लुका 2:14 - बान्‍तावा राई

¹⁴ “झारादाङ्‌का धानि निनाम्‍मादु निनाम्‍हाङ्‌ओ अ़चुऩङ लोङ्‌ने, खोन्‍कि हेन्‍खामादा खाक्‍को म़नाचिएनान निनाम्‍हाङ्‌ओ अ़चुऩङानुयाङ, मोचिओ अ़चुमिन्‍मा चानुलो लिने।”

लुका 2:14 ပူးပေါင်းရင်းမြစ်များ

मत्‍ति 21:9

खोन्‍कि येसुओ अ़चुबुदा काखात्‌चि खोन्‍कि अ़चुदेङ्‌दा कात़ङ्‌चि, म़पारा, “दाउद्‌ओ अ़छा होसन्‍ना! साङ हाङ्‌पा निनाम्‍हाङ्‌ओ अ़चुऩङ्‌दा म़ता, खोक्‍को निनाम्‍हाङ्‌आ आसिखा अ़प़ने! होसन्‍ना, निनाम्‍मादु कायुङ्‌ओसोओ अ़चुऩङ लोङ्‌ने!”

लुका 1:79

खोन्‍कि कुइयामादा कायुङ्‌चि खोन्‍कि स़मादामाओ अ़इप्‍नाम्‍मादा म़छुक्‍ताओचि साम म़प़चि, खोन्‍किना मो साम्‌आङा आन्‍कान निनाम्‍हाङ्‌एनान लामातोङ्‌मा लाम्‌दा म़तित।”

लुका 19:38

“निनाम्‍हाङ्‌ओ अ़चुऩङ्‌दा म़ताओ हाङ निनाम्‍हाङ्‌आ आसिखा अ़प़ने! निनाम्‍मादु सेवाङ्‌नि लिने खोन्‍कि झारादाङ्‌का धानि निनाम्‍हाङ्‌ओ अ़चुऩङ लोङ्‌ने।”

लुका 2:13

अ़क्‍धुवा मो निनाम्‍हाङ काफाएनान ब़द्‍धे निनाम रात्‍खामिचि खाङ्‌म़मुसान्‍चिन्‌किना निनाम्‍हाङ्‌ओ अ़चुऩङ चोन्‌याङ्‌सा ओवात्‍नि छाम लुमा अ़पुङ्‌सा,

लुका 2:15

निनाम्‍हाङ काफाचि मोचिदाङ्‌का म़हासान्‍चिन्‌कि निनाम्‍मादुत्‍नि म़लासा। खोन्‍कि भेरा काचान्‌चि खोचिखोचिएदा म़य़ङा, “लु, हान बेथलेहेम्‌या खारिन्‍ने खोन्‍कि निनाम्‍हाङ्‌आ आन्‍कान म़लोवाओ य़ङ तालाओ खाम्‍ने।”

लुका 3:22

खोन्‍कि सेङ्‌लावा साप्दुकुत्‌वावात्‍नि खोक्‍कोएदा म़धान्‍तान्‍चिन। खोन्‍कि निनाम्‍मादुङ्‌का अ़क्‌तात ओवाको य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

युहन्‍ना 14:27

सेवाङ्‌नि अ़ङ्‌का खानानिन छित्‍नादानाप़नानिन। अ़ङ्‌को अ़ङ्‌सेवाङ्‌नि खानानिन प़नानिन। हेन्‍खामाआ प़न्‌वा अ़ङ्‌का खानानिन अ़प़नानिमिन। आम्‍नुओ साकोङ्‌वा चाअ़त्‍लो अ़लिनिन्‍ने खोन्‍कि अ़क़मा अ़कात्‍निन्‍ने।

युहन्‍ना 17:4

खाक्‍को काचि खानानिन्‌आ अ़ङ्‌का मुमा त़प़नि, मो तासुङ्‌लोङ्‌कि हेन्‍खामादा अ़ङ्‌का आम्‍नुओ ऩङ लोङ्‌सुङ्‌युङ्‌सुङ।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

