लुका 21:8 - बान्‍तावा राई

⁸ खोक्‍कोसाआ मोचि म़लासुलोचि, “चाप्‍चेत्‍तानिन्‍चिन, साङ्‌आछाङ खानानिन ऩथेम्‍सिमिन्‍ने। देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता। खोन्‍कि ‘ग़रि ताचिआयुङ्‌सा!’नि म़य़ङ। मेन मोचि मान्‍त़ङ्‌दानुम्‍च़म।

लुका 21:8 ပူးပေါင်းရင်းမြစ်များ

मत्‍ति 24:11

ब़द्‍धे सोज्‍जेओ निनाम्‍हाङ्‌य़ङ खाकालुचि म़लोन्‌कि ब़द्‍धे म़नाचि म़थेम्‍सुखात्‍तुचि।

मत्‍ति 3:2

“निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

मत्‍ति 4:17

मोन्‍ग़रिदाङ्‌का येसुआ नुय़ङ्‌खान खालुमा अ़पुङ्‌सा, “निनाम्‍हाङ्‌एदा लासानिन, देकिनालो निनाम्‍हाङ्‌होन च़क्‌दा तायुङ्‌सा।”

लुका 17:23

खोन्‍कि म़नाचिआ खानानिन ऩलोन, ‘खानुम, खो मोदा युङ्‌याङ!’ माङ्‌लो ‘खानुम, खो ओदा युङ्‌याङ!’ मेन मान्‍खात्‍दानिन, खोन्‍कि मोचि मान्‍त़ङ्‌दानुम्‍च़म।

लुका 21:7

मोचिआ अ़सेना, “काचिन्‍पो, ओ झारा देम्‍खा म़लि? खोन्‍कि य़ङ्‌चि लिमा म़मुयाङ्‌हिदा दि-दि बुन्‌चि म़लि?”

लुका 21:9

खानानिन ङेन खोन्‍कि खिमाम्‍हुमा य़ङ्‌चि त़एनुम्‍च़म्‌हिदा मान्‍क़दानिन। देकिनालो ओ झारा य़ङ्‌चि बुया लिमाङादोत, मेन अ़लुक्‍मा तामा ना हान्‍छाङ युङ्‌याङ।”

युहन्‍ना 5:43

अ़ङ्‌का अ़ङ्‌पापाओ अ़चुऩङ्‌दा ताङ्‌युङ्‌साङ, मेन खानानिन्‌आ अ़ङ्‌का मान्‍लोक्‍त़दाङ्‌ऩङ। नि साङ आप्‍पिओ अ़ऩङ्‌दा तानालो मो त़लोउम।

युहन्‍ना 8:24

अ़ङ्‌का खानानिन लोनानिन, ‘खानानिन आम्‍नुओ हेवाचिदा त़स़न।’ देकिनालो ‘अ़ङ्‌का खोक्‍कोङा ओ।’ निकिना खानानिन साकोङ्‌छ़ङ त़मुन्‍मिन्‌नालो आम्‍नुओ हेवादा त़स़न।”

युहन्‍ना 8:28

खोन्‌ओसा येसुआ म़लोचि, “खाउग़रि खानानिन्‌आ म़नाओ अ़छा धाना त़थेन्‍तुम, मोन्‍ग़रि अ़ङ्‌का खोक्‍कोङा ओ निकिना खानानिन्‌आ त़सिन्‍तुम। खोन्‍कि अ़ङ्‌का अ़ङ्‌पाङ्‍आ दित्‍छाङ अ़मुऩङ, मेन अ़ङ्‌पापाआ ऩचिन्‍ताङ्‍ओ य़ङ्‌चि ओन्‍ङा चेउङ्‌च़ङ।

१ कोरिन्‍थि 6:9

मान्‍साम्‌योक्‍मिचिआ निनाम्‍हाङ्‌ओ अ़चुहाङ्‌होन्‌दुओ पाङ ऩतोक्‍तुन्‌नि दि खानानिन त़सिन्‍तिमिन्‌येन? धान्‍मादा मान्‍छुक्‍दानिन। काचान्‍चाचि, सेम्‍पोक काब़क्‌चि, ताङ्‌लान कामुचि, दुवाछा-दुवाछा काचान्‍चाचि,

एफिसि 5:6

साङ्‌आछाङ खानानिन सोज्‍जेओ य़ङ्‌आ ऩधान्‍तिमिन्‍ने, देकिनालो मो य़ङ्‍ओ अ़तुक्‌वाआ लोमान्‍तेत्‍चिएदा निनाम्‍हाङ्‌ओ अ़चुच़ऱपा छुक।

२ थेसलोनिकि 2:3

साङ्‌आछाङ खानानिन देत्‍निकिछाङ ऩधान्‍तिमिन्‍ने। देकिनालो बुया ङेन मान्‍लिमाङ्‌तारि माङ्‌लो य़ङ्‌हुप्‌वा मान्‍च़कादा, लुक्‍मादा काखात म़ना खाङ्‌मान्‍मुयुक्‍नान्‍चिन्‌तारि मो लेन अ़तानिन।

२ तिमोथि 3:13

मेन अ़अ़त्‍पा म़नाचि खोन्‍कि काधान्‍चिआ निचि म़धान्‍तुचि खोन्‍कि मोचि आप्‍पि म़धान्‍नान्‍चिन्‌कि च़लोक अ़अ़त्‍पा लियाङ्‌सा म़खात।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

२ युहन्‍ना 1:7

देकिनालो हेन्‍खामादा ब़द्‍धेकापाङ काधान्‌चि झारादात्‍नि म़खारायुङ्‌सा, मोचिआ येसु ख्रिस्‍त अ़चुपोक्‌दा म़ताओनि ऩय़ङ्‌निन। मोवाको म़नाङा काधान खोन्‍कि ख्रिस्‍तओ अ़चुङेङ ओ।

खाङ्‌मुमा 1:3

साङ्‌आ निनाम्‍हाङ्‌य़ङ खालुमा य़ङ्‌चि खिप्‍तुचि, एनुचि खोन्‍कि मोदा छाप्‌याङ्‌ओ य़ङ्‌वा च़, मो आसिखा कातोक ओ, देकिनालो ग़रि च़क्‌दा युङ्‌याङ।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।