लुका 22:32 - बान्‍तावा राई

³² मेन सिमोन, आम्‍साकोङ्‌छ़ङ अ़मानिन्‍ने निकि यामात्‍नाप़नायुङ्‌ना। खोन्‍कि खाना अ़ङ्‌काएदात्‍नि त़लाकि आम्‍बुवा निछाचि फासुचि।”

लुका 22:32 ပူးပေါင်းရင်းမြစ်များ

मत्‍ति 18:3

खोन्‍किना येसुआ म़लोचि, “अ़नुछ्‍या अ़ङ्‌का खानानिन लोनानिन, आम्‍नुओ मिन्‍मा त़फान्‍तुम्‌कि मो छावात्‍नि त़लिसिमिन्‌नालो खानानिन देम्‍खाछाङ निनाम्‍मादुओ अ़चुहाङ्‌होन्‌दा वाङ्‌मा त़ऱन्‍मिन।

मत्‍ति 26:75

खोन्‍किना येसुआ अ़लोवाओ मो य़ङ पत्रुस्‌आ मित्‍तुतोक्‍तु, “वापापा ओक्‍मा बुया खाना अ़ङ्‌का सुम्‌कादुतारि ऩङात़छित्‍ङा।” खोन्‍किना खो बुङ्‌खाया लोन्‍ताकि घुक्‍स़क्‍नि खावा।

मर्कुस 14:72

खोन्‍कि मोन्‍ग़रिङा ह्‍वादुओदु वापापा ओक्‍ता, खोन्‍किना येसुआ अ़लोवाओ य़ङ पत्रुस्‌आ मित्‍तुतोक्‍तु, “वापापा ह्‍वादुओदु ओक्‍मा बुया खाना अ़ङ्‌का सुम्‌कादुतारि ऩङात़छित्‍ङा।” खोन्‍कि खो घुक्‍स़क्‍नि खावा।

मर्कुस 16:7

हान खारानिन्‌कि, खोक्‍कोसोओ अ़चुकाखेङ्‌पाचि खोन्‍कि पत्रुस खाएत्‍तानुम, ‘खोक्‍को खानानिन्‌एदाङ्‌का आम्‍नुओ बुबु गालिल्‌ह्‍यात्‍नि म़खात्‌याङ। खोक्‍कोसाआ खानानिन ऩलोन्‌ओवात्‍निङा मोदा त़धिरुम।’”

लुका 8:13

लुङ्‌खावादा म़छुक्‍ताओ बिउचि ओङा ओ: साङ्‌आ निनाम्‍हाङ्‌ओ अ़चुय़ङ एनुकि अ़ऩङानुयाङ्‌सा मो लोउ। मेन मोसोओ अ़भेन अ़मेत्‍तुन्‌ओसा मोसाआ निनाम्‍हाङ थुत्‍मेत्‍लो ओन्‍ङा साकोङ्‌छ़ङ मु, मेन चिन्‍माखाङ्‌माओ ग़रिदा अ़साकोङ्‌छ़ङ्‌दाङ्‌का देङ्‌ला।

युहन्‍ना 14:19

हान अ़क्‍दुकि हेन्‍खामाआ अ़ङ्‌का देम्‍खाछाङ अ़खाङ्‌ऩङ, मेन खानानिन्‌आ अ़ङ्‌का त़खाङ्‌ङाऩङ। अ़ङ्‌का अ़ह़ङ लाङालिङाओसाआ खानानिन्‌छाङ अ़ह़ङ त़लासिन्‍लिसिन।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

रोमि 8:32

निनाम्‍हाङ्‌आ आप्‍पिओ अ़चुछा मान्‍लेत्‌अ़दा, मेन आन्‍कान झारासोओ निम्‍पाङ अ़चुछा म़पुवालावा। दि खोक्‍कोसाआ आन्‍कान म़हिप्‍ताओ झारा सामाचिछाङ अ़चुछाएनान अ़क्‍नि म़प़निन कि?

रोमि 8:34

निनाम्‍हाङ्‌ओ अ़चुम़नाचि हेवामिचिओ निकिना लाहिपाक्‍मा काऱ साङ ओ? साङ्‌छाङ मात्‍द़ङ, देकिनालो ख्रिस्‍त आन्‍को निम्‍पाङ म़सुवा, मोदाङ्‌का च़लोक, खो म़सुवादाओदाङ्‌का अ़ह़ङ म़लिसा खोन्‍कि निनाम्‍हाङ्‌ओ अ़चुचुप्‍ताङ्‌छुक्‍लिप्‍पा म़युङ्‌याङ खोन्‍कि आन्‍को निम्‍पाङ याम़मात्‌याङ।

२ तिमोथि 2:18

बुया लामाखोन्‍मालोन्‍मा लिसाचिआयुङ्‌सा निकिना ओचि अ़छ़ङ्‌दाङ्‌का फेलाखारायुङ्‌साचि। देम्‍पाङ्‌सोओ अ़चुसाकोङ्‌छ़ङ मोचिआ अ़भुङ्‌चुखान्‍चुङ्‌चु।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

हिब्रु 7:25

खोन्‌ओसा खोक्‍कोलाम्‍पा निनाम्‍हाङ्‌ओ अ़चुच़क्‌दा काताचि खोक्‍कोसाआ ओन्‍ग़रि खोन्‍कि अ़धुन्‌तारि लेन्‍मा म़ऱचि। देकिनालो मोचिओ अ़चुलिप्‍पादा निनाम्‍हाङ्‌एदा यामात्‍सि खोक्‍को अ़धुन म़ह़ङ्‌युङ।

१ पत्रुस 1:1

येसु ख्रिस्‍तओ अ़चुछाम्‍माय़ङ पत्रुस्‌दाङ्‌का, पोन्‍तस, गलातिया, कापादोकिया, एसिया खोन्‍कि बिथिनियादा कायुङ लोन्‍माखान्‍माय़ङ फात्‍ताफेला म़लिसाओचि निनाम्‍हाङ्‌आ म़छेन्‍तुचिओचिओ निम्‍पाङ ओ छाप्‍लावा छाप्‍तुङ्‌योङ।

१ पत्रुस 1:13

खोन्‌ओसा आम्‍नुओ मिन्‍मा चुम्‍सानुम, क़म्‍तानिन्‍चिन, खोन्‍कि हाङ्‌पा येसु ख्रिस्‍त खाङ्‌म़मुनान्‍चिन्‌हिदा खानानिन सोमाऩतुक्‍तिन्‌ओदा झारा सोम्‍कुवा मुवानिन।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।