम्‌योम्‍च़म, खोन्‍कि साङ्‌आ खानानिन ओ पाङ ऩप़न?”

लुका 22:52

येसु लाप्‍सि म़ताओ मुलो काब़क्‍पाचि, निनाम्‍हाङ ब़क्‍खाखिम कारात्‍चिओ अ़चुओ अ़धुवाचि खोन्‍कि अ़धुवाचि म़याआङा। येसुआ मोचि म़लोचि, “दि अ़ङ्‌का काङाप्‍खात्‌ओकि बान्‍छोन्‌चि खोन्‍कि रोलाचिएनान अ़ङ्‌का लाप्‍सि त़तान्‌ओ?

लुका 22:54

खोन्‍किना मो म़नाचिआ येसु अ़लावाकि मुलो काब़क्‍पाओ अ़खिम्‌दा अ़खात्‍ता। पत्रुस्‌आ अ़थायाङ्‌काङा खोक्‍कोसोओ अ़चुदेङ-देङ त़ङ्‌तुखात्‍तु।

युहन्‍ना 12:27

हान अ़ङ्‌साकोङ्‌वा दुखादा छुक्‍तायुङ्‌सा, खोन्‍कि अ़ङ्‌का देत्‍नि य़ङ्‌मा? ‘आपो, अ़ङ्‌का ओ दुखादाङ्‌का लेन्‍नि’? मेन ओ दुखा तोक्‍माओ निम्‍पाङ्‌ङा अ़ङ्‌का ताङ्‌ओ।

युहन्‍ना 13:30

खोन्‍किना पेम्‍पाक चोकि यहुदा इस्‍करियोत मोन्‍ग़रिङा बुङ्‌खाह्‍यात्‍नि लोन्‍ताखारा। खोन्‍कि मोन्‍ग़रि खाखुत्‍तायुङ्‌सा।

युहन्‍ना 14:30

अ़ङ्‌का खानानिन्‌एनान हान ब़द्‍धे अ़चेप्‍ऩङ, देकिनालो ओ हेन्‍खामाओ हाङ्‌काचि कामु तायाङ। मोसोओ अ़सावा अ़ङ्‌काएदा दित्‍छाङ मात्‍द़ङ।

युहन्‍ना 7:30

खोन्‌ओसा मोचिआ खोक्‍को लाप्‍मा अ़लाप्‍ता, मेन साङ्‌आछाङ खोक्‍को छुक मान्‍पाक्‌अ़दा, देकिनालो खोक्‍कोसोओ अ़चुग़रि हान्‍छाङ मान्‍तायुक्‍ता।

युहन्‍ना 7:45

आदेङ्‌माङ निनाम्‍हाङ ब़क्‍खाखिम काहुङ्‌चि मुलो काब़क्‍पाचिएदा खोन्‍कि फरिसिचिएदा म़लासाता। मोचिआ निनाम्‍हाङ ब़क्‍खाखिम काहुङ्‌चि म़सेनुचि, “खानानिन्‌आ खो देकि मान्‍तात्‍त़दोम?”

छाम्‍माय़ङ 26:18

खाना मोचि निनाम्‍हाङ्‌ओ अ़चुय़ङ चिन्‍तुचि, खोन्‍कि कुइयामादाङ्‌का उयाङ्‌ओदाकि सैतानाओ अ़सावादाङ्‌का निनाम्‍हाङ्‌एदा म़लाने। खोन्‍किना मोचि अ़ङ्‌काएदा मोचिओ अ़चुहेवाचि निनाम्‍हाङ्‌आ म़लेत्‍तुप़चिकिना अ़ङ्‌काएदाओ साकोङ्‌छ़ङ्‌लाम्‍पा म़सेङाकि निनाम्‍हाङ्‌आ म़छेन्‍तुचिओ म़नाचिओ अ़चुरादा मोचिआ युङ्‌मा अ़तोक।’

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

कलस्‍सि 1:13

खोक्‍कोसाआ आन्‍कान कुन्‌यामाओ अ़सावादाङ्‌का म़फोङ्‌सा, खोन्‍कि सोमाअ़तुक्‍ताङाओ अ़चुओछाओ अ़चुहाङ्‌होन्‌दा म़खाइसायुङ्‌सा।