लुका 19:47 - बान्‍तावा राई

⁴⁷ येसुआ लेन-लेन निनाम्‍हाङ ब़क्‍खाखिम्‌दा म़चिन्‍तुङुचि। मेन मुलो काब़क्‍पाचि, य़ङ्‌हुप काचिन्‍पाचिकिना म़नाचिओ अ़चुअ़धुवाचिआ खोक्‍को सेत्‍मा अ़लाप्‍ताङा।

लुका 19:47 ပူးပေါင်းရင်းမြစ်များ

मत्‍ति 21:23

खोक्‍को निनाम्‍हाङ ब़क्‍खाखिमदा म़वाङा, खोन्‍किना खोक्‍कोसाआ म़चिन्‍तुङुचिहिदा मुलो काब़क्‍पाचि, म़नाचिओ अ़चुअ़धुवाचि खोक्‍कोएदा म़ता खोन्‍कि खोक्‍को अ़सेना, “साङ्‌कोओ अ़पाङ्‌आ खानानिन ओ काचिचि त़मुम्‌योम्‍च़म, खोन्‍कि साङ्‌आ खानानिन ओ पाङ ऩप़न?”

मत्‍ति 26:55

मोन्‍ग़रि येसुआ म़ना मुक्‍लाचि म़लोचि, “काङाप्‍खात्‌ओ अ़देङ्‌सालाप्‍पादा तान्‌वा अ़ङ्‌का लाप्‍सि बान्‍छोन्‌चि खोन्‍कि रोलाचिएनान खानानिन तामादोराङाओ कि? अ़ङ्‌का अ़लेन्‍खिन्‍तुम निनाम्‍हाङ ब़क्‍खाखिम्‌दा चिन्‌याङ्‌सा युङाङ्‌याङ, मेन खानानिन्‌आ अ़ङ्‌का मान्‍लाप्‍त़दाङ्‌ऩङ।

मर्कुस 11:18

ओ य़ङ मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचिआ अ़एना, खोन्‍कि मोचिआ येसु देत्‍नि सेत्‍मा निकिना अ़लाम लाम्‍मा अ़पुक्‍ता। मेन मोचि खोक्‍कोएदा म़क़सा, देकिनालो खोक्‍कोसोओ अ़चुचिन्‍मादा झारा म़ना मुक्‍लाचि दोम्‍तुदोचि।

मर्कुस 12:12

खोन्‍किना यहुदिचिओ अ़चुबुसुवाचिआ येसु लाप्‍मा अ़लाप्‍ता, देकिनालो मो दोय़ङ्‌ला खोचिओ अ़चुदेङ्‌सालाप्‍पादा खोक्‍को म़य़ङाओ निकिना अ़सिन्‍तालावा। मेन मोचि म़ना मुक्‍लाचिदाङ्‌का म़क़सा, खोन्‌ओसा मोचिआ खोक्‍को अ़छिरादाकि म़खारालोन्‍ता।

मर्कुस 14:1

हान काक्‍माखात्‍मा चानुचा खोन्‍कि खमिरा मान्‍पाक्‍माय़ङ पेम्‍पाक्‌ओ चानुचा ह्‍वालेन ओन्‍ङा युङाङा। मुलो काब़क्‍पाचि खोन्‍कि मोसाओ अ़य़ङ्‌हुप काचिन्‍पाचिआ साङ्‌आछाङ मान्‍सिन्‍माङ येसु लाप्‍मा खोन्‍कि सेत्‍मा अ़वाखाम अ़लाप्‍ताङा।

मर्कुस 14:49

अ़ङ्‌का अ़लेन्‍खिन्‍तुम निनाम्‍हाङ ब़क्‍खाखिम्‌दा चिन्‌याङ्‌सा खानानिन्‌एनान युङाङ्‌याङ, मेन खानानिन्‌आ अ़ङ्‌का मान्‍लाप्‍त़दाङ्‌ऩङ। मेन साम्‍कालिन्‌दाओ य़ङ तालाने!”

लुका 19:48

खोन्‍नुछाङ मोचिआ येसु सेत्‍माओ अ़लाम दित्‍छाङ मान्‍धित्‌अ़दा। देकिनालो झारा म़नाचि खोक्‍कोसोओ अ़चुय़ङ एन्‌याङ्‌सा खोक्‍कोएनान अ़क्‍नि म़युङायाक्‍ताङा।

लुका 20:19

य़ङ्‌हुप काचिन्‍पाचि खोन्‍कि मुलो काब़क्‍पाचिआ मो दोय़ङ्‌ला येसुआ खोचिओ अ़चुदेङ्‌सालाप्‍पादा म़य़ङाओ निकिना अ़सिन्‍तालावा। खोन्‌ओसा येसु मोन्‍ग़रिङा लाप्‍मा अ़लाप्‍ता, मेन मोचि म़नाचिदाङ्‌का अ़चुक़माकाराकि लाप्‍मा मान्‍ऱअ़दा।

युहन्‍ना 10:39

मोचिआ खोक्‍को लामालाप्‍मा अ़लाप्‍ता, मेन खोक्‍को मोचिएदाङ्‌का म़फुङ्‌सा।

युहन्‍ना 18:20

येसुआ खो अ़लासालोवा, “अ़ङ्‌का हेन्‍खामादाओ झारा म़नाचि मान्‍कुम्‍माङ लोङ्‌युङ्‌सुङ्‌च़ङ। अ़ङ्‌का अ़धुन यावायोक्‍खिम्‌चिदा खोन्‍कि निनाम्‍हाङ ब़क्‍खाखिम्‌दा चिन्‍तुङ्‌च़ङ, मोदा झारा यहुदिचि म़कोवान्‍चिन। अ़ङ्‌का सुकुलादा दित्‍छाङ मान्‌य़ङ्‌युक्‍ङा।

युहन्‍ना 7:19

दि निनाम्‍हाङ्‌य़ङ खाकालु मोसाआ खानानिन य़ङ्‌हुप त़प़न्‌ओ माआङ? मेन खानानिन साङ्‌छाङ मो य़ङ्‌हुप्‌वा त़च़न्‍मिन। खानानिन देकि अ़ङ्‌का सेत्‍मा त़लाप्‍ङाङाऩङ?”

युहन्‍ना 7:44

मोचिएदाओ देम्‍पाङ्‌साआ खोक्‍को लाप्‍मा अ़लाप्‍ता, मेन खोक्‍को साङ्‌आछाङ छुक मान्‍पाक्‌अ़दा।