लुका 2:26 - बान्‍तावा राई

²⁶ हाङ्‌पाआ अ़य़ओ कालेन्‍पा ख्रिस्‍त मान्‍खाङ्‌माङ खो अ़स़निन्‍दानिन निकिना सेङ्‌लावाआ बुयाङा खोक्‍को अ़लोवायुङ्‌साओ।

लुका 2:26 ပူးပေါင်းရင်းမြစ်များ

मत्‍ति 2:12

खोन्‍किना हेरोद्‌एदा मान्‍लाखात्‌दानिन निकिना अ़चुसेन्‍मुयुदा चाप्‍चेत्‍माय़ङ अ़तोक्‍ताकि नि लाम लियाङ्‌सा मोचि अ़चुहेन्‍कोप म़लासा।

लुका 2:29

“निनाम्‍हाङ, खानानिन्‌आ आम्‍नुओ हिप्‍माय़ङ त़तासुम्‍लोम्‌युङ्‌सुम। हान आम्‍नुओ हारुक नुलोक लेत्‍नि।

लुका 9:27

मेन अ़नुछ्‍या अ़ङ्‌का खानानिन लोनानिन, ओदा खा-खाक्‍को काएप्‌चिदाङ्‌का निनाम्‍हाङ्‌ओ अ़चुहाङ्‌होन बुया मान्‍खाङ्‌माङ्‌तारि ऩस़निन्‍दानिन।”

युहन्‍ना 1:41

येसुएनान हासान्‌यान्‍चिन्‌वा खोसाआ बुया अ़बुवा सिमोन तुउ खोन्‍कि खोसाआ लो, “आन्‍कान्‍का ‘मसिह’ धिरुम्‌युङ्‌सुम्‍का।” (“मसिह”ओ अ़तुप्‌य़ङ कालेन्‍पा ख्रिस्‍त ओ)

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 4:29

“बानानिन्‌कि अ़क्‍छा म़ना खानुम, खोक्‍कोसाआ अ़ङ्‌का मुङ्‌च़ङ्‍ओ झारा काचिचि खाऩएत्‍ताङ। मात्‌दे, खोक्‍को ख्रिस्‍त ना माआङ?”

युहन्‍ना 8:51

अ़नुछ्‍या अ़ङ्‌का खानानिन लोनानिन, साङ अ़ङ्‌य़ङ्‌वा च़नालो खो देम्‍खाछाङ अ़स़निन।”

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 17:3

खोसाआ साम्‍कालिन्‌दाङ्‌का खाएत्‌याङ्‌सा खोन्‍कि सालुम्‍स़ङ प़याङ्‌सा मोचि लोचि, “ख्रिस्‍तआ दुखा आङ्‌मा खोन्‍कि म़सुवादाओदाङ्‌का खोन्‍मालोन्‍मादोरा। ओक्‍को येसुओ अ़चुतुक्‌वादा अ़ङ्‌का खानानिन खाएत्‍नाङ्‌नानिन, खोक्‍कोङा ख्रिस्‍त ओ।”

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

छाम्‍माय़ङ 9:20

खोसाआ मोन्‍ग़रिङा यावायोक्‍खिम्‌चिदा “येसुङा निनाम्‍हाङ्‌ओ अ़चुछा ओ” निकिना खालुमा पुङ्‌सु।

हिब्रु 11:5

साकोङ्‌छ़ङ्‌लाम्‍पा मान्‍स़माङ हनोक निनाम्‍मादु थेन्‍ताखात्‍ता, खोन्‍कि खो खात्‍निछाङ मान्‍धित, देकिनालो निनाम्‍हाङ्‌आ खो अ़थेन्‍ताखात्‍ता। खो थेन्‍माखात्‍मा बुया खोसाआ निनाम्‍हाङ अ़ऩङानुसुओ य़ङ साम्‍कालिन्‌आ खालुसु।