लुका 22:16 - बान्‍तावा राई

¹⁶ देकिनालो अ़ङ्‌का खानानिन लोनानिन, निनाम्‍हाङ्‌ओ अ़चुहाङ्‌होन ताकि अ़नुछ्‍या ओ चानुचाओ अ़तुप्‍माय़ङ मान्‍तालायुक्‌ओन अ़ङ्‌का ओ चानुचा अ़लाऩङ्‌चाऩङ।”

लुका 22:16 ပူးပေါင်းရင်းမြစ်များ

लुका 12:37

मो हारुक्‌चि आसिखा कातोक्‌चि ओ, साङ्‌चिओ अ़चुहाङ्‌पा खिम्‌दा लाताहिदा मान्‌इम्‍दाम़युक्‌ओ म़धिरुचि। अ़ङ्‌का खानानिन नुछ्‍याङा लोनानिन, हाङ्‌पाआ अ़छुमाय़क छ़सुकि मो हारुक्‌चि चा चाखादा चासि युङ्‌म़मेत्‍तुचि खोन्‍कि खो वाङ्‌कि मोचि म़ब़रुचि।

लुका 14:15

खोक्‍कोएनान चा-चाखादा म़युङाकि कायुङ्‌चिदाङ्‌का अ़क्‍छाआ ओ य़ङ एनुकि येसु लो, “निनाम्‍हाङ्‌ओ अ़चुहाङ्‌होन्‌दा खाबाचा चामा कातोक म़ना आसिखा कातोक ओ!”

लुका 22:15

खोन्‍कि येसुआ मोचि म़लोचि, “अ़ङ्‌का दुखा आङ्‌मा बुयाङा ओ काक्‍माखात्‍मा चानुचा खानानिन्‌एनान चामानि अ़न्‍नुनु मिनाङ्‌याङ।

लुका 22:18

देकिनालो अ़ङ्‌का खानानिन लोनानिन, निनाम्‍हाङ्‌ओ अ़चुहाङ्‌होन अ़लानिन्‍तानिन्‌तारि अ़ङ्‌का अङ्‌गुरा माङ्‌वा अ़लाऩङ्‌दुङ्‌ऩङ।”

लुका 22:30

खोन्‌ओसा खानानिन्‌छाङ अ़ङ्‌हाङ्‌होन्‌दा अ़ङ्‌चा चाखादा चामा खोन्‍कि दुङ्‌मा त़ऱन, खोन्‍कि इस्राएल्‌दाओ बारकाभुङ्‌चिओ छ़ङ्‌छेन्‌याङ्‌सा हाङ्‌युङ्‌खाचिदा त़युङिन।

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

छाम्‍माय़ङ 10:41

निनाम्‍हाङ्‌आ खोक्‍को झारा म़नाचिएदा ना खाङ्‌मान्‍मुअ़दा, मेन अ़चुसालुम्‍स़ङ्‌ओ निकि ऩछेन्‍तिन्‍काओ आन्‍कान्‍काएदा ओन्‍ङा खाङ्‌अ़मुसा। येसु म़सुवादाओदाङ्‌का म़लासाखोन्‍तालोन्‍ताकि खोक्‍कोएनान काचा कादुङ आन्‍कान्‍काङा ओ।

खाङ्‌मुमा 19:9

खोन्‍किना मो निनाम्‍हाङ काफाआ अ़ङ्‌का अ़लोवाङ, “ओ छाप्‍तु, थुबाछाओ अ़चुसायाकाम्‍खाओ खाबाचादा बुत्‍माय़ङ्‌चि निनाम्‍हाङ्‌आ झारा आसिखा म़प़चि।” निनाम्‍हाङ काफाआ अ़लासाङ्‌लोवाङ, “निनाम्‍हाङ म़य़ङाओ ओ य़ङ्‌चि अ़छ़ङ ओ।”