लुका 22:39 - बान्‍तावा राई

³⁹ अ़धुन्‌वाङा येसु सहरा अ़छिरादाकि जैतुन भ़ऱदु म़खारा। अ़चुकाखेङ्‌पाचिआछाङ खोक्‍को अ़त़ङ्‌ता।

लुका 22:39 ပူးပေါင်းရင်းမြစ်များ

मत्‍ति 21:1

येसु खोन्‍कि मोचि यरुसलेम्‌ओ अ़च़क्‌दा जैतुन भ़ऱओ बेथफागेदा म़ताला। खोन्‍कि येसुआ ह़वाङ अ़चुकाखेङ्‌पाचि ओवात्‍नि म़लोचिकि बुया म़छुत्‍तुखाइसुचि,

मत्‍ति 26:30

खोन्‍किना खोचिआ अ़क्‌तात साम्‍ऱङ अ़लुवाकि जैतुन भ़ऱदुत्‍नि म़खारा।

मर्कुस 11:11

खोन्‍कि येसु यरुसलेम्‌दा म़ताला, खोन्‍कि निनाम्‍हाङ ब़क्‍खाखिम्‌दा म़वाङा। खोक्‍कोसाआ अ़चुऱङ्‌कोप्‍नि झारा नुलोक अ़चोआ। खोन्‍किना नाम्‍पुवाचिआयुङ्‌साओसा खोक्‍को बारकापाङ अ़चुकाखेङ्‌पाचिएनान बेथानिया म़खारा।

मर्कुस 11:19

खोन्‍कि अ़नाम्‍प़क लिसाकिना येसु खोन्‍कि अ़चुकाखेङ्‌पाचि यरुसलेम सहरादाङ्‌का म़लोन्‍ताखारा।

मर्कुस 13:3

येसु निनाम्‍हाङ ब़क्‍खाखिम्‌ओ अ़बुदाओ जैतुन भ़ऱदु म़युङा, मोन्‍ग़रि पत्रुस, याकुब, युहन्‍ना खोन्‍कि अन्‍द्रियास म़ताकि सुकुलादा अ़सेना।

मर्कुस 14:26

खोन्‍किना खोचिआ अ़क्‌तात साम्‍ऱङ अ़लुवाकि जैतुन भ़ऱदुत्‍नि म़खारा।

लुका 21:37

अ़खोलेन येसुआ म़नाचि निनाम्‍हाङ ब़क्‍खाखिम्‌दा म़चिन्‍तुङुचि खोन्‍कि अ़खाखुत जैतुन्‌निओ भ़ऱदु म़खाराकि नाम्‌अ़तात्‍ताङा।