लुका 20:23 - बान्‍तावा राई

²³ मेन येसुआ मोचिओ अ़चुचाप्‍चा मिन्‍मा अ़सिन्‍ताकि मोचि म़लोचि,

लुका 20:23 ပူးပေါင်းရင်းမြစ်များ

मत्‍ति 16:1

फरिसि खोन्‍कि सदुकिचि येसुएदा म़ता, खोन्‍कि चिन्‍माखाङ्‌मा निम्‍पाङ खोक्‍को निनाम्‍मादुङ्‌काओ अ़क्‌तात बुन खाङ्‌मेत्‍म़लुवा।

मत्‍ति 22:18

मेन मोचिओ अ़चुओ अ़अ़त्‍पा मिन्‍मा अ़सिन्‍ताकि येसुआ म़लोचि, “कोङ्‌क़त्‌वाचि ओ, देकि खानानिन्‌आ अ़ङ्‌का चिन्‍माखाङ्‌मा त़लाप्‍ङाङाऩङ?

लुका 20:20

येसुआ काचि फिसु हे निकि मोचिआ अ़खायुङ्‌साङा, खोन्‍कि अ़नुवाक लिसिन्‌वा काच़चि खासुक्‍सि येसुएदा म़छुत्‍तुचि। देकिनालो येसु म़चेप्‌ओ अ़चुय़ङ्‌दा लाप्‍माकि रोमि धिखाहुप काखाङ्‌ओ अ़छुक्‌दा खोक्‍को पाक्‍माप़मानि म़मिनाङा।

लुका 20:22

हान आन्‍कान्‍का लोनि, आन्‍कान्‍का रोमि तोक्‍पोहाङ कैसरएदा दाम्‍दु छोन्‍मामोसाओ अ़य़ङ्‌हुप्‌आ अ़प़न्‍का हे अ़प़न्‍मिन्‍का?”

लुका 20:24

“अ़ङ्‌का अ़क्‌तात फेक्‌वा पुवाङ्‌ऩङ। ओदा साङ्‌कोओ अ़ङाइवा खोन्‍कि अ़ऩङ सेप्‍तायुङ्‌सा?” मोचिआ “कैसरओ”नि अ़लोवा।

लुका 5:22

मोचिओ अ़चुमिन्‍मादा अ़मित्‍ताङाओ य़ङ अ़सिन्‍ताकि येसुआ मोचि म़सेनुचि, “देकि खानानिन आम्‍नुओ साकोङ्‌वादा ओवाको य़ङ्‌चि त़मित्‍तुम्‌योम्‍च़म?

लुका 6:8

मोचिओ अ़चुमिन्‍मादाओ य़ङ अ़तुप्‍ताकि येसुआ अ़छुक छोवाखाराओ म़ना अ़लोवा, “झारासोओ अ़चुबुदा पुवालोन्‍ताकि बाना!” खोन्‍कि खो पुवालोन्‍ताकि अ़चुबुदा बाना।

छाम्‍माय़ङ 13:10

“खाना सैतानाओ अ़छा खोन्‍कि झारा अ़नुवाक य़ङ्‍ओ अ़ङेङ ओ। झारा म़प्‍मा खोन्‍कि अ़अ़त्‍पाआ त़भेप्‍ताओ! दि हाङ्‌पाओ अ़छ़ङ लाम्‌चि खाना ऱक्‍मा त़छिरुन?

१ कोरिन्‍थि 10:9

आन्‍कान ख्रिस्‍त चिन्‍माखाङ्‌मा अ़नुनिन, मोचिएदाओ देम्‍पाङ मोवात्‍नि म़चुवाहिदा प़चिआ म़धोक्‍तुसेरुचि।

१ कोरिन्‍थि 3:19

देकिनालो हेन्‍खामाओ खारु निनाम्‍हाङ्‌ओ अ़चुबुदा खामान्‍सिन ओ। साम्‍कालिन्‌दा ओवात्‍नि छाप्‌याङ, “खोक्‍कोसाआ ताया कातोक्‌चि मोचिओ अ़चुचाप्‍चादा म़लाउचि।”

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

हिब्रु 4:13

निनाम्‍हाङ्‌ओ अ़चुखाङ्‌मादाङ्‌का मुन्‍माय़ङ दित्‍छाङ अ़कुम्‍निन। खोक्‍कोसोओ अ़चुबुदा झारा य़ङ्‌चि ऩदिप्‍निनिन, खोन्‍कि छेङ्‌छेङ्‌छेङ्‌वा म़मुयाङ। आन्‍कान मुम्‌ओ अ़छ़ङ य़ङ खोक्‍को खाएत्‍मादोत।