लुका 2:51 - बान्‍तावा राई

⁵¹ खोन्‍किना येसु अ़चुमापाचिएनान नासरत्‌दा म़धाकि खोचिआ अ़लोवाचुओ काङ्‌याङ्‌सा युङा। खोन्‍कि खोक्‍कोसोओ अ़चुमा मरियम्‌आ ओ झारा य़ङ्‌चि अ़मिन्‍मादा नुलोक युङ्‌सुचि।

लुका 2:51 ပူးပေါင်းရင်းမြစ်များ

मत्‍ति 12:46

येसु म़ना मुक्‍लाएनान म़चेवाङाहिदा खोक्‍कोसोओ अ़चुमा खोन्‍कि अ़चुदुवाछा निछाचि बुङ्‌खाया म़एवाङा खोन्‍कि खोक्‍कोएनान हान्‍मा म़सुवाङा।

मत्‍ति 3:15

मेन येसुआ खोक्‍को अ़लासालोवा, “ओन्‍ग़रि ओवात्‍निङा नुयाङ। देकिनालो ओवात्‍निङा झारा आन्‍निनाम्‍हाङ्‌ओ अ़चुमिन्‍मा तासुम्‍लाम्‍ने।” खोन्‍कि युहन्‍ना बप्‍तिस्‍मा प़मा काङ्‌सा।

मर्कुस 1:9

मो लेन्‍चिदा येसु गालिल्‌ओ नासरत्‌दाङ्‌का म़ता, खोन्‍कि यर्दन याङ्‌वामादा युहन्‍नालाम्‍पा बप्‍तिस्‍मा म़लोआ।

मर्कुस 6:3

दि ओक्‍को स़ङ्‌काचि कामु माआङ? दि ओक्‍को मरियम्‌ओ अ़छा खोन्‍कि याकुब, योसेफ, यहुदा खोन्‍कि सिमोन्‌ओ अ़चुबुवा माआङ कि? दि ओसोओ अ़छेत्‍कुमा निछाचि आन्‍कान्‌एनान ऩयुङ्‌निनिन कि?” खोन्‍कि मोचिआ खोक्‍को अ़सुङ्‌ता खोन्‍कि साकोङ्‌छ़ङ मान्‍मुअ़दा।

लुका 18:37

म़नाचिआ मो दोप्‍म़क अ़लोवा, “नासरत्‌ओ येसु ओलाम्‍पा म़खात्‌याङ।”

लुका 2:19

मेन मरियम्‌आओन ओ झारा य़ङ्‌चि अ़मिन्‍मादा नुलोक युङ्‌सुकि मित्‍तुचि।

लुका 2:39

निनाम्‍हाङ्‌ओ अ़चुय़ङ्‌हुप्‌दा छाप्‍ताङावात्‍नि मुमादोराङाओ झारा काचिचि अ़मुवाचिआचुचिकि योसेफ खोन्‍कि मरियम गालिल्‌दाओ अ़चुतेन नासरत्‌दा लासाचि।

लुका 4:16

येसु म़पोयाओ नासरत तेन्‌दा म़तादिसाकि अ़धुन्‌वात्‍निङा यहुदिचिओ सावातोम्‍खा-लेन्‌दा यावायोक्‍खिम्‌दा म़खारा खोन्‍कि साम्‍कालिन खिप्‍सि म़एवा।

लुका 4:23

खोन्‍कि येसुआ मोचि म़लोचि, “हान ब़द्‍धे म़नाचिआ अ़एनाओ ओ दोय़ङ्‌ला नुछ्‍याङा खानानिन्‌आ अ़ङ्‌का त़लोङाऩङ, ‘ओक्‍तोकामेत! खाना आप्‍पि नुसान्‍चिन। कफर्नहुम तेन्‌दा खाना त़मुओ सावा काचि आन्‍कान्‍काआ एनुम्‌युङ्‌सुम्‍का, मो काचि ओक्‍को आम्‍तेन्‌दाछाङ मु।’”

एफिसि 5:21

ख्रिस्‍तओ अ़चुसाऩङ्‌वादा अ़क्‍छा निओ अ़पाङ्‌दा युङानिन।

१ पत्रुस 2:21

देकिनालो ओसोओ निकिना निनाम्‍हाङ्‌आ खानानिन ऩबुत्‍तिन्‌ओ। ख्रिस्‍तआछाङ आम्‍नुओ निम्‍पाङ दुखा अ़आङ्‌ताकि अ़क्‌तात अ़मात्‍ऩङ ऩछित्‍तिन्‍दान, खोन्‍कि खोक्‍कोसोओ अ़चुलाम्‌दा खानानिन्‌छाङ कोन्‍मादोत।