लुका 20:16 - बान्‍तावा राई

¹⁶ अङ्‌गुराखाओ अ़हाङ्‌पा ताकि व़क काचात्‌चि म़सेरुचि खोन्‍कि अङ्‌गुराखा नि व़क काचात्‌चि म़प़चि।” खोन्‍किना म़नाचिआ ओ अ़एनाकि म़य़ङा, “ओवात्‍नि देम्‍खाछाङ अ़लिनिन्‍ने!”

लुका 20:16 ပူးပေါင်းရင်းမြစ်များ

मत्‍ति 21:34

अङ्‌गुरा तुमाओ ग़रि खोसाआ अ़हारुक्‌चि अङ्‌गुराओ अ़लोक लासि अ़व़क काचात्‌चिएदा छुत्‍तुचि।

मत्‍ति 21:41

मोचिआ खोक्‍को अ़लासालोवा, “खोसाआ मो अ़अ़त्‍पा म़नाचि चाअ़त्‍लो म़सेरुचि, खोन्‍कि अङ्‌गुराखा नि व़क काचात्‌चि म़प़चि, साङ्‌आ अङ्‌गुराओ अ़लोक खो अ़ग़रिदा अ़प़।”

मत्‍ति 22:7

हाङ्‌ओ अ़माइसुङ्‌कारा खोन्‍कि अ़रात्‍खामिचि छुत्‍तुचिकि मो म़ना कासेत्‌चि सेरुचि, खोन्‍कि मोचिओ अ़चुसहरा ह़त्‍ताखाइसा।

मर्कुस 12:9

खोन्‍किना मो अङ्‌गुराखाओ अ़हाङ्‌पाआ मोचि दे मुचि? खोक्‍को म़ताकि मो व़क काचात्‌चि म़सेरुचि, नि व़क काचात्‌चि म़प़चि।

लुका 19:27

मेन अ़ङ्‌का हाङ मुङाओ ऩङाकाछित मो अ़ङ्‌ङेङ्‌चि ओदा बात्‍तानुम्‍च़म, खोन्‍कि अ़ङ्‌बुदा सेरानुम्‍च़म!’”

लुका 20:15

खोन्‍किना मोचिआ अ़चुछा अङ्‌गुराखादाङ्‌का बुङ्‌खाया अ़सारा खात्‍ताकि अ़सेरा। हान अङ्‌गुराखाओ अ़हाङ्‌पाआ मोचि दे मुचि?

छाम्‍माय़ङ 13:46

मेन पावल खोन्‍कि बारनाबास्‌आ राक्‌एनान अ़लासालोवाचुचिन, “निनाम्‍हाङ्‌ओ अ़चुय़ङ झारादाङ्‌का बुया खानानिन्‌ङा खाएत्‍मा दोराङाओ। मेन खानानिन्‌आ ओ ऩङात़छिरुम, खोन्‍कि खानानिन आप्‍पिङा अ़लुक्‍निन्‌ओ ह़ङ्‌म़ङ्‌आ त़खान्‍तिमिन्‌ओ त़काइसिन्‍चिन, खोन्‌ओसा हान आन्‍काच्‍या निरावाचिएदा लाच्‍या।

रोमि 11:1

खोन्‌ओसा अ़ङ्‌का खासेन्‍ङा, दि निनाम्‍हाङ्‌आ अ़चुम़नाचि ऩङाम़छिरुयुङ्‌सुचि? देम्‍खाछाङ माआङ! अ़ङ्‌का आप्‍पिछाङ अब्राहाम्‌ओ अ़छा, बेन्‌यामिन भुङ्‌ओ अ़क्‍छा इस्राएलि ओ।

रोमि 11:11

खोन्‌ओसा अ़ङ्‌का य़ङ्‌ङा, दि मोचि अ़धुन धाम्‍मा निम्‍पाङ म़धुङ्‌साओ? देम्‍खाछाङ माआङ! मेन इस्राएल हेवा मुवाओसा निरावाचिएदा लेन्‍मा ता, देकिनालो इस्राएल्‌छाङ लेत्‍माओ निम्‍पाङ ऩङ्‌च़ मुने।

रोमि 3:31

खोन्‍नालो दि आन्‍कान ओ साकोङ्‌छ़ङ्‌लाम्‍पा य़ङ्‌हुप छित्‍मा? अ़नुछ्‍या माआङ! मेन, आन्‍कान अ़य़ङ्‌हुप्‌ओ अ़सालुम्‍स़ङ य़ङ्‌याङ्‌वा च़न्‌येन।

रोमि 3:4

मोवात्‍नि अ़लिनिन्‍ने! निनाम्‍हाङ अ़छ़ङ खोन्‍कि झारा म़ना सोज्‍जेओ कान्‍ने। “खानानिन आम्‍नुओ य़ङ्‌चिदा तोङ्‌लो काइसानिन्‍चिन, खोन्‍कि छ़ङ्‌ऩछेन्‍तिन्‌हिदा खानानिन त़छोसिन”नि साम्‍कालिन्‌दा छाप्‍तायुङ्‌सा।

रोमि 3:6

देम्‍खाछाङ माआङ! खोन्‍नालो निनाम्‍हाङ्‌आ हेन्‍खामा दन्‍दा प़मा देत्‍नि अ़रुवाओ कि?