छाम्‍माय़ङ 10:36

निनाम्‍हाङ्‌आ इस्राएलि म़नाचि म़हान्‍तुचिओ नुय़ङ्‌खान खानानिन त़सिन्‍तुम्‌योम। खोसाआ येसु ख्रिस्‍तलाम्‍पा खानानिन सेवाङ्‌निओ नुय़ङ्‌खान खाऩएत्‍तिन्‌युङ्‌सिन। खोक्‍कोङा झारासोओ आन्‍हाङ्‌पा ओ।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

एफिसि 1:6

खोन्‌ओसा खोक्‍कोसाआ सोमाअ़तुक्‍ताङाओ अ़चुछालाम्‍पा आन्‍कान मोहा म़पुवाओ साम्‍स़रिओ अ़चुसोमातुक्‍माओ निम्‍पाङ आन्‍कान निनाम्‍हाङ चोन्‍तुम्‍ने।

एफिसि 1:9

खोन्‍कि निनाम्‍हाङ्‌आ ख्रिस्‍तदा अ़युङ्‌साओ अ़चुमित्‍चिऩङ्‌वात्‍नि खोक्‍कोसाआ अ़चुकोङ्‌दुम आन्‍कान सिन्‍मा म़पुवायुङ्‌सा।

एफिसि 2:4

मेन निनाम्‍हाङ्‌ओ अ़चुसोमातुक्‍मा ब़द्‍धे याक्‌याङ, खोन्‍कि खोक्‍कोओ अ़चुसोमातुक्‍मा आन्‍कान्‌एदा अ़न्‍नुनु तोक्‍पो मुयाङ।

एफिसि 2:7

येसु ख्रिस्‍तआ ओ आन्‍कान्‌एदाओ खोक्‍कोसोओ अ़चुसोम्‍तुक्‍मादा अ़न्‍नुनु तोक्‍पो अ़चुसोमातुक्‍मा तायाङ्‍ओ जुगादा खाङ्‌मुमा निम्‍पाङ ओ।

फिलिप्‍पि 2:11

खोन्‍कि झारा लेम्‌आ निनाम्‍हाङ पापाओ अ़चुऩङ्‌लोङ्‌माओ निम्‍पाङ, येसु ख्रिस्‍त हाङ्‌पाओ निकिना लोक्‍मादोत।

फिलिप्‍पि 2:13

देकिनालो खानानिन्‌एदा निनाम्‍हाङ आप्‍पि काचि म़मुयाङ। खोक्‍कोसाआ खानानिन अ़चुओ अ़नुवाक मित्‍चिऩङ तामालामा मिन्‍मा खोन्‍कि सावा ऩप़न।

कलस्‍सि 1:20

खोन्‍कि निनाम्‍हाङ्‌आ अ़चुछालाम्‍पा क्रुस्‌दाओ हेन्‍खोक्‌वाआ सेवाङ्‌नि अ़मुवाकि हेन्‍खामादाओने कि निनाम्‍मादुओङाने, खोक्‍कोलाम्‍पाङा झारा य़ङ्‌चि खोक्‍कोएदा तोङ्‌सि म़तारुचि।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

खाङ्‌मुमा 5:13

खोन्‍किना निनाम्‍मादु, हेन्‍खामादा, हेन्‍खामा भेन्‌यु, धियाङ्‌वामादा खोन्‍कि मोदा म़याआङाओ झारा अ़ह़ङ साक्‍स़ङ्‌चि ओवात्‍नि म़य़ङाङाओ अ़ङ्‌का एनुङ, “हाङ्‌युङ्‌खादा कायुङ खोन्‍कि थुबाछा चोन्‍मा, साया, साम खोन्‍कि छोमा अ़धुन-अ़धुन्‌तारि लियुङ्‌ने!”