रोमि 6:15

हान दि म़ल़क? दि आन्‍कान य़ङ्‌हुप्‌ओ अ़क़म्‍मादा अ़याइमिन्‌येन, मेन सोम्‍तुक्‍माओ अ़क़म्‍मादा आन्‍कान याइन्‌येन्‌ओसा हेवा मुमा म़ल़क? देम्‍खाछाङ माआङ।

रोमि 6:2

देम्‍खाछाङ माआङ! आन्‍कान्‌एदा हेवाओ अ़सावा मात्‍द़ङ, देत्‍नि आन्‍कान हान्‍छाङ मोदाङा ह़ङ्‌मा?

रोमि 7:13

खोन्‍नालो दि अ़नुवाक मुयाङ, मोसाआ अ़ङ्‌को निम्‍पाङ स़मा तारु म़ल़क? देम्‍खाछाङ माआङ! मेन हेवा, हेवावात्‍नि सिन्‍ने निम्‍पाङ अ़नुवाक य़ङ्‌लाम्‍पा हेवाआ अ़ङ्‌काएदा स़मा तारुयुङ्‌सु, खोन्‌ओसा लोमाय़ङ्‌लाम्‍पा हेवा अ़न्‍नुनु हेवामि लिमा ऱने।

रोमि 7:7

खोन्‍नालो आन्‍कान दे य़ङिन म़ल़क? य़ङ्‌हुप हेवा ओ? देम्‍खाछाङ माआङ! मेन य़ङ्‌हुप मात्‍द़ङ्‌याङ्‍ओदे, हेवा दि ओ अ़ङ्‌का मान्‍सिन्‍ङाओ। “खाना च़क्‍ख़य़ मान्‍मुदा”नि य़ङ्‌हुप मान्‌य़ङ्‌ओदे च़क्‍ख़य़ मुमा अ़अ़त्‍पाओ निकिना मान्‍सिन्‍ङाओ।

रोमि 9:14

हान आन्‍कान दे य़ङिन म़ल़क? दि निनाम्‍हाङ अ़अ़त्‍पा म़मुयाङ? देम्‍खाछाङ माआङ!

१ कोरिन्‍थि 6:15

आम्‍नुओ पोक ख्रिस्‍तओ अ़चुधाङ्‌चिओ निकिना दि खानानिन त़सिन्‍तिमिन्‌येन? खोन्‍नालो दि अ़ङ्‌का ख्रिस्‍तओ अ़चुधाङ खात्‍माकि काचान्‍चामाएनान अ़क्‌तात मुमा? ओ देम्‍खाछाङ लिमा अ़ऱनिन!

गलाति 2:17

मेन ख्रिस्‍तएदा आन्‍कान यहुदि म़नाचिआ साम्‌योक्‍मि कान्‍मान्‍चिन लामिन्‌येन्‌हिदा आन्‍कान आप्‍पि हेवामिनि म़मित्‌नालो ख्रिस्‍तआ आन्‍कान हेवा मुमादात्‍नि म़तित्‍ताओ कि? देम्‍खाछाङ माआङ!

गलाति 3:21

खोन्‍नालो दि य़ङ्‌हुप निनाम्‍हाङ्‌ओ अ़चुहिप्‍माय़ङ्‌चिओ अ़देङ्‌सालाप्‍पा मुयाङ कि? देम्‍खाछाङ अ़मुनिनिन! अ़ह़ङ मुमा काऱ य़ङ्‌हुप म़पुवाओदे, साम्‌योक्‍मि अ़नुछ्‍याङा य़ङ्‌हुप्‌लाम्‍पा ताओ।

गलाति 6:14

मेन आन्‍हाङ्‌पा येसु ख्रिस्‍तओ अ़चुक्रुस्‌दाङ्‌का नि खाक्‍कोछाङ य़ङ्‌दा तोक्‍पो लिमा अ़ङ्‌काएदाङ्‌का अ़थाया लिने। मो क्रुस्‌लाम्‍पा हेन्‍खामाओ अ़तुक्‌वादा अ़ङ्‌का सुवाङ। हेन्‍खामा अ़ङ्‌काएदा अ़सावा मात्‍द़ङ लिसायुङ्‌सा